பிக் பாஸ் தமிழ் சீசன் 9 ஆரம்பித்து ஒரு வாரம் கூட நிறைவடையாத நிலையில், வீட்டின் உள்ளே இரண்டு ஜோடிகள் வெளிப்படையான ‘காதல் கண்டென்ட்டை’ கொடுக்க தொடங்கியிருப்பது ரசிகர்களிடையே பெரும் விவாதத்தையும், எதிர்ப்பையும் கிளப்பியுள்ளது.

சீசன் 7-ல் பூர்ணிமா மற்றும் நிக்ஸன் இடையே ஓடிய ‘அக்கா-தம்பி’ காதல் ட்ராக் போலவே, இந்த சீசனில் இளம் போட்டியாளர்களுடன் மூத்த பெண்கள் மிக விரைவாக நெருக்கம் காட்டுவது Fake Content என்ற விமர்சனத்தை ரசிகர்கள் மத்தியில் எழுப்பியுள்ளது.

ஜோடி 1: துஷார் & அரோரா சின்க்ளேர்

வீட்டின் உள்ளே உடனடியாக நெருக்கம் காட்ட தொடங்கிய ஜோடிகளில் துஷார் மற்றும் அரோரா சின்க்ளேர் முதலிடத்தில் உள்ளனர். அரோரா சின்க்ளேர், தன்னை விட வயதில் இளையவரான துஷாருடன் அதிக நெருக்கம் காட்டுவது, கழுத்தை கடிப்பது, கைகளை பிடிப்பது, கட்டி அணைப்பது போன்ற எல்லை மீறிய சேஷ்டைகளில் ஈடுபடுவது போன்ற காட்சிகள் வெளியாகி வருகின்றன.

வயதில் மூத்த பெண், தன்னைவிட மிகவும் இளைய பையனுடன் 100 நாள் இருப்பதற்காக ஒரு காதல் ‘கண்டென்ட்’ உருவாக்குவது அப்பட்டமான நாடகம்” என்றும், இது சீக்கிரமாகவே 100 நாள்கள் வீட்டிற்குள் இருப்பதற்கான ‘ஃபார்முலா கேம்’ என்றும் ரசிகர்கள் குற்றம் சாட்டுகின்றனர். 16+ ஷோவில் 18+ ரகசிய கன்டென்ட்களை உருவாக்குவது அறம் சார்ந்தும், அறிவியல் ரீதியாகவும் தவறானது என்று சிலர் விமர்சிக்கின்றனர்.

ஜோடி 2: ஆதிரை & FJ

இரண்டாவது காதல் கண்டென்ட் ஜோடியாக ஆதிரை மற்றும் FJ உருவாகி வருகின்றனர். இதில், ஆதிரையின் செயல்பாடுகள் பல விமர்சனங்களை உருவாக்கியுள்ளன.

சீசன் 8 இறுதி போட்டியாளரான பூர்ணிமாவை தனது ‘ரோல் மாடலாக’ ஆதிரை எடுத்துக்கொண்டதாகப்பேசப்படுகிறது. சீசன் 8 நிகழ்ச்சியில் 16 லட்ச ரூபாய் பண பெட்டியை எடுத்துக்கொண்டு பூர்ணிமா வெளியேறியபோது, ஆதிரை அவருக்கு மாலை அணிவித்து மரியாதை செய்ததும், பூர்ணிமாவின் நெருங்கிய தோழியாக அவர் தன்னை அடையாளப்படுத்தி கொண்டதும் இதற்கு சான்றாக கூறப்படுகிறது.

பூர்ணிமா, சீசன் 8-ல் நிக்ஸனுடன் இணைந்து மடியில் படுத்துக் கொள்வது, 50 நாள்களுக்கு பிறகு ‘லவ் ட்ராக்’ ஓட்டுவது, மேக்கர்ஸை எதிர்த்து பேசுவது போன்ற செயல்களில் ஈடுபட்டார்.

