• पनवेलमध्ये सलग दोन दिवसांत गँगवॉर व गुन्हेगारी हल्ल्यांनी खळबळ

• कोपरखैरणे सेक्टर १९ मधील हाणामारीत दोन जण गंभीर जखमी

• कुख्यात गुंड राजकुमार म्हात्रेवर खुटारी गावात गोळीबारासह हल्ला

• पोलिसांची मोठी मोहीम, १५ जणांविरोधात गुन्हा दाखल, अनिकेत म्हात्रे फरार

पनवेल येथे शनिवारी पुण्यातील गँगवॉरची पुनरावृत्ती झाली. त्यानंतर त्याच्या दुसऱ्यादिवशी कोपरखैरणे सेक्टर १९ मध्ये दोन टोळ्यांमध्ये झालेल्या सशस्त्र हाणामारीने परिसर दणाणून गेला. या हल्ल्यात दोघे गंभीर जखमी झाले असून त्यांच्यावर खाजगी रुग्णालयात उपचार सुरू आहेत. पोलिसांनी घटनेनंतर तातडीने कारवाई करून दोन्ही गटांवर गुन्हा दाखल केला आणि सोमवारी तिघा संशयितांना अटक केली आहे.

ही घटना सराईत गुन्हेगार राजेश जेजुरकर आणि गोरख म्हात्रे यांच्या टोळ्यांमध्ये जुन्या वैमनस्यातून उफाळून आली. दोन्ही टोळ्यांनी पूर्वतयारीतच शस्त्रसज्ज होऊन एकमेकांवर हल्ला केला. तलवार, कोयते यांचा वापर करून मारहाण करण्यात आली. यात राजेश जेजुरकर आणि आकाश नवघणे गंभीर जखमी झाले असून, त्यांना तातडीने रुग्णालयात दाखल करण्यात आले आहे.

Panvel Crime News: मुलीच्या गळ्यावर कोयता, पोलिसांवर कुऱ्हाडीने हल्ला; जामीनावरील आरोपीचा पनवेलमध्ये धुडगूस

पोलिसांनी या घटनेप्रकरणी गोरख म्हात्रे, राजेश जेजुरकर यांच्यासह त्यांच्या साथीदारांवर गुन्हा दाखल केला आहे. दरम्यान, पोलिसांनी हर्षद भोसले, गोरख म्हात्रे आणि राज राय यांना अटक केली असून, इतर फरार आरोपींचा शोध सुरू आहे. या घटनेमुळे परिसरात दहशतीचे वातावरण निर्माण झाले आहे.

Panvel Shocking : जमिनीच्या वादावरुन महिला सरपंच अन् पतीचा आत्महत्येचा प्रयत्न, पनवेलमधून धक्कादायक प्रकार समोर

दरम्यान पनवेल परिसरात शनिवारी घडलेली आणखी एक गंभीर घटना चर्चेत आहे. एकेकाळी पनवेलमध्ये दहशत माजवणारा कुख्यात गुंड राजकुमार म्हात्रे याच्यावर त्याच्याच खुटारी गावातील अनिकेत म्हात्रे या तरुणाने हल्ला केल्याची घटना उघड झाली आहे. अनिकेत हा स्थानिक पातळीवर "गोल्डन मॅन" म्हणून परिचित आहे. तक्रारीनुसार, अनिकेतने राजकुमार म्हात्रे याला मारहाण करताना बंदूक काढून हवेत दोन गोळ्या झाडल्या.

Panvel Tourism: वीकेंड ट्रिपसाठी सर्वोत्तम! पनवेलमधील 'या' नयनरम्य ठिकाणांना नक्की भेट द्या

याशिवाय तलवार, बंदूक आणि हॉकी स्टिकसारख्या घातक शस्त्रांचा वापर करून मारहाण करण्यात आली. या हल्ल्यात गंभीर जखमी झालेल्या राजकुमार म्हात्रेला पनवेलमधील रुग्णालयात दाखल करण्यात आले आहे.

Panvel Crime News: पनवेलमध्ये हाफ चड्डी गॅंगची दहशत; चोरट्यांचा फार्म हाऊसवर चोरीचा प्रयत्न, घटना सीसीटीव्हीमध्ये कैद

या घटनेनंतर पोलिसांनी अनिकेत म्हात्रेसह एकूण १४ जणांविरोधात गुन्हा दाखल केला आहे. मात्र हल्ल्यापासूनच अनिकेत म्हात्रे फरार असून त्याचा शोध घेण्यासाठी पनवेल पोलिसांनी मोहीम हाती घेतली आहे. पनवेल मधील वाढती गुन्हेगारी पाहता संपूर्ण पनवेल परिसरात भीतीचे वातावरण पसरले आहे.