छत्रपती शिवाजी महाराज वास्तुसंग्रहालयामध्ये हडप्पाकालीन संस्कृती तसेच रोमन ग्रीक आणि इतर देशांमधील ऐतिहासिक वस्तूंची माहिती देणारं प्रदर्शन ठेवण्यात आल आहे. या प्रदर्शनात अनेक देशांतील 300 पेक्षा जास्त वस्तू ठेवण्यात आले आहेत. यातील काही वस्तू या खऱ्या तर काही वस्तू प्रतिकृती आहेत. यामध्ये जन्मापासून मृत्यूपर्यंत मानवाच दैनंदिन जीवन कसं होतं या संदर्भातील माहिती देण्यात आली आहे. कृषी संदर्भ, शिक्षण, भाषेचा उदय असे अनेक महत्त्वाचे मुद्दे यात असून त्याचे पुरावे सुद्धा ठेवण्यात आले आहेत. हडप्पकालीन संस्कृती आणि नाणे, मुद्रा तसेच दागिने याची सुद्धा माहिती देण्यात आली आहे.
Shanaishwar Temple: शनैश्वर देवस्थानचा कारभार विश्वस्तांनीच पहावा, उच्च न्यायालयाचा आदेशसोनई( अहिल्यानगर)राज्य शासनाने प्रशासक म्हणून जिल्हाधिकाऱ्यांची केलेली नेमणूक तसेच जिल्हाधिकाऱ्यांनी तयार केलेली अकरा जणांची समिती बेकायदेशीर असल्याने शनैश्वर देवस्थान ट्रस्टचा कारभार तसेच बँकेचे सर्व अधिकार विश्वस्त मंडळाने पहावेत असा निकाल औरंगाबाद उच्च न्यायालयाने आज शुक्रवारी सकाळी दिला आहे. सरकारने देवस्थान बाबत अगोदर नियम तयार करुन ते विधानसभा व विधान परिषदेच्या पटलावर ठेवावेत. तेथील मंजुरीनंतर व्यवस्थापन समितीची नेमणूक करावी मात्र तोपर्यंत विश्वस्तच काम पाहतील असा शेरा निकालात दिला आहे.
Mumbai Local Megablock: माटुंगा – मुलुंड दरम्यान अप आणि डाउन जलद मार्गावर ११.०५ ते १५.४५ वाजेपर्यंतछत्रपती शिवाजी महाराज टर्मिनस मुंबई येथून १०.३६ ते १५.१० वाजेदरम्यान सुटणाऱ्या डाउन जलद मार्गावरील गाड्या माटुंगा स्थानकावरून डाउन धीम्या मार्गावर वळवण्यात येतील. या गाड्या माटुंगा ते मुलुंड दरम्यान त्यांच्या नियोजित थांब्यांवर थांबतील आणि गंतव्य स्थानकावर सुमारे १५ मिनिटे उशिराने पोहोचतील. ठाण्यापुढील जलद गाड्या मुलुंड स्थानकावरून पुन्हा डाउन जलद मार्गावर वळवण्यात येतील.
BEED LIVE : संतोष देशमुख हत्या प्रकरणातील साक्षीदार फोडण्याची दाट शक्यता ! सरकारी वकील उज्वल निकम यांचा खळबळ जनक युक्तिवादसंतोष देशमुख यांच्या हत्या प्रकरणाची आज विशेष मकोका न्यायालयात सुनावणी पार पडली मात्र या सुनावणी मध्ये सरकारी वकील उज्वल निकम हे युक्तिवाद करताना म्हणाले की प्रकरण तात्काळ चार्ज फ्रेमकरा नसता या प्रकरणातील आरोपींना फोडण्याचा डाव आखला जात आहे. असा खळबळ जनक युक्तिवाद न्यायालयासमोर केला असून हे लोक न्यायालयाच्या आणि जनतेच्या डोळ्यात धूळ फेक करण्याचे काम करत आहेत असा एक्टिवात सरकारी वकील उज्वल निकम यांनी व्हिडिओ कॉन्फरन्सिंगद्वारे द्वारे केला आहे.
