தீபாவளி பண்டிகைக்கு நாடு முழுவதும் உள்ள வங்கிகள் அக்டோபர் 19ம் தேதி ஞாயிற்றுக்கிழமை மூடப்படும். அதன் பிறகு, அக்டோபர் 20ஆம் தேதி, மகாராஷ்டிரா, ஒடிசா, சிக்கிம், மணிப்பூர், ஜம்மு, காஷ்மீர் மற்றும் பீகார் தவிர நாடு முழுவதும் உள்ள அனைத்து வங்கிகளும் தீபாவளி, நரக சதுர்தசி மற்றும் காளி பூஜை பண்டிகைகள் காரணமாக மூடப்பட்டிருக்கும்.

அக்டோபர் 21ஆம் தேதி, மகாராஷ்டிரா, மத்தியப் பிரதேசம், ஒடிசா, சிக்கிம், மணிப்பூர், ஜம்மு மற்றும் காஷ்மீர் ஆகிய மாநிலங்களில் உள்ள அனைத்து வங்கிகளும் தீபாவளி அமாவாசை, லட்சுமி பூஜை மற்றும் கோவர்தன பூஜையை முன்னிட்டு மூடப்படும்.

அக்டோபர் 22 மற்றும் 23 ஆகிய தேதிகளிலும் வங்கிகள் மூடப்படும். 22ஆம் தேதி, தீபாவளி (பலிபிரதிபதா), விக்ரம் சம்வத் புத்தாண்டு, கோவர்த்தன பூஜை மற்றும் லட்சுமி பூஜை காரணமாக குஜராத், மகாராஷ்டிரா, கர்நாடகா, உத்தரகாண்ட், சிக்கிம், ராஜஸ்தான், உத்தரப் பிரதேசம் மற்றும் பீகார் ஆகிய மாநிலங்களில் உள்ள அனைத்து வங்கிகளும் மூடப்படும்.

அக்டோபர் 23ஆம் தேதி பாய் தூஜ், சித்ரகுப்த ஜெயந்தி, லட்சுமி பூஜை (தீபாவளி), பத்ரி த்விதியா, நிங்கோல் சகோபா காரணமாக குஜராத், சிக்கிம், மணிப்பூர், உத்தரப் பிரதேசம், மேற்கு வங்காளம் மற்றும் இமாச்சலப் பிரதேசத்தில் உள்ள அனைத்து வங்கிகளும் மூடப்படும்.

சிக்கிமில் பல்வேறு பண்டிகைகள் காரணமாக அக்டோபர் 21, 22 மற்றும் 23 ஆகிய தேதிகளில் அனைத்து வங்கிகளும் மூடப்படும் என்று அறிவிக்கப்பட்டுள்ளது.