जसप्रीत बुमराह हा सध्याच्या काळातील सर्वोत्तम वेगवान गोलंदाज समजला जातो. त्याने वेळोवेळी भारतासाठी खेळताना हे सिद्धही केले आहे. त्याच्या नावावर मोठे विक्रमही असून आता यात आणखी एका मोठ्या विक्रमाची भर पडली आहे.

हेडिंग्लेमध्ये शुक्रवारपासून (२० जून) इंग्लंड आणि भारत संघात पहिला कसोटी सामना खेळला जात आहे. या सामन्यादरम्यान, बुमराहने मोठा विक्रम नावावर केला आहे.

या सामन्यात भारतानेप्रथम फलंदाजी करताना मोठी धावसंख्या उभारली. भारताने पहिल्या डावात यशस्वी जैस्वाल (१०१), शुभमन गिल (१४७) आणि रिषभ पंत (१३४) यांच्या शतकाच्या जोरावर ११३ षटकात सर्वबाद ४७१ धावा केल्या.

त्यानंतर इंग्लंड संघ पहिल्या डावात फलंदाजीसाठी उतरला. इंग्लंडकडून झॅक क्रावली आणि बेन डकेट यांनी डावाची सुरुवात केली. पण पहिल्याच षटकात जसप्रीत बुमराहने झॅक क्रॉवलीला ४ धावांवर बाद करत इंग्लंडला मोठा धक्का दिला.