தமிழ் சினிமாவில் சூப்பர் ஸ்டாராக திகழும் ரஜினிகாந்த், கே. பாலச்சந்தர் இயக்கிய அபூர்வ ராகங்கள் திரைப்படத்தின் மூலம் 1975ஆம் ஆண்டு silver screen-ல் அறிமுகமானார்.

அதிலிருந்து தொடங்கி, 50 ஆண்டுகள் முழுவதும் திரையுலகில் தனக்கென தனித்துவமான இடத்தைப் பிடித்து, ரசிகர்களின் இதயங்களில் ஆட்சி செய்து வருகிறார். சினிமா உலகில் அரை நூற்றாண்டை நிறைவு செய்த ரஜினிகாந்துக்கு அரசியல் தலைவர்கள் முதல் ரசிகர்கள் வரை பலரும் வாழ்த்து தெரிவித்துக் கொண்டிருக்கின்றனர்.

அந்த வரிசையில், தமிழக பாஜகத் தலைவர் நயினார் நாகேந்திரன் இன்று (ஆகஸ்ட் 18) ரஜினிகாந்தை நேரில் சந்தித்து வாழ்த்து தெரிவித்தார். ரஜினியின் சாதனைகள், அவரது சினிமா பயணம் குறித்து நயினார் பாராட்டுகளைத் தெரிவித்ததாகவும், இருவரின் சந்திப்பு புகைப்படங்கள் சமூக வலைதளங்களில் வைரலாகி ரசிகர்களை கவர்ந்து வருவதாகவும் தகவல்கள் தெரிவிக்கின்றன.