तर आरोपीच्या वकिलांचे म्हणणं आहे की आम्हाला डिजिटल इव्हिडन्स त्याचबरोबर पेन ड्राईव्ह मिळाला नाही संबंधित आवाजा कंपनीचे अधिकारी शिंदे यांचं जे बोलणं झालं ती ऑडिओ क्लिप देखील नसताना खोटे आरोप लावण्यात येत आहेत आम्हाला डिजिटल पुरावे देण्यात यावेत अशी कोर्टाकडे मागणी केली
Chhatrapati Sambhaji Nagar Live : : ‘माकड हाकलताना बिबट्या दिसला’ शेतकरी वर्गात भीतीचे सावट; वनविभागाचे उपाययोजना सुरू!निल्लोड-कायगाव शिवारातील गट क्रमांक ३०३ मध्ये शुक्रवारी दुपारच्या सुमारास शेतकऱ्यांना बिबट्या दिसल्याची धक्कादायक घटना समोर आली. कचरू सुरासे, कृष्णा आहेर, राहुल आहेर व ज्ञानेश्वर आहेर हे नियमितप्रमाणे शेतकाम करीत असताना अचानक बिबट्या दिसल्याने त्यांनी तत्काळ ही माहिती गावकऱ्यांना दिली. अचानक आलेल्या या प्रसंगाने परिसरातील शेतकरी व ग्रामीण भागात भीतीचे वातावरण पसरले आहे.घटनेची माहिती मिळताच वनविभागाचे कर्मचारी साईनाथ पवार, मंडळ अधिकारी चांदे व पांडुरंग खटाळ यांनी तत्काळ घटनास्थळी धाव घेऊन पाहणी केली.
Nagpur Live : आमदार राहुल पाटील यांची दुधाला अनुदान देण्याची मागणीमराठवाड्यात शेतकऱ्यांचं आणि जनावरांचे प्रचंड नुकसान झाल्यामुळे दुधाला पाच रुपये अनुदान देण्याची मागणी आमदार डॉक्टर राहुल पाटील यांनी सरकारकडे केली आहे.
Nagpur Live: हलबा समाजाच्या मागण्यांकडे दुर्लक्ष, उपोषणाला तीव्र वळणनागपूरमध्ये आदिवासी हलबा विद्रोही यांच्या मागण्यांसाठी सुरू असलेले आमरण उपोषण सातव्या दिवशी अधिक तीव्र झाले आहे. “कोष्टी हा केवळ व्यवसायवाचक शब्द असून जात नाही, त्यामुळे आम्हाला हलबा म्हणूनच जात प्रमाणपत्र द्यावे,” या मुख्य मागणीसाठी आंदोलनकर्ते सात दिवसांपासून उपोषण करत आहेत. मात्र सरकारकडून अद्याप कोणतीही ठोस भूमिका न घेतल्याने आज जलसमाधी आंदोलनाचा इशारा देण्यात आला आहे. मागील दोन दिवसांपासून गामीनीकाव्या पद्धतीने आंदोलन सुरू असून, एका दिवशी टायर जाळून निषेध व्यक्त केला होता. तर काल अज्ञातांनी बसवर हातोडी मारून, “हलबा एकटा” अशी नारे देत पत्रके फेकल्याने परिसरात तणावाचे वातावरण निर्माण झाले.
Nashik Live: नाशिकमध्ये पर्यावरण रक्षणाला चालना, हरित लवादाच्या निर्णयाचं स्वागतनाशिकच्या पर्यावरणप्रेमींनी राष्ट्रीय हरित लवादाच्या महत्त्वपूर्ण निर्णयाचं उत्साहात स्वागत केलं आहे. या निर्णयामुळे महापालिका प्रशासनाला आता शहरातील प्रत्येक झाडाचा स्पष्ट आणि अधिकृत हिशोब द्यावा लागणार आहे. झाडतोड, पुनर्लावणी, परवानग्या, तसेच सर्व संबंधित प्रक्रिया यांचे कागदपत्रांसह पारदर्शकपणे सादरीकरण करणं बंधनकारक होणार आहे. पर्यावरणप्रेमी सांगतात की ही पारदर्शक प्रक्रिया नाशिकच्या हरित वारशाचं संरक्षण करण्यासाठी मोठं पाऊल ठरेल. शिवाय गरज पडल्यास नाशिककर म्हणून आम्ही स्वतःही याचिका दाखल करू, अशी ठाम भूमिका अनेक पर्यावरण कार्यकर्त्यांनी व्यक्त केली आहे.
