आशिया कप 2025 स्पर्धेतील 10 व्या सामन्यात ए ग्रुपमधील पाकिस्तान विरुद्ध यूएई अर्थात संयुक्त अरब अमिराती 2 संघ आमनेसामने आहेत. दोन्ही संघांचा हा साखळी फेरीतील तिसरा आणि अंतिम सामना आहे. दोन्ही संघांनी याआधीच्या 2 पैकी 1 सामना जिंकला आहे. तर 1 वेळा पराभूत व्हावं लागलं आहे. त्यामुळे दोन्ही संघांसाठी एकमेकांविरुद्ध हा सामना सुपर 4 नुसार निर्णायक आणि करो या मरो असा आहे. अटीतटीच्या या सामन्यात पाकिस्तानने यूएईसमोर 147 धावांचं आव्हान ठेवलं आहे. पाकिस्तानने 20 ओव्हरमध्ये 9 विकेट्स गमावून 146 धावा केल्या आहेत. त्यामुळे आता होम टीम यूएई दुबई आंतरराष्ट्रीय क्रिकेट स्टेडियममध्ये 147 धावा करुन सुपर 4 मध्ये धडक देत पाकिस्तानचा या स्पर्धेतून बाजार उठवणार का? हे थोड्याच वेळात स्पष्ट होईल.