आमिर आणि जिनिलियाचा 'सितारे जमीन पर' (Sitaare Zameen Par) चित्रपट 20 जूनला प्रेक्षकांच्या भेटीला आला आहे. या चित्रपटाची गाणी सोशल मीडियावर धुमाकूळ घालत आहेत. 'सितारे जमीन पर' हा चित्रपट 2007 साली रिलीज झालेल्या 'तारे जमीन पर' चित्रपटाचा सीक्वल आहे. चित्रपटात आमिर खान एका बास्केटबॉल कोचच्या भूमिकेत असून तो दिव्यांग मुलांना बास्केटबॉल शिकवत आहे.

आमिर खान ( Aamir Khan) आणि जिनिलिया देशमुखच्या (Genelia ) 'सितारे जमीन पर' चित्रपटाने तिसऱ्या दिवशी 50 कोटींचा टप्पा पार केला आहे. चित्रपटाने तीन दिवसांत जवळपास 60 कोटींचा व्यवसाय केला आहे. 'सितारे जमीन पर' चित्रपटाने तिसऱ्या दिवशी किती कोटी कमावले, जाणून घेऊयात.

• दिवस पहिला - 10.7 कोटी रुपये

• दिवस दुसरा - 21.50 कोटी रुपये

• तिसरा दिवस - 29.00 कोटी रुपये

• एकूण - 59.90 कोटी रुपये

आमिर खानच्या 'सितारे जमीन पर' चित्रपटाने अवघ्या तीन दिवसांतच मोठ्या चित्रपटांना मागे टाकले आहे. 'सितारे जमीन पर' पहिल्या दिवसापासून बंपर कलेक्शन केले आहे. 'सितारे जमीन पर'ने जाट, भूल चूक माफ, देवा आणि अक्षय कुमारच्या केसरी चॅप्टर २ या चित्रपटांना कलेक्शनमध्ये मागे टाकले आहे.

• जाट - 40.25 कोटी रुपये

• भूल चूक माफ - 28 कोटी रुपये

• देवा - 19.49 कोटी रुपये

• केसरी चॅप्टर २ - 29.5 कोटी रुपये

'सितारे जमीन पर' चित्रपटाचे दिग्दर्शन आर.एस. प्रसन्ना यांनी केले. चित्रपटात अरूष दत्ता, गोपी कृष्ण वर्मा, संवित देसाई, वेदांत शर्मा, आयुष भंसाली, आशीष पेंडसे, ऋषी शहानी, ऋषभ जैन, नमन मिश्रा आणि सिमरन मंगेशकर या नवीन कलाकारांचा समावेश आहे.