महाराष्ट्र राजकारण: गेल्या काही वर्षात महाराष्ट्रातील नेत्यांच्या (महाराष्ट्र राजकारण) वयाची जोरदार चर्चा रंगलेली पाहायला मिळते. खासकरुन राष्ट्रवादी शरदचंद्र पवार पक्षाचे अध्यक्ष शरद पवार (Sharad Pawar) वयाच्या 84 व्या वर्षी देखील महाराष्ट्र पिंजून काढतात, याबाबत बोललं जातं. मात्र, दुसरीकडे त्यांचेच पुतणे असलेले उपमुख्यमंत्री अजित पवार (अजित पवार) त्यांच्यावर वयावरुन टीका करतानाही पाहायला मिळाले. उपमुख्यमंत्री अजित पवार यांनी आज (दि.14) एका कारखान्याबाबत बोलताना ज्येष्ठ नेते चंद्रराव तावरे यांना देखील वयावरुन टोला लगावला. “मी चांगलं काम करेल का? 85 वर्षाचा माणूस चांगलं काम करेल?” अजित पवार यांनी म्हटलंय. दरम्यान, आता महाराष्ट्रातील नेत्यांचं वय हे राजकीय टीका टिप्पणीचा विषय बनलंय तर महाराष्ट्रातील कोणत्या नेत्याचं (महाराष्ट्र राजकारण) किती वय आहे? हे जाणून घेऊयात… (महाराष्ट्र राजकारण))
लोकसभेचे विरोधी पक्षनेते राहुल गांधी आणि महाराष्ट्राचे मुख्यमंत्री देवेंद्र फडणवीस हे एकाच वयाचे आहेत. दोघांचं वय 54 इतकं आहे. राहुल गांधी हे सध्या काँग्रेससाठी सर्वात महत्त्वाचे नेते आहेत, तर दुसरीकडे देवेंद्र फडणवीस यांनी महाराष्ट्राचं मुख्यमंत्रिपद तीन वेळेस भुषवण्याचा पराक्रम केलाय. काँग्रेसने नेहमी राहुल गांधी यांच्याकडे देशाच्या पंतप्रधानपदाचे उमेदवार म्हणून पाहिलंय. बऱ्याचदा त्यांचा उल्लेख तरुणांचा नेता किंवा यंग लिडर म्हणूनही केला जातो.
गेल्या काही वर्षात उपमुख्यमंत्री अजित पवार आणि उपमुख्यमंत्री एकनाथ शिंदे यांचा केंद्रीय गृहमंत्री अमित शाह यांच्यासोबतचा संपर्क वाढला. एकनाथ शिंदे आणि अजित पवार भाजपसोबत गेले तेव्हापासून त्यांच्या कायम गाठी-भेटी होत राहिल्या आहेत. अजित पवार आणि एकनाथ शिंदे यांनी पंतप्रधान नरेंद्र मोदी आणि अमित शाह यांच्या नेतृत्वाचा स्वीकार देखील केलेला पाहायला मिळालाय. मात्र, अमित शाहांचं राजकीय वजन जरी जास्त असलं तरी ते अजित पवार आणि एकनाथ शिंदे यांच्यापेक्षा वयाने लहान आहेत. अजित पवार यांचं वय 65 वर्षे आहे, एकनाथ शिंदे यांचं वय 61 वर्षे आहे तर अमित शाहांचं वय 60 इतकं आहे.
राज्याचे ज्येष्ठ नेते शरद पवार आणि माजी मुख्यमंत्री पृथ्वीराज चव्हाण यांच्यामध्ये यापूर्वी मोठे वाद झालेले पाहायला मिळाले आहेत. ‘सही करायला हाताला लकवा मारलाय का’ हे शरद पवारांचं वक्तव्य राज्यभरात चर्चेत होतं. मात्र, अजित पवार जेव्हा शरद पवारांना सोडून गेले तेव्हा पृथ्वीराज चव्हाणांनी गंभीर साथ दिली होती. मात्र,तुम्हाला हे माहिती आहे का की पृथ्वीराज चव्हाण शरद पवारांपेक्षा वयाने केवळ 5 वर्षांनी लहान आहेत. शरद पवारांचं वय 84 इतकं आहे तर पृथ्वीराज चव्हाणांचं वय 79 इतकं आहे.
सध्या महाराष्ट्रात ठाकरे गटाचे प्रमुख उद्धव ठाकरे आणि मनसे प्रमुख राज ठाकरे एकत्र येणार असल्याची चर्चा सुरु आहे. दोघांच्या नेतृत्वात मुंबई महापालिकेची निवडणूक लढली जावी, अशी इच्छा महाविकास आघाडीतील काही नेत्यांनी बोलून देखील दाखवली आहे. दरम्यान, उद्धव ठाकरे हे राज ठाकरे यांचे मोठे बंधू आहेत. हे संपूर्ण महाराष्ट्राला माहिती आहे. मात्र, त्यांचे दोघांमध्ये केवळ 7 वर्षांचा फरक आहे. उद्धव ठाकरेंचं वय 64 इतकं आहे, तर राज ठाकरेंचा आज (14) 57 वा वाढदिवस आहे.
| नेता |
वय
|
| शरद पवार | 84 |
| उद्धव ठाकरे | 64 |
| पृथ्वीराज चव्हाण | 79 |
| अशोक चव्हाण | 66 |
| अजित पवार | 65 |
| एकनाथ शिंदे | 61 |
| नारायण राणे | 73 |
| बाळासाहेब थोरात | 72 |
| हर्षवर्धन सपकाळ | 57 |
इतर महत्त्वाच्या बातम्या
आणखी वाचा
