சமூக வலைதளத்தில் வெளியான ஒரு காணொளியில் ஒருவர் முதலைக்கு உணவு கொடுத்து, பிறகு அன்பாக தலையில் தடவும் வீடியோ இணையத்தில் பரவி, எல்லோரையும் ஆச்சரியத்தில் ஆழ்த்தியுள்ளது. வீடியோவில், ஒரு பெரிய முதலை ஏரியில் இருந்து வெளியே வந்து, மனிதரின் அருகில் செல்கிறது. அந்த மனிதர் முதலையை அழைத்து, மாமிசத் துண்டுகளை உணவாக கொடுக்கிறார். அதன் பிறகு, முதலையின் தலையை மென்மையாக தடவுகிறார். ஆச்சரியமாக, முதலை அமைதியாகி, கண்களை மூடிக்கொள்கிறது, அவரை அறிந்தவர் போல நடந்து கொள்கிறது. மனிதரின் முகத்தில் பயம் துளியும் இல்லை. இந்த வீடியோ X இல் @AMAZlNGNATURE என்ற பக்கத்தில் பதிவிடப்பட்டு, “பதிவு செய்தவருக்கு கண்களையே நம்ப முடியவில்லை” என்று குறிப்பிடப்பட்டுள்ளது. 28 வினாடிகள் கொண்ட இந்த வீடியோவை 3.33 லட்சத்திற்கும் மேற்பட்டவர்கள் பார்த்து, 2500க்கும் மேற்பட்ட லைக்குகள் கிடைத்துள்ளன.