फक्त 5 लाख गुंतवून बना 50 लाखांच्या बंगल्याचे मालक; घरबसल्या होईल बक्कळ कमाई!
ET Marathi November 09, 2025 02:45 PM
तुम्ही एखाद्या पॉश भागात आलिशान व्हॅकेशन होम किंवा शानदार बंगला खरेदी करण्याचे स्वप्न पाहत असाल, पण त्यासाठी लागणारे मोठे बजेट तुमच्यासमोर अडचण निर्माण करत असेल, तर आता तुमचे हे स्वप्न फक्त 5 लाख रुपयांमध्ये पूर्ण होऊ शकते. रिअल इस्टेटमधील याच नव्या आणि फायदेशीर ट्रेंडला 'फ्रैक्शनल ओनरशिप' (Fractional Ownership) किंवा हिस्सेदारीतील मालकी हक्क असे म्हणतात.
'फ्रॅक्शनल ओनरशिप' म्हणजे काय?रिअल इस्टेटमध्ये गुंतवणूक करण्याची ही एक धोरणात्मक पद्धत (Strategic Method) म्हणून उदयास येत आहे. सीआयआय आणि कॉलियर्स (Colliers) च्या 'रिअल इस्टेट @ 2047' रिपोर्टनुसार, फ्रैक्शनल ओनरशिप मॉडेल गुंतवणूकदारांना अतिशय महागड्या प्रॉपर्टीमध्ये एक लहान हिस्सा किंवा अंश खरेदी करण्याची सोय देते.
सोप्या भाषेत : अनेक गुंतवणूकदार मिळून एका उच्च-मूल्याच्या निवासी किंवा व्यावसायिक प्रॉपर्टीचे सह-मालक (Co-owner) बनतात.
उदाहरणार्थ : तुम्हाला 50 लाख रुपयांची संपूर्ण प्रॉपर्टी खरेदी करण्याची गरज नाही. तुम्ही केवळ 5 लाख रुपये गुंतवून त्या प्रॉपर्टीच्या मालकीचा एक विशिष्ट हिस्सा मिळवू शकता.
उत्पन्नाचा नवा स्रोत आणि उच्च लिक्विडिटीफ्रॅक्शनल ओनरशिप मॉडेलचे अनेक फायदे आहेत, ज्यामुळे हा ट्रेंड वेगाने लोकप्रिय होत आहे:
कमी गुंतवणुकीत मोठी प्रॉपर्टी : मोठी रक्कम न गुंतवताही, तुम्ही पॉश एरियातील आलिशान बंगला, वेकेशन होम किंवा व्यावसायिक मालमत्ता (Commercial Property) यांचा भाग बनू शकता.
पॅसिव्ह इनकम : या मॉडेलमुळे गुंतवणूकदारांना निष्क्रिय उत्पन्न मिळवण्याचा एक नवा मार्ग मिळतो. प्रॉपर्टीला मिळणारे भाडे (Rental Income) तुमच्या मालकीच्या हिश्श्यानुसार सर्व सह-मालकांमध्ये वाटले जाते.
जास्त लवचिकता आणि लिक्विडिटी : पारंपरिक रिअल इस्टेट गुंतवणुकीच्या तुलनेत फ्रैक्शनल ओनरशिपमध्ये बाजारात जास्त लवचिकता (Flexibility) आणि तरलता (Liquidity) येते. म्हणजेच, तुमचा हिस्सा विकणे तुलनेने सोपे होते.
पोटफोलिओचे विविधीकरण : कमी पैशात तुम्ही वेगवेगळ्या शहरांमधील किंवा वेगवेगळ्या प्रकारच्या (निवासी/व्यावसायिक) मालमत्तांमध्ये गुंतवणूक करू शकता, ज्यामुळे तुमचा पोर्टफोलिओ संतुलित राहतो आणि धोका (Risk) कमी होते.
SM REITs : सेबीने नुकतेच SM REITs (Small and Medium Real Estate Investment Trusts) चे नियम आणले आहेत. या नियमांमुळे फ्रैक्शनल ओनरशिप प्लॅटफॉर्मला औपचारिक आणि नियमनबद्ध (Regulated) स्वरूप प्राप्त झाले आहे. या माध्यमातून लहान गुंतवणूकदारांनाही पारदर्शकपणे रिअल इस्टेटमध्ये गुंतवणूक करणे शक्य झाले आहे.
टेक्नॉलॉजीचा वापर : CII-Colliers रिपोर्टनुसार, भविष्यात रिअल इस्टेटमधील अशा व्यवहारांसाठी ब्लॉकचेन टेक्नॉलॉजीचा (Blockchain Technology) वापर होण्याची शक्यता आहे. ज्यामुळे संपूर्ण प्रक्रिया अधिक पारदर्शक आणि सुरक्षित होईल.
फ्रॅक्शनल ओनरशिपमुळे रिअल इस्टेटमध्ये गुंतवणूक करणे आता केवळ श्रीमंत लोकांसाठीच नव्हे, तर मध्यमवर्गीय गुंतवणूकदारांसाठीही एक आकर्षक आणि सुलभ पर्याय बनला आहे.
