सध्या सर्वत्र संजू राठोडच्या (Sanju Rathod) 'शेकी' (Shaky ) गाण्याची चर्चा पाहायला मिळत आहे. या गाण्याने सोशल मीडियावर धुमाकूळ घातला आहे. सर्वसामान्यांपासून ते कलाकारांपर्यंत अनेकजण 'शेकी' गाण्याच्या हुक स्टेपवर भन्नाट रील्स बनवत आहे. हे गाणं सध्या तुफान व्हायरल होत आहेत. नुकताच या गाण्यावर बॉलिवूड अभिनेत्री गौहर खान (Gauhar Khan) ने व्हिडीओ शेअर केला आहे.

अभिनेत्री गौहर खानने '' गाण्याची हुक स्टेप म्हणजे 'एक नंबर तुझी कंबर' या कडव्यावर डान्स करतानाचा भन्नाट रील सोशल मीडियावर शेअर केला आहे. सध्या गौहर खान दुसऱ्यांदा आहे. त्यामुळे प्रेग्नेंसीमध्ये तिचा हा डान्स खूपच व्हायरल होत आहे. व्हिडीओमध्ये गौहर खान फ्लोरल प्रिंट पिंक आणि व्हाइट रंगाचा शॉर्ट ड्रेस परिधान केला आहे. ती या ड्रेसमध्ये खूपच क्यूट दिसत आहे. मोकळे केस आणि मिनिमल ज्वेलरीने तिने हा लूक पूर्ण केला आहे.

खानने या व्हिडीओला एक हटके कॅप्शन दिलं आहे. तिने लिहिलं की, "माझ्या लाडकीवर प्रेम दाखवण्यासाठी हे...एक नंबर" गौहर खानने ही रील ईशा मालवीयसाठी केली आहे. 'शेकी' गाण्यात संजू राठोडसोबत ईशा मालवीय देखील झळकली आहे. गौहर खानच्या या व्हिडीओवर चाहत्यांकडून आणि कलाकारांकडून कमेंट्स आणि लाइक्सचा वर्षाव होत आहे.

संजू राठोडचे 'शेकी' गाणे 22 एप्रिलला प्रेक्षकांच्या भेटीला आले आहे. काही दिवसांतच या गाण्याने सोशल मीडियावर धुमाकूळ घातला आहे. याआधी संजू राठोडची 'गुलाबी साडी', 'काली बिंदी' ही गाणी खूपच गाजली होती. संजू राठोडचे चाहते आता त्याच्या नवीन प्रोजेक्टची आतुरतेने वाट पाहत आहेत.