பூர்ணிமாவை பின்பற்றி ஆதிரையும், FJ-வுடன் மிக விரைவாகவே நெருக்கம் காட்ட தொடங்கியுள்ளார். FJ மடியில் ஆதிரை படுப்பது, ஆதிரை மடியில் FJ படுப்பது போன்ற காட்சிகள் ஒரு வாரத்திற்குள்ளாகவே அரங்கேறுவது, இது முன்கூட்டியே திட்டமிடப்பட்ட ‘ஸ்கிரிப்ட்டட் லவ் கண்டென்ட்’ என்ற சந்தேகத்தை ஆடியன்ஸ் மத்தியில் எழுப்பியுள்ளது.

பிக் பாஸ் வீட்டின் உள்ளே நடக்கும் நிகழ்வுகளில் சீசன் 7 மற்றும் சீசன் 9-க்கும் பல ஒற்றுமைகள் இருப்பதாக ரசிகர்கள் ஒப்பிடுகின்றனர்:

சீசன் 7 (பூர்ணிமா Vs நிக்ஸன்)
சீசன் 9 (ஆதிரை Vs FJ)

நிக்ஸன்: ‘சொருகிருவேன்’ என்று பேசுவார்.
FJ: ‘வெட்டிருவேன்’ என்று பேசுவார்.

நிக்ஸன் & பூர்ணிமா: முதிர்ச்சியற்ற காதல் கண்டென்ட்.
FJ & ஆதிரை: முதிர்ச்சியற்ற காதல் கண்டென்ட்.

ஆரம்பம்: அக்கா-தம்பி உறவு, 50 நாட்களுக்குப் பின் நெருக்கம்.
தற்போது: தொடங்கிய ஒரு வாரத்திற்குள்ளேயே அதிக நெருக்கம்.

இந்த ஒற்றுமைகளுக்கு ஆதிரையே முக்கிய காரணம் என்றும், அவர் பூர்ணிமாவின் ‘அட்ராசிட்டிகளை’ பின்பற்றுவதால், அது அவருக்கே ‘பேக்ஃபயர்’ ஆகி, மக்களிடையே வெறுப்பை சம்பாதிக்கும் அபாயம் இருப்பதாகவும் விமர்சகர்கள் கருத்து தெரிவிக்கின்றனர்.

ஒரு ஆணும் பெண்ணும் பழகுவது, வயதில் வித்தியாசம் உள்ளவர்களுடன் உறவில் இருப்பது ஆகியவை தனிப்பட்ட விருப்பங்கள். ஆனால், 100க்கும் மேற்பட்ட கேமராக்கள் இருக்கும் ஒரு பொது அரங்கில், சமூகத்திற்கு தவறான பழக்கத்தை ஏற்படுத்தும் வகையில் செயற்கையாக பழகும் போது அதை ஏற்றுக்கொள்ள முடியாது என்று பார்வையாளர்கள் மத்தியில் வலுவான கருத்து நிலவுகிறது.

விஜய் டிவி வரலாற்றில், இவ்வளவு குறுகிய காலத்தில் இத்தகைய ‘கண்றாவி கண்டென்ட்கள்’ வெளிவருவது இதுவே முதல் முறையாக இருக்கலாம் என்றும், இந்த ‘ஃபேக் லவ்’ ட்ராக்கை மக்கள் புறக்கணிக்க தொடங்கியுள்ளதாகவும் தெரிகிறது.

“காதலோ, சண்டையோ, வெறுப்போ… எந்தவொரு உணர்வும் இயல்பாக வரும்போதுதான் அது உண்மைத்தன்மை வாய்ந்ததாகவும், ஆடியன்ஸுடன் இணைவதாகவும் இருக்கும். ஃபேக்காக ஒரு விஷயத்தை செய்யும்போது, பார்வையாளர்கள் நிச்சயம் முகம் சுளிப்பார்கள் என்பதை விஜய் டிவி எப்போது உணரும் என தெரியவில்லை..

Bala Siva

டிஜிட்டல் ஊடக துறையில் 15 வருடங்களாக பணிபுரிகிறேன். அனைத்து பிரிவுகளிலும் கட்டுரைகள் எழுதுவேன். செய்திகள், பொழுதுபோக்கு, தொழில்நுட்பம், விளையாட்டு ஆகிய பிரிவுகள் அதிக கட்டுரைகள் எழுதியுள்ளேன்.

Author: Bala Siva