त्यानंतर पुढच्याच चेंडूवर ब्रेसवेलकडून कॉर्बिन बॉशचा झेल सुटल्याने त्याला जीवदान मिळाले. या चेंडूवर २ धावा निघाल्या. चौथ्या चेंडूवर बॉशला एकच धाव घेता आली. त्यामुळे २ चेंडूत ४ धावा असे समीकरण झाले होते.

मात्र पाचव्या चेंडूवर लिंडने चांगला शॉट मारल्यानंतरही डॅरिल मिचेलने त्याला अविश्वसनीय झेल घेतला. मिचेल त्याच्या उजवीकडे पळाला आणि त्याने डाईव्ह मारत त्याचा झेल घेतला. त्यामुळे लिंड १० धावांवर बाद झाला. शेवटच्या चेंडूवर ४ धावांची गरज होती, पण सेनुरन मुथूसामीला एकही धाव घेता आला नाही. त्यामुळे अखेर न्यूझीलंडने हा सामना ३ धावांनी जिंकला.

न्यूझीलंडकडून मॅट हेन्रीने २ विकेट्स घेतल्या, तसेच जेकॉब डफी, झॅकरी फोक्स, ऍडम मिलने आणि मायकल ब्रेसवेल यांनी प्रत्येकी १ विकेट घेतली.

तत्पुर्वी, न्यूझीलंडने प्रथम फलंदाजी करताना २० षटकात ५ बाद १८० धावा केल्या होत्या. न्यूझीलंडकडून डेवॉन कॉनवेने ४७ आणि रचिन रवींद्रने ४७ धावांची खेळी केली. तसेच टीम सिफर्टने ३० धावांची खेळी केली. डॅरिल मिचेल १६ धावांवर नाबाद राहिला, तर मायकेल ब्रेसवेलने १५ धावा केल्या.

दश्रिण आफ्रिकेकडून गोलंदाजी करताना लुंगी एनगिडीने २ विकेट्स घेतल्या, तर नांद्रे बर्गर, क्वेना मफाका आणि सेनुरन मुथूसामी यांनी प्रत्येकी १ विकेट घेतली.

१. झिम्बाब्वेतील तिरंगी टी२० मालिकेचा अंतिम सामना कोणी जिंकला?

➤ झिम्बाब्वेतील तिरंगी टी२० मालिकेचा अंतिम सामन्यात न्यूझीलंडने दक्षिण आफ्रिकेवर ३ धावांनी विजय मिळवला.

(Who won the final T20 match in Zimbabwe?)

२. तिरंगी टी२० मालिकेच्या अंतिम सामन्यातील सामनावीर कोण ठरला?

➤ तिरंगी टी२० मालिकेच्या अंतिम सामन्यात न्यूझीलंडचा मॅट हेन्री सामनावीर ठरला.

(Who was the Player of the Match?)

३. न्यूझीलंडकडून अंतिम सामन्यात सर्वाधिक धावा कोणी केल्या?

➤ न्यूझीलंडकडून अंतिम सामन्यात डेवॉन कॉनवे आणि रचिन रवींद्रने प्रत्येकी ४७ धावा केल्या.

(Who scored the most runs for New Zealand?)

४. अंतिम सामन्यात दक्षिण आफ्रिकेचा सर्वोत्कृष्ट फलंदाज कोण होता?

➤ अंतिम सामन्यात दक्षिण आफ्रिकेकडून लुआन-ड्रे प्रिटोरियसने ५१ धावांची खेळी केली.

(Who was South Africa’s top scorer?)