मुंबई : गुंतवणूकदारांना श्रीमंत बनवणारी डायनॅमिक केबल्स लिमिटेड आता आपल्या गुंतवणूकदारांना बोनस शेअर्स (Dynamic Cables bonus shares) देणार आहे. कंपनीने शुक्रवारी ३० मे रोजी बोनस शेअर्सची घोषणा केली आहे. डायनॅमिक केबल्स लिमिटेड एका शेअरसाठी एक शेअर बोनस म्हणून देणार आहे. कंपनीने पहिल्यांदाच बोनस शेअर्स देण्याचा निर्णय घेतला आहे.



रेकॉर्ड तारीख

डायनॅमिक्स केबल्स लिमिटेडने शुक्रवारी शेअर बाजाराला दिलेल्या माहितीत म्हटले की, १० रुपये दर्शनी मूल्याचा एक शेअर बोनस म्हणून दिला जाईल. कंपनीने अद्याप या बोनस इश्यूची रेकॉर्ड तारीख जाहीर केलेली नाही. ही तारीख लवकरच जाहीर करण्यात येणार आहे.

लाभांशाचीही भेट

डायनॅमिक केबल्स लिमिटेड गुंतवणूकदारांना सतत लाभांशाची भेट देत आहे. कंपनीचे शेअर्स २३ जूनला एक्स-डिव्हिडंडचा (Dynamic Cables dividend record date) व्यवहार करतील. कंपनीने प्रति शेअर ०.५० रुपये लाभांश देण्याचा निर्णय घेतला आहे. २०२२ पासून कंपनी सतत प्रत्येक शेअरवर ०.५० रुपये लाभांश देत आहे.

शेअर्सचा परतावा

शुक्रवारी दिवसभरात कंपनीचे शेअर्स ९०४.४५ रुपयांच्या पातळीवर पोहोचले. मात्र, बाजार बंद होताना शेअर (Dynamic Cables share price) २.५२ टक्क्यांच्या वाढीसह ८६७.७० रुपयांवर बंद झाला. गेल्या एका महिन्यात डायनॅमिक केबल्सच्या शेअर्सच्या किमतीत ६१ टक्क्यांनी वाढ झाली आहे. मात्र, या वाढीनंतरही हा शेअर्स १ वर्षात फक्त ५५.९६ टक्के परतावा देऊ शकला आहे. डायनॅमिक्स लिमिटेडच्या शेअर्सच्या किमतीत गेल्या ५ वर्षात ३८६२ टक्क्यांनी वाढ झाली आहे. शेअर्सचा ५२ आठवड्यांचा उच्चांक १०९२.८५ रुपये आणि ५२ आठवड्यांचा नीचांक ४६०.९० रुपये आहे. कंपनीचे मार्केट कॅप २१०२.३८ कोटी रुपये आहे.