पिंपरी, ता. २१ ः मासुळकर कॉलनीतील ज्येष्ठ नागरिक संघात दिवाळी पहाटचा कार्यक्रम उत्साहात झाला. प्रारंभी गणेशवंदना झाली. संघाचे सभासद शरद चव्हाण व श्रद्धा चव्हाण यांच्या समूहातील गायकांनी संगीताचा कार्यक्रम सादर केला. जुन्या व नव्या गाण्यांच्या तालावर ज्येष्ठ नागरिक साद घालत होते. ज्येष्ठ नागरिक संघाच्या अध्यक्षा रजनी शिरुडे यांनी श्रोत्यांना शुभेच्छा दिल्या. विनोद कडू व विजय ज्ञानमोटे यांनी गायकांचे सत्कार केले.
----