ब्राझील : ब्राझीलच्या ईशान्येकडील बाकाबल शहरात एका बेपत्ता मुलीच्या शोध मोहिमेदरम्यान धक्कादायक (Brazil Shocking Incident) घटना घडली. बेपत्ता मुलीच्या प्रकरणाचे लाईव्ह रिपोर्टिंग करणाऱ्या पत्रकाराच्या पायाखालीच त्या मुलीचा मृतदेह आला आणि हा क्षण कॅमेऱ्यात कैद झाल्याने व्हिडिओ सोशल मीडियावर (Brazil Journalist Viral Video) जोरदार व्हायरल झाला आहे.

लेनाल्डो नावाचा पत्रकार बेपत्ता रायसा या तरुणीच्या शोध मोहिमेचे थेट प्रक्षेपण करत होता. रिपोर्टिंगदरम्यान तो पाण्यात उतरला आणि अचानक त्याच्या पायाखाली काहीतरी आल्याने तो घाबरून बाहेर आला. तपासल्यावर कळाले, की ते रायसाचेच शव होते.

घटनेनंतर अग्निशमन दल आणि डायव्हर्सच्या पथकाने तत्काळ शोध मोहीम पुन्हा सुरू केली आणि पत्रकार जिथे उभा होता, तिथेच रायसाचा मृतदेह मिळाला. शव बाहेर काढल्यानंतर तात्काळ शवविच्छेदनासाठी पाठवण्यात आले.