Nashik Live: नाशिकच्या पर्यावरण प्रेमींकडून राष्ट्रीय हरित लवादाच्या निर्णयाचं स्वागत- राष्ट्रीय हरित लवादाच्या निर्णयामुळे पालिका प्रशासनाला आता प्रत्येक झाडाचा हिशोब द्यावा लागेल
- महापालिकेला आता सर्व कागदपत्र द्यावी लागतील आणि पारदर्शकपणे सर्व काम होईल
- गरज पडल्यास नाशिककर म्हणून आम्ही देखील याचिका दाखल करू, पर्यावरणप्रेमींच्या प्रतिक्रिया
Nashik Live: तपोवनातील वृक्षतोडीला १५ जानेवारी पर्यंत स्थगितीहरित लवादामधे नाशिकमधील तपोवनातील वृक्षतोडीच्या विरोधात याचिका दाखल करण्यात आली होती. हरित लवादाने तपोवनातील वृक्षतोडीला १५ जानेवारी पर्यंत स्थगिती दिलीय.हा अंतिम आदेश नाही तर अंतरिम आदेश आहे.
तपोवनातील झाडे तोडण्याधी न्यायिक प्रक्रिया राबवायला हवी असं आमचं मत आहे.ती न राबवताच वृक्षतोड केली जातेय .
एकदा तोडलेल्या वृक्षांचं पुनरोपन नीट केलं जातं नाही हा अनुभव आहे.
यावर्षी झालेल्या कुंभमेळ्यात उभारण्यात आलेल्या एक्झीबीशन सेंटरचा काहीही उपयोग झाला नाही.
वृक्षतोडीला आमचा विरोध आहे.
Badlapur Live : आंबेशिव गावात पुन्हा बिबट्याचा उच्छाद—स्थानीकांमध्ये भीतीचं वातावरणबदलापूरलगतच्या आंबेशिव गावात गेल्या काही दिवसांपासून बिबट्याची दहशत वाढली आहे. आज दुपारी दोनच्या सुमारास बिबट्याने एका कुत्र्याची शिकार केल्याचा दावा स्थानिकांनी केला असून, परिसरात एक नव्हे तर दोन बिबटे फिरत असल्याची माहितीही समोर आली आहे.
गेल्या चार–पाच दिवसांपासून गावातील नागरिकांना बिबट्या दिसत असल्याने भीतीचे सावट पसरले आहे. बिबट्या दिसल्याची माहिती वनविभागाला मिळताच कोंबिंग ऑपरेशनसह विविध तातडीच्या उपाययोजना करण्यात आल्या; मात्र अजूनही बिबट्या पकडण्यास यश आलेले नाही.
याचदरम्यान, काही दिवसांपूर्वी एका घराच्या आवारात बिबट्याने कोंबड्यांवर हल्ला केल्याचे सीसीटीव्ही फुटेजही समोर आले होते. आणि आज पुन्हा रस्त्यावर रक्ताचे डाग दिसल्यामुळे बिबट्याने कुत्र्याची शिकार केल्याची पुष्टी स्थानिकांनी केली.
या सर्व घटनांमुळे आंबेशिव आणि आसपासच्या गावांमध्ये प्रचंड भीतीचं वातावरण निर्माण झालं आहे.
Pune Live : प्रकाश महाजन यांच्यावर मनसेची टीका—“वयामुळे स्मृतीभ्रंश झाला असावा” : हेमंत संभूस यांची प्रतिक्रियामनसेचे सरचिटणीस हेमंत संभूस यांनी प्रकाश महाजन यांच्यावर टीका करताना म्हटले की, “सत्तरी गाठल्यामुळे त्यांना कदाचित स्मृतीभ्रंश झाला असावा.”
प्रकाश महाजन यांनी नुकतीच मनसे अध्यक्ष राज ठाकरे यांच्यावर “मी त्यांना घाबरत नाही” अशी टीका केली होती. यावर मनसेने तिखट प्रतिक्रिया दिली आहे.
संभूस म्हणाले—
“महाजन यांना राज ठाकरे यांच्यावर बोलण्याइतके मोठेपण नाही.”
“ते आता वाचाळविरांच्या रांगेