ED Action : कर्नाळा बँकेची मालमत्ता परत

अंमलबजावणी संचालनालयाच्या मुंबई विभागीय कार्यालयाने पनवेल येथील कर्नाळा नागरी सहकारी बँक लिमिटेडच्या प्रकरणात सक्षम प्राधिकरण, एमपीआयडी (महाराष्ट्र सरकारने नियुक्त केलेले) यांना ३८६ कोटी रुपयांच्या स्थावर मालमत्ता परत केल्या आहेत. बँकेच्या ठेवीदारांचे पैसे बुडाले आहेत त्यांना त्यांचे पैसे परत करता यावेत, यासाठी ईडीने हा निर्णय कोर्टाच्या आदेशानुसार घेतला आहे.

Shirdi Update : साईबाबांच्या 9 नाण्यांचा वाद पेटला; अरुण गायकवाड यांच्या वादग्रस्त विधानानं शिर्डी ग्रामस्थं आक्रमक

साईबाबांच्या 9 नाण्यांविषयी माहिती देताना अरुण गायकवाड यांनी वादग्रस्त विधान केल्याने शिर्डी ग्रामस्थं आक्रमक झाले आहेत. साईबाबांचा DNA दाखवण्याबाबतचे गायकवाड यांनी केलेले विधानावरून वाद उफळला आहे. साईबाबांनी लक्ष्मीबाई शिंदेंना दिलेली 9 नाणी आपल्याकडे असल्याचा दावा अरुण गायकवाड यांनी केला. पत्रकार परिषद घेऊन धर्मादाय आयुक्तांच्या अहवालाचा संदर्भ देत हा दावा केला आहे. वादग्रस्त विधान केल्याची चूक लक्षात आल्यानंतर गायकवाड यांनी दिलगिरी व्यक्त केली.

Ajit Pawar And Chava Sanghtana : 'अजितदादा शब्दाचे पक्के नाहीत'; मंत्री कोकाटेच्या राजीनाम्यावरून 'छावा'चा हल्लाबोल

उपमुख्यमंत्री अजित पवारांनी मंत्री माणिकराव कोकाटे यांच्या राजीनाम्या संदर्भात शब्द दिला होता. मात्र आता अजित पवार शब्दाचे पक्के नाहीत, हे यातून दिसून आलं आहे. कोकाटे यांचा राजीनामा न घेता त्यांच्यासोबत पंचतारांकित हॉटेलमध्ये पार्ट्या करणे हे राज्यातील शेतकरी आता सहन करणार नाही. राज्यातील शेतकऱ्यांशी संवाद करण्यासाठी मराठवाडा, विदर्भ, खानदेश, असा दौरा छावा आणि शेतकरी प्रश्नावरती समाविचारी असणाऱ्या संघटनासोबत घेऊन काढणार आहोत. अजित पवारांच्या शब्दाला सरकारमध्ये देखील किंमत राहिलेली नाही, असा टीका छावा संघटनेचे प्रदेशाध्यक्ष विजयकुमार घाडगे यांनी केली.

Latur Update : मंत्री कोकाटे अभय देण्याच्या अजितदादांच्या निर्णयावर छावा संघटना आक्रमक

महायुती सरकारमधील राष्ट्रवादी काँग्रेसमधील मंत्री माणिकराव कोकाटे यांना अभयाचे संकेत मिळाल्याने, छावा संघटना आक्रमक झाली आहे. लातूर इथं आंदोलन करत, कृषिमंत्री कोकाटे यांच्या राजीनाम्याची मागणी केली. 'दादाचा वादा खोटा.. अजित पवार क्या हुआ तेरा वादा', अशा घोषणा देत छावा संघटना आक्रमक झाली.

Nilesh Lanke : केंद्रीय विश्वविद्यालयासाठी खासदार लंकेंनी घेतली केंद्रीय शिक्षणमंत्री धमेंद्र प्रधान यांची घेतली भेट

अहिल्यानगर लोकसभा मतदारसंघात केंद्रीय विश्वविद्यालयाची स्थापना करण्याची मागणी करत खासदार नीलेश लंके यांनी एक महत्वाचा आणि दूरगामी परिणाम करणारा प्रस्ताव केंद्रीय शिक्षणमंत्री धमेंद्र प्रधान यांच्याकडे सादर केला. महाराष्ट्रात सर्वसामान्यांसाठी एकही केंद्रीय विश्वविद्यालय नसताना खासदार लंके यांनी अहिल्यानगरमध्ये केंद्रीय विश्वविद्यालय स्थापना करण्याची औपचारिक मागणी केली आहे.

Sambhaji Brigade : प्रवीण गायकवाडांवर हल्ला, संभाजी ब्रिगेडच्या दोन्ही संघटना एकत्र येणार; मनोज आखरी यांची मोठी माहिती

ठाकरे बंधू एकत्र येण्याच्या घडामोडी घडत असतानाच, राज्यातील आणखी दोन संघटना एकत्र येणार असल्याचे संकेत मिळू लागले आहेत. संभाजी ब्रिगेडच्या दोन संघटना एकत्र येणार असल्याची चर्चा असून, तसं सोशल मीडियावर पोस्टर व्हायरल झालं आहे. राजकारणात सक्रिय होण्यासाठी दोन्ही संभाजी ब्रिगेडचे एकत्रीकरण होईल. याबाबत थोड्याच दिवसात घोषणा होईल. प्रवीण गायकवाड यांच्यावर हल्ला झाल्यानंतर दोन्ही संघटना एकत्रित करण्याच्या हालचाली सुरू असल्याची माहिती मनोज आखरी यांनी दिली.

Somnath Suryawanshi Case : विजयाबाई सूर्यवंशी यांनी सर्वोच्च न्यायालयाचे मानले आभार

मुंबई उच्च न्यायालयाच्या औरंगाबाद खंडपीठाने सोमनाथ सूर्यवंशी यांच्या मृत्यूप्रकरणांमध्ये दोषी पोलिसांवर गुन्हे दाखल करण्याचा आदेश दिले होता. महाराष्ट्रातील राज्य सरकारने सर्वोच्च न्यायालयात याला आव्हान दिले. सर्वोच्च न्यायालयाने देखील हा आदेश कायम ठेवला. यावर सोमनाथ सूर्यवंशी यांच्या आई विजयाबाई यांनी सर्वोच्च न्यायालयाचे आभार मानले. प्रकाश आंबेडकर एका भावासारखे माझ्या पाठीशी उभे राहिल्याची प्रतिक्रिया दिली. 'संविधानासाठी माझ्या मुलाची हत्या झाली, त्याला आता न्याय मिळेल', असा विश्वास विजयाबाई यांनी व्यक्त केला.

Somnath Suryawanshi Case Update : सोमनाथ सूर्यवंशी मृत्यूप्रकरणावर 'सर्वोच्च' निर्णय; सुरेश धस यांची प्रतिक्रिया

परभणीमधील सोमनाथ सूर्यवंशी मृत्यूप्रकरणात सर्वोच्च न्यायालयाने उच्च न्यायालयाचे निर्णय कायम ठेवत पोलिसांवर गुन्हे नोंदवण्याचा आदेश दिला आहे. यावर भाजप आमदार सुरेश धस यांनी एवढ्या मोठ्या प्रकरणावर मी भाष्य करणं योग्य नाही. मुख्यमंत्री देवेंद्र फडणवीस साहेब यावर निर्णय घेतील, अशी प्रतिक्रिया दिली.

Baramati Police live: बारामती वाहतूक पोलिसांनी घेतला मोठा निर्णय

बारामतीत रविवारी झालेल्या भीषण अपघातानंतर पोलिसांनी मोठा निर्णय घेतला आहे. अवजड वाहनांना सकाळी सात ते रात्री नऊ या वेळेत बारामतीत प्रवेश बंदी करण्यात आली आहे. उपविभागीय अधिकारी वैभव नावडकर यांनी या संदर्भातील माहिती दिली आहे.

Sanjay shirsat live: सफाई कर्मचारी यांच्या हक्काच्या घरांबाबत धोरणावर चर्चा

शिवसेनेचे आमदार संजय शिरसाट हे उपमुख्यमंत्री अजित पवार यांच्या भेटीसाठी दाखल झाले असून निधीबाबतच्या मुद्यावर शिरसाट हे अजित पवारांसोबत चर्चा करणार असल्याची माहिती आहे. सफाई कर्मचारी यांच्या हक्काच्या घरांबाबत धोरण निश्चित करण्याबाबतचा मुद्दा अधिवेशनात मांडण्यात आला होता. यावर चर्चा करण्याचे आश्वासन अजितदादांनी दिले होते.यावर बैठकीत चर्चा होणार आहे.

Nashik live: त्र्यंबकेश्वर मंदिराच्या माजी विश्वस्थ ललिता शिंदे यांना न्यायालयानं ठोठावला लाखाचा दंड

मुंबई : शिवसेनेच्या महिला शाखेच्या नाशिक तालुका अध्यक्षा आणि नाशिकच्या त्र्यंबकेश्वर मंदिराच्या माजी विश्वस्थ ललिता शिंदे यांना मुंबई उच्च न्यायालयाने एक लाखांचा दंड ठोठावला आहे. उच्च न्यायालयाने ललिता शिंदे यांना दाखल केलेल्या खोट्या आणि दिशाभूल करणाऱ्या याचिकेबद्दल तीव्र शब्दांत निषेध नोंदवत एक लाख रुपयांचा दंड ठोठावला आहे. न्यायालयाचा वेळ वाया घालवणाऱ्या याचिका लोकशाही प्रक्रियेचा गैरवापर करतात आणि त्यामुळे गंभीर कारवाई आवश्यक आहे, असे न्यायालयाने म्हटलं आहे.

BJP Live: आण्णा डांगे स्वगृही परतणार

सांगलीतील ज्येष्ठ नेते आण्णा डांगे हे आपल्या दोन्ही मुलांसह भाजपमध्ये प्रवेश करणार आहेत, ते स्वगृही परतणार आहेत.

Supreme Court News: सोमनाथ सुर्यवंशी मृत्यू प्रकरण, आज सुनावणी

परभणीतील सोमनाथ सुर्यवंशी यांच्या न्यायालयीन कोठडीतील मृत्यू प्रकरणात सुनावणी आज सर्वोच्च न्यायालयात होणार आहे. ज्येष्ठ वकील प्रकाश आंबेडकर सुनावणीसाठी न्यायालयात हजर राहणार आहेत.

पंतप्रधान नरेंद्र मोदींचे भाषण म्हणजे रडगाणं

पंतप्रधान नरेंद्र मोदी यांचे लोकसभेतील कालचे भाषण हे देवेंद्र फडणवीसांच्या भाषेत रुदाली म्हणजे रडगाणं होतं, अशी टीका शिवसेना उद्धव बाळासाहेब ठाकरे पक्षाचे खासदार संजय राऊत यांनी केला आहे.

माणिकराव कोकाटे 22 मिनिटे पत्ते खेळत होते- रोहित पवार

कृषिमंत्री सभागृहात केवळ ४२ सेकंद पत्ते खेळत नव्हते तर तब्बल १८ ते २२ मिनिटे पत्ते खेळत असल्याचा विधानमंडळाच्या चौकशीचा अहवाल असून हा अहवाल मुख्यमंत्री तसेच उपमुख्यमंत्री यांच्याकडे देखील सादर केला असल्याची माहिती आहे. सरकार याबाबत खुलासा करेल का? सभागृहात तब्बल १८ ते २२ मिनिटे पत्ते खेळणाऱ्या कृषिमंत्र्यावर हे सरकार कारवाई करणार नसेल तर मुख्यमंत्र्यांना स्व. अटलजींच्या तर उपमुख्यमंत्री अजितदादांना स्व. यशवंतराव चव्हाण साहेबांच्या विचारांचा वारसा सांगण्याचा नैतिक अधिकार उरतो का? असा सवाल रोहित पवार यांनी ट्विट करत केला आहे.

दिवाळीनंतर महापालिका निवडणूक

आगामी स्थानिक स्वराज संस्थेच्या निवडणुका टप्प्याटप्प्याने घेण्यात येणार आहेत. पहिल्या टप्प्यात पंचायत समितीच्या निवडणुका होतील त्यानंतर जिल्हा परिषदे आणि महापालिकेच्या निवडणुका होणार आहे. दिवाळीनंतर निवडणुका घेण्याचे संकेत निवडणूक आयोगाने दिले आहेत.

ज्ञानेश्वरी मुंडे घेणार मुख्यमंत्री फडणवीसांची भेट

परळीतील व्यापारी महादेव मुंडे यांच्या हत्ये प्रकरणात त्यांची पत्नी ज्ञानेश्वरी मुंडे शिष्टमंडळासह मुख्यमंत्री देवेंद्र फडणवीस यांची भेट घेणार आहे. हत्या प्रकरणातील आरोपींना तात्काळ अटक करण्यात यावी अशी मागणी ज्ञानेश्वारी यांनी केली आहे. मुख्यमंत्री कार्यालयाकडून ज्ञानेश्वरी मुंडे यांना भेटण्यासठी उद्याची वेळ देण्यात आली आहे.

लाडक्या बहिणीच्या पैशावर डल्ला मारणाऱ्यांकडून वसुली

मुख्यमंत्री माझी लाडकी बहीण योजनेचा लाभ तब्बल 14 हजार पुरुषांनी घेतल्याचे समोर आले आहे. त्यामुळे सरकारचे कोट्यावधीचे नुकसान झाले आहे. याविषयी मुख्यमंत्री देवेंद्र फडणवीस यांनी कठोर पावले उचलत लाभ घेतलेल्या पुरुषांकडून वसुली करण्याचे निर्देश दिले आहे.

नितीन गडकरी यांच्या उंची इतका माणूस दिसत नाही, शरद पवारांकडून कौतुक

अर्थतज्ज्ञ चिंतामणराव देशमुख यांच्या नावाने सरहद, पुणे संस्थेच्या वतीने दिला जाणारा 'चिंतामणराव देशमुख राष्ट्रीय पुरस्कार २०२५' हा पुरस्कार केंद्रीय मंत्री नितीन गडकरी यांना माजी केंद्रीय कृषीमंत्री, ज्येष्ठ नेते शरद पवार यांच्या हस्ते प्रदान करण्यात आला. त्यावेळी बोलताना शरद पवार म्हणाले, आज पार्लमेंटमध्ये आम्हालाही खासदार लोक भेटतात. त्यातले निदान ७०% खासदार मला सांगत असतात, "गडकरींशी मीटिंग आहे, आमच्या तालुक्यातला हा रस्ता, आमच्या मतदारसंघातला हा रस्ता" सबंध खासदारांना त्यांच्यावर प्रचंड विश्वास आहे. कर्तुत्वाने कामाने आणि स्वभावाने ही स्थिती त्यांनी कमावलेली आहे. त्यामुळे सी. डी. देशमुख यांचा जो नावलौकिक होता त्यांना साजेल असं या ठिकाणी व्यक्तीची निवड करायची झाली तर गडकरींइतकं उंचीची दुसरी व्यक्ती आज आम्हाला दिसत नाही. म्हणून मी आज सरहद आणि त्यांच्या सहकाऱ्यांना धन्यवाद देतो की, त्यांनी त्यांची योग्य प्रकारे निवड केली. तुम्हा सगळ्यांच्या वतीने मी त्यांना अंत:करणापासून शुभेच्छा देतो. धन्यवाद !