मुंबई : आता भारतात स्टारलिंक उपग्रहाद्वारे इंटरनेट ( internet via satellite in india) देखील प्रदान करेल. एलन मस्कची कंपनी स्टारलिंक (Elon Musk Starlink) ला सरकारकडून आवश्यक परवाना मिळाला आहे. दूरसंचार विभागाने (DoT) स्टारलिंकला ग्लोबल मोबाइल पर्सनल कम्युनिकेशन बाय सॅटेलाइट (GMPCS) परवाना दिला आहे. हा परवाना मिळाल्यानंतर स्टारलिंक भारतात उपग्रह इंटरनेट सेवा सुरू करू शकेल.



भारती एअरटेल-युटेलसॅटच्या वनवेब आणि रिलायन्स जिओ नंतर स्टारलिंक ही परवाना मिळवणारी तिसरी कंपनी आहे. आता स्पेक्ट्रमचे वाटप केले जाईल असे दळणवळण मंत्री ज्योतिरादित्य सिंधिया यांनी सांगितले. यानंतर, मोठ्या प्रमाणात सेवा सुरू करता येतील. स्टारलिंक २०२१ पासून भारतीय बाजारपेठेत प्रवेश करू इच्छित होती. परंतु, काही नियमांमुळे कंपनीला त्यांचे प्रयत्न आधीच थांबवावे लागले. तसेच, प्री-ऑर्डरचे पैसे परत करावे लागले. आता पुन्हा एकदा कंपनी भारतात सॅटेलाइट इंटरनेट सेवा सुरू करण्याचा प्रयत्न करत आहे. अमेझॉनचा प्रोजेक्ट कुइपर देखील परवान्याची वाट पाहत आहे.

इंटरनेट सेवा दुर्गम भागात पोहोचतील

स्टारलिंक हा स्पेसएक्सचा नवीन प्रयत्न आहे. हे उपग्रहाद्वारे इंटरनेट पुरवण्याचे काम करते. लोकांना चांगला इंटरनेट अनुभव देणे हा त्याचा उद्देश आहे. हे अनेक उपग्रहांना पृथ्वीच्या निम्न कक्षेत (LEO) ठेवून केले जाते. हे उपग्रह सामान्य उपग्रहांपेक्षा पृथ्वीच्या जवळ आहेत. त्यामुळे इंटरनेटचा वेग जास्त असतो. डेटा जलद पोहोचतो. भारतातील ज्या दुर्गम भागात इंटरनेट सुविधा नाही त्यांच्यासाठी हे तंत्रज्ञान खूप महत्वाचे आहे. स्टारलिंकचे उद्दिष्ट अशा भागात जलद इंटरनेट प्रदान करणे आहे जिथे अद्याप इंटरनेट पोहोचलेले नाही.



किती वेग, किती खर्च

स्टारलिंकच्या स्पीडबद्दल बोलायचे झाले तर, ते वापरणाऱ्या लोकांना साधारणपणे २५ ते २२० एमबीपीएस पर्यंत डाउनलोड स्पीड मिळतो. बहुतेक लोकांना १०० एमबीपीएस पेक्षा जास्त वेग मिळतो. स्टारलिंक भारतात एका खास ऑफरसह सुरुवात करणार आहे. यामध्ये, अमर्यादित डेटा प्लॅन दरमहा फक्त १० डाॅलरपेक्षा कमी (८५७ रुपये) मध्ये उपलब्ध असेल. या सुरुवातीच्या किमतीमुळे SpaceX ला बाजारात लवकर स्थान मिळवण्यास मदत होईल.

उपग्रह संप्रेषण क्षेत्र वेगाने वाढेल

जीएमपीसीएस परवाना मिळाल्यानंतर भारताचे उपग्रह संप्रेषण क्षेत्र वेगाने वाढेल. याद्वारे, लो-अर्थ ऑर्बिट सॅटेलाइटद्वारे देशभरात इंटरनेट उपलब्ध होईल. यामुळे कनेक्टिव्हिटीमध्ये मोठा बदल होऊ शकतो. माध्यमांशी बोलताना ज्योतिरादित्य सिंधिया म्हणाले, यानंतर देशात उपग्रह दूरसंचार सेवा खूप लवकर पूर्णपणे कार्यरत होतील. मला खात्री आहे की भारतातील ग्राहकांची संख्या लक्षणीयरीत्या वाढेल.