• एयरटेलने त्यांच्या फेमस रिचार्ज प्लॅनमध्ये बदल केला आहे

• हा बदल काय आहे जाणून घ्या सविस्तर

Airtel Recharge : टेलिकॉम क्षेत्रातील अग्रगण्य कंपनी एअरटेलने पुन्हा एकदा ग्राहकांना धक्का दिला आहे. कंपनीने आपला लोकप्रिय 249 रुपयांचा रिचार्ज प्लॅन बंद केल्यानंतर आता 195 रुपयांच्या डेटा व्हाउचर प्लॅनमध्येही मोठी कपात केली आहे. या बदलांमुळे ग्राहकांमध्ये नाराजी पसरली आहे तरी कंपनीने काही नव्या ऑफर्स सुरू केल्या आहेत.

एअरटेलच्या 195 रुपयांच्या डेटा व्हाउचरमध्ये यापूर्वी 15 जीबी डेटा मिळत होता. आता कंपनीने यात कपात करत डेटा मर्यादा 12 जीबीवर आणली आहे. या प्लॅनमध्ये कोणतीही कॉलिंग किंवा एसएमएस सुविधा मिळत नाही परंतु 90 दिवसांच्या वैधतेसह जिओहॉटस्टार मोबाईलचा अॅक्सेस मिळेल. हा प्लॅन देशभरातील सर्व सर्कल्समध्ये उपलब्ध आहे. या डेटा कपातीमुळे जास्त डेटा वापरणाऱ्या ग्राहकांना आर्थिक फटका बसण्याची शक्यता आहे.

याशिवाय एअरटेलने 249 रुपयांचा सर्वात स्वस्त डेली 1 जीबी डेटा प्लॅन बंद केला आहे. या प्लॅनमध्ये कॉलिंग आणि एसएमएसचे फायदेही मिळत होते. आता ग्राहकांना डेली 1 जीबी डेटा हवा असल्यास किमान 299 रुपये खर्चावे लागतील. हा बदल ग्राहकांच्या खिशाला कात्री लावणार आहे. ग्राहकांना आकर्षित करण्यासाठी एअरटेलने एक खास ऑफर आणली आहे.

कंपनी आपल्या वापरकर्त्यांना पर्प्लेक्सिटी प्रो सबस्क्रिप्शन मोफत देत आहे ज्याची वार्षिक किंमत सुमारे 17000 रुपये आहे. ही ऑफर ग्राहकांचे नुकसान काही प्रमाणात भरून काढू शकते पण डेटा कपात आणि प्लॅन बंदच्या निर्णयामुळे अनेक ग्राहक नाराज आहेत. एअरटेलच्या या धोरणांमुळे टेलिकॉम बाजारात स्पर्धा तीव्र होण्याची शक्यता आहे. ग्राहक आता जिओ आणि व्होडाफोन आयडियाच्या पर्यायांचा विचार करू शकतात.