A woman danced in front of police officers to make a reel – video goes viral on social media : सोशल मीडियावर व्हायरल होण्यासाठी लोक कोणत्याही थराला जायला तयार होतात. असाच काहीसा प्रकार नुकताच पुढे आला आहे. एका महिलेने चक्क पोलिसांसमोर रस्त्यावर डान्स करत रील बनवली आहे. या महिलेचा व्हिडीओ सध्या सोशल मीडियावर प्रचंड व्हायरल होतो आहे. अनेकांनी यावर प्रतिक्रिया देत संतापही व्यक्त केला आहे.

व्हायरल झालेल्या व्हिडिओत एक महिला रिल्ससाठी थेट पोलिसांसमोर रस्त्यावर डान्स करताना दिसत आहे. हा व्हिडीओ नेमका कुठला आणि कधीचा आहे, याबाबत कोणतीही स्पष्टता नाही. मात्र, व्हिडिओमध्ये दिसतंय त्याप्रमाणे , महिला डान्स करत असताना पोलीस कर्मचाऱ्यांनी केवळ बघायची भूमिका घेतली आहे.

हा व्हिडिओ व्हायरल झाल्यानंतर सोशल मीडियावर अनेकांनी तीव्र नाराजी व्यक्त केली आहे. हा व्हिडिओ एक्स या सोशल मीडियावर @Vtxt21 या खात्यावरून शेअर करण्यात आला आहे. या व्हिडीओवर एकाने लिहिलं की “हे किती अपमानजनक आहे. पोलीस आपली ड्युटी बजावत असताना कोणीतरी रील बनवण्यात मग्न आहे” तर अन्य एकाने लिहिलं की “पोलिसांनी आधी अशा कृत्य करणाऱ्यांना पकडलं पाहिजे”