• भारत आणि वेस्ट इंडिज यांच्यातील दुसऱ्या कसोटी दिल्लीमध्ये सुरू आहे.

• या सामन्याच्या चौथ्या दिवशी सामना सुरू असतानाच प्रेक्षकांमध्ये एक तरुणीने शेजारी बसलेल्या तरुणाच्या कानाखाली मारताना दिसली.

• ही घटना कॅमेऱ्यात कैद झाली, ज्याचा व्हिडिओ सोशल मीडियावर व्हायरल झाला आहे.

भारत आणि वेस्ट इंडिज संघात सध्या कसोटी मालिकेतील दुसरा सामना दिल्लीमध्ये सुरू आहे. या सामन्यात वेस्ट इंडिजच्या फलंदाजांनी फॉलोऑन मिळाल्यानंतर दुसऱ्या डावात मात्र चांगली फलंदाजी करत सामन्यात पुनरागमन केले आहे. त्यांनी १०० धावांहून अधिकची आघाडीही मिळवली आहे.

हा सामना सुरू असताना चौथ्या दिवशी अचानक प्रेक्षकांमध्ये बसलेल्या एका मुलीने चक्क तिच्या शेजारी बसलेल्या मुलाच्या कानाखाली मारल्याचे दिसले.

या सामन्यात तिसऱ्या दिवशी वेस्ट इंडिजला फॉलोऑन मिळाल्यानंतर दुसऱ्या डावात सुरुवातीला जॉन कॅम्पबेल आणि शाय होप यांची चांगली फलंदाजी केली. त्यांनी चौथ्या दिवशी शतकेही पूर्ण केली. दरम्यान हे दोघे बाद झाल्यानंतर कर्णधार रोस्टन चेस आणि यष्टीरक्षक फलंदाज तेविन अमलाच फलंदाजी करत असताना अचानक कॅमेरा स्टेडियममध्ये सामना पाहात बसलेल्या एका मुली आणि मुलावर गेला.

ते दोघेही सुरुवातीला काही तरी बोलताना दिसले, त्यानंतर अचानक त्या मुलीने मुलाच्या दोन वेळा कानाखाली मारली त्यानंतर ती एका हाताने त्याच्या मानेला पकडून रागात दुसऱ्या हाताने काहीतरी दाखवत प्रचंड चिडलेली दिसली. ही घटना कॅमेऱ्यात कैद झाली असून सध्या त्यांचा व्हिडिओ सोशल मीडियावर व्हायरल होत आहे. दरम्यान, व्हिडिओवरून तरी ते दोघेही चांगले मित्र असल्याचे दिसत आहे. मात्र ती मुलगी नेमकी त्या मुलावर का चिडली, हे समोर आलेलं नाही.