भारतीय संघाचा अनुभवी खेळाडू सुरेश रैना आज ३९ वर्षांचा झाला आहे. सुरेश रैना जगातील सर्वात घातक फलंदाजांपैकी एक आहे. आयपीएलमध्ये या खेळाडूचे व्यक्तिमत्त्व वेगळे होते, त्यामुळेच सुरेश रैना मिस्टर आयपीएल म्हणून ओळखला जायचा. या काळात सुरेश रैनाने दीर्घकाळ आयपीएलमध्ये सर्वाधिक धावा करण्याचा मान राखला होता, जो नंतर विराट कोहलीने मोडला.
अलीकडेच, भारतीय संघाला दक्षिण आफ्रिकेविरुद्धच्या 2 सामन्यांच्या कसोटी मालिकेत एकतर्फी पराभवाला सामोरे जावे लागले होते, त्यानंतर प्रशिक्षक गौतम गंभीर यांच्यावर जोरदार टीका झाली होती. आता भारतीय संघाचा दिग्गज खेळाडू सुरेश रैनाने त्याचा बचाव केला आहे.
भारतीय संघाची कसोटीतील दुर्दशा पाहून चाहत्यांपासून माजी खेळाडूंपर्यंत सगळेच गौतम गंभीरवर नाराज आहेत. सुनील गावस्कर म्हणाले की, भारतीय प्रशिक्षक गौतम गंभीर यांना टी-20 आणि कसोटी अष्टपैलू खेळाडूंमधील फरक समजून घ्यावा लागेल. कसोटी क्रिकेट केवळ अष्टपैलू खेळाडूंनी जिंकता येत नाही.
भारतीय संघाच्या प्रशिक्षकपदाची जबाबदारी गौतम गंभीरकडे सोपवण्यात आल्यापासून त्याने टीम इंडियातील विराट कोहली, रोहित शर्मा, अजिंक्य रहाणे आणि चेतेश्वर पुजारा या दिग्गज खेळाडूंना संघाचा रस्ता दाखवला आहे. करुण नायर आणि सरफराज खान सारख्या खेळाडूंना टीम इंडियामध्ये संधी देण्यात आली होती, मात्र लवकरच त्यांना टीम इंडियातून वगळण्यात आले.
आता सुरेश रैनाने भारतीय प्रशिक्षकाचा बचाव करत असे म्हटले आहे “यामध्ये गौतम भाईचा काही दोष नाही. फलंदाजांना त्यांची जबाबदारी घ्यावी लागेल.”
भारतीय संघाचा माजी खेळाडू सुरेश रैना म्हणाला की, भारताला तिसऱ्या क्रमांकावर असलेल्या साई सुदर्शनची गरज नाही. तो खेळाडूच्या पदार्पणाबद्दल बोलला. असे सुरेश रैना म्हणाले
