Hema Malini House: बॉलिवूडचे प्रसिद्ध आणि लोकप्रिय अभिनेते धर्मेंद्र यांच्या निधनाला जवळपास 72 तास झाले आहे… धर्मेंद्र यांच्या निधनानंतर सर्वत्र शोककळा पसरली आहे. धर्मेंद्र यांच्या निधनानंतर कुटुंबियांनी अधिकृत घोषणा केली नाही. पण 27 नोव्हेंबर रोजी शोक सभा आयोजित करण्यात आली होती… दरम्यान, हेमा मालिनी, पती धर्मेंद्र यांच्यासाठी भावूक पोस्ट देखील केली आहे. आता हेमा मालिनी यांच्या घरातील पहिला फोटो पोस्ट समोर आला आहे. यामध्ये धर्मेंद्र यांच्या निधनानंतर हेमा मालिनी यांची अवस्था कशी झाली आहे… स्पष्ट दिसत आहे..
भाजप नेते जगदंबिका पाल यांनी हेमा मालिनी यांच्या घरी भेट दिली. त्यांना भेटल्यानंतर, जगदंबिका पाल यांनी काही फोटो शेअर केले ज्यात ते धर्मेंद्र यांच्यासाठी हेमा मालिनी यांच्यासमोर प्रार्थना करताना दिसले, फोटोमध्ये ते हात जोडून उभे आहेत. धर्मेंद्र यांच्या फोटोवर हार आणि फोटोसमोर दिवा देखील दिसत आहे.
धर्मेंद्र यांच्या निधनानंतर हेमा मालिनी यांनी पोस्ट शेअर केली. दुःख व्यक्त करत त्या म्हणाल्या, ‘‘धरमजी.. माझ्यासाठी ते बरंच काही होते. प्रेमळ पती… आमच्या मुली ईशा आणि अहाना यांचे प्रेमळ वडील… मित्र… मार्गदर्शक… कवी… गरजेच्या वेळी ज्यांच्याकडे हक्काने जाता येईल अशी व्यक्ती.. किंबहुना ते माझ्यासाठी सर्वस्व होते. चांगल्या आणि वाईट काळात त्यांनी कायम माझी साथ दिली… असं हेमा मालिनी यांनी पोस्टमध्ये लिहिलं आहे.
27 नोव्हेंबर रोजी धर्मेंद्र यांच्यासाठी शोकसभेचं आयोजन करण्यात आलं होतं. मुंबई येथील ताज लँड्स एन्डमध्ये शोक सभेचं आयोजन करण्यात आलं होतं. शोक सभेत धर्मेंद्र यांना श्रद्धांजवी वाहण्यासाठी अनेक सेलिब्रिटी पोहोचले होते… पण हेमा मालिनी आणि तिच्या मुली ईशा देओल, अहाना दिसल्या नाहीत.. हेमा मालिनी यांनी त्यांच्या घरी धर्मेंद्र यांच्यासाठी पूजा केली.
समाजाच्या विरोधात जात धर्मेंद्र आणि हेमा मालिनी यांनी 1980 मध्ये लग्न केलं. दोघांच्या लग्नाला 45 वर्ष झाली… हेमा मालिनी यांच्यासोबत धर्मेंद्र कधीच राहिले नाहीत. ते पहिली पत्नी प्रकाश कौर आणि मुलांसोबत कायम राहिले… लग्नाला 45 वर्ष झाल्यानंतर देखील हेमा मालिनी कधीच धर्मेंद्र यांच्या मुख्य घराची पायरी चढल्या नाहीत.
