செப்டம்பர் 27-ஆம் தேதி கரூர் மாவட்டத்தில் தமிழ்நாட்டின் வெற்றிக் கழகம் (தவெக) தலைவர் நடிகர் விஜய் நடத்திய பரப்புரை கூட்டத்தில் ஆயிரக்கணக்கான மக்கள் குவிந்ததால் ஏற்பட்ட நெரிசலில் 41 பேர் உயிரிழந்தனர், மேலும் 100-க்கும் மேற்பட்டோர் காயமடைந்தனர். இந்தச் சம்பவம் பொதுமக்கள் பாதுகாப்பின் முக்கியத்துவத்தை மீண்டும் எழுப்பியுள்ளது.

சம்பவத்துக்குப் பிறகு தவெகவின் பொதுச் செயலாளர் ஆதவ் அர்ஜுனா, கரூர் காவல்துறையின் நடவடிக்கைகள் குறித்து கடுமையான குற்றச்சாட்டுகளை முன்வைத்தார். காவல்துறையினர் குறிப்பிட்ட இடத்தில் நின்று பேச சொல்லி, பாதிக்கப்பட்ட குடும்பங்களை உடனடியாக சந்திக்க அனுமதிக்கவில்லை என்றும், இதனால் தவெகவினர் வேலுச்சாமிபுரத்தை அடுத்த கூட்ட இடமாகத் தேர்ந்தெடுக்க வேண்டிய கட்டாயம் ஏற்பட்டதாக அவர் தெரிவித்தார்.

சம்பவத்தைச் சார்ந்த விசாரணை உச்சநீதிமன்ற உத்தரவுப்படி சிபிஐக்கு மாற்றப்பட்டுள்ளது. கரூர் நெரிசலுக்கு காரணம் யார் என்ற  உண்மை விரைவில் வெளியே வரும் என உறுதியாகத் தெரிவித்தார்.  இறுதியாக, சம்பவத்தில் உயிரிழந்த 41 பேரின் குடும்பங்களை விஜய் தத்தெடுக்க இருப்பதாக  ஆதவ் அர்ஜுனா அறிவித்தார். “வாழ்நாள் முழுவதும் அந்தக் குடும்பங்களுக்கு தேவையான அனைத்தையும் அவர் செய்வார்” எனவும் கூறியுள்ளார்.  

இதையும் பிடிச்சிருந்தா படிச்சு பாருங்க

புரட்டாசி மாதத்தில் இத்தனை சிறப்புகளா? என்னென்ன வழிபாடுகள், பலன்கள் தெரியுமா?

லட்சத்துல கடன் இருந்தாலும் ஈஸியா தீர்க்கும் எளிய பரிகாரம்

பளபளக்கும் மிருதுவான சருமத்திற்கு இதை மட்டும் செய்தாலே போதும்!!

உங்க நட்சத்திரத்துக்கு லாபம் தரும் துறை எது?