मुंबई : उद्योग उत्पादन क्षेत्रात कार्यरत असलेली कंपनी बेमको हायड्रॉलिक्सने भागधारकांना खूशखबर दिली आहे. कंपनीने केवळ त्यांचे शेअर्स स्वस्त करण्याचा निर्णय घेतला नाही तर गुंतवणूकदारांना मोफत शेअर्स देण्याची घोषणाही केली आहे. ५१५ कोटी रुपयांचे मार्केट कॅप असलेल्या या कंपनीने पहिल्यांदाच स्टॉक स्प्लिट आणि बोनस शेअर्सची घोषणा केली आहे. बीएसई अॅनालिटिक्सनुसार, गेल्या पाच वर्षांत कंपनीच्या शेअर्सनी ३७६४ टक्के इतका शानदार परतावा दिला आहे.



कंपनीने माहिती दिली की त्यांचे संचालक मंडळ ३० जून २०२५ रोजी स्टॉक स्प्लिट आणि बोनस शेअर्सचा विचार करण्यासाठी बैठक घेईल. सोमवारी बेमको हायड्रॉलिक्सचे शेअर्स वधारून बंद झाले. बीएसईवर हा शेअर ३१.६० रुपयांनी वाढून २३५५.१५ रुपयांवर बंद झाला. गेल्या तीन महिन्यांत शेअर ६०.६१ टक्क्यांनी वाढला आहे. या वर्षी आतापर्यंत शेअर्सने ७३.८१ टक्के परतावा दिला आहे. तर तीन वर्षांत अनुक्रमे ३१६.०३ टक्के आणि ७२३.३४ टक्के असा जबरदस्त परतावा दिला आहे.

गेल्या वर्षी २०२४ मध्ये कंपनीने तिच्या भागधारकांना प्रति शेअर २ रुपये लाभांश दिला होता. आता स्टॉक स्प्लिट आणि बोनस शेअर्सची घोषणा करून कंपनी गुंतवणूकदारांना अधिक फायदे देण्याची तयारी करत आहे. या हालचालीमुळे शेअर्स स्वस्त होऊ शकतो आणि किरकोळ गुंतवणूकदारांसाठी ते अधिक आकर्षक बनू शकतो. बेमको हायड्रॉलिक्सच्या या निर्णयावर बाजाराचे लक्ष आहे आणि ३० जून रोजी होणाऱ्या संचालक मंडळाच्या बैठकीच्या निकालांची वाट पाहत आहे.