मुंबई : आशियाई बाजारातील सकारात्मक ट्रेंडमध्ये भारतीय शेअर बाजार शुक्रवारी ५ सप्टेंबर रोजी अस्थिर व्यवहारात जवळजवळ सपाट स्थितीत बंद झाला. दिवसाची सुरुवात जोरदार असली तरी बाजारात दबाव दिसून आला. एफएमसीजी समभागांमध्ये नफा बुकिंग आणि आयटी समभागांमध्ये घसरण यामुळे बाजार खाली आला. ऑटो समभागांमध्ये खरेदीने बाजाराला आधार दिला.
सेन्सेक्स ८१,०१२.४२ वर उघडला. त्यानंतर तो जवळजवळ ३०० अंकांनी वाढला. सुरुवातीच्या काळात निर्देशांकात चढ-उतार दिसून आले. ट्रेडिंग दरम्यान तो ८१,०३६ अंकांच्या उच्चांकावर आणि ८०,३२१ अंकांच्या नीचांकी पातळीवर गेला. शेवटी ७.२५ अंकांनी घसरून ८०,७१०.७६ वर बंद झाला. त्याचप्रमाणे निफ्टी २४,८१८.८५ अंकांवर जोरदारपणे उघडला. परंतु ट्रेडिंग दरम्यान घसरला. अस्थिरतेत निफ्टी अखेर ६.७० अंकांच्या किरकोळ वाढीसह २४,७४१ वर जवळजवळ स्थिर राहिला.
सेन्सेक्स कंपन्यांमध्ये महिंद्रा अँड महिंद्रा, मारुती सुझुकी आणि रिलायन्स इंडस्ट्रीजचे शेअर्स वधारले. तर आयटीसी, एचसीएल टेक्नॉलॉजीज आणि टीसीएस हे शेअर्सही वाढवे. एनएसईवर आयशर मोटर्स, श्रीराम फायनान्स आणि महिंद्रा अँड महिंद्रा आयटीसी, सिप्ला आणि एचसीएल टेक्नॉलॉजीज हे शेअर्स घसरले.
निफ्टी मिडकॅप १०० निर्देशांक ०.२० टक्क्यांनी वधारून बंद झाला, तर निफ्टी स्मॉलकॅप १०० निर्देशांक ०.१९ टक्क्यांनी वधारून बंद झाला. क्षेत्रीय आघाडीवर निफ्टी ऑटोने सर्वाधिक वाढ नोंदवली. तो १.२५ टक्क्यांनी वधारून बंद झाला. त्यानंतर, धातू क्षेत्राने ०.६८ टक्के आणि मीडिया क्षेत्राने ०.५९ टक्के वाढ नोंदवली. दुसरीकडे, निफ्टी आयटी सर्वाधिक १.४४ टक्क्यांनी घसरून बंद झाला. त्यानंतर, एफएमसीजी १.४२ टक्क्यांनी आणि रिअल्टी क्षेत्र १.१६ टक्क्यांनी घसरले.
