मुंबई : जिलेट इंडियाच्या शेअरधारकांना २०२५ च्या आर्थिक वर्षासाठी प्रति शेअर ४७ रुपये अंतिम लाभांश मिळणार आहे. यासाठीची रेकॉर्ड तारीख उद्या २६ ऑगस्ट २०२५ आहे. या तारखेपर्यंत Gillette India चे शेअर्स धारण करणाऱ्यांनाच या लाभांशाचा लाभ मिळेल. त्यामुळे गुंतवणूकदारांना जिलेट इंडियाचा शेअर्स आजच २५ ऑगस्ट २०२५ रोजी खरेदी करणे आवश्यक आहे.



याआधीही मोठा लाभांश

Gillette India ही अमेरिकन बहुराष्ट्रीय कंपनी प्रॉक्टर अँड गॅम्बल (पी अँड जी) ची मालकी आहे. अंतिम लाभांश मे महिन्यात जाहीर करण्यात आला. यापूर्वी, जिलेट इंडियाने २०२५ या आर्थिक वर्षासाठी प्रति शेअर ६५ रुपये अंतरिम लाभांश दिला आहे. कंपनीने जानेवारी २०२४ मध्ये ४० रुपये विशेष लाभांश आणि जानेवारी २०२४ मध्ये ४५ रुपये अंतरिम लाभांश जाहीर केला होता. ऑगस्ट २०२४ मध्ये कंपनीने ४५ रुपयांचा अंतिम लाभांश जाहीर केला.

शेअर्सचा परतावा

जिलेट इंडिया लिमिटेडचा शेअर्स आज सोमवारी वधारून १०,४०५ रुपयांवर पोहोचला आहे. कंपनीचे मार्केट कॅप ३३७०० कोटी रुपये आहे. शेअर्सने ६ महिन्यांत २६ टक्के आणि ३ महिन्यांत १९ टक्के परतावा दिला. जून २०२५ अखेरपर्यंत कंपनीमध्ये प्रमोटर्सचा ७५ टक्के हिस्सा होता. बीएसईवर शेअर्सचा ५२ आठवड्यांचा उच्चांक ११५०५ रुपये १५ जुलै २०२५ रोजी तयार झाला होता. तर १७ फेब्रुवारी २०२५ रोजी ७४१३ रुपयांचा ५२ आठवड्यांचा नीचांक दिसून आला.



जून तिमाहीतील नफा

एप्रिल-जून २०२५ तिमाहीत कंपनीचा स्वतंत्र उत्पन्न ७०६.७२ कोटी रुपये होता. तर निव्वळ नफा १४५.६९ कोटी रुपये आणि प्रति शेअर कमाई ४४.७१ कोटी रुपये होती. आर्थिक वर्ष २०२५ मध्ये जिलेट इंडियाचा स्वतंत्र महसूल २,२३४.८४ कोटी रुपये, निव्वळ नफा ४१७.६६ कोटी रुपये आणि प्रति शेअर कमाई १२८.१७ कोटी रुपये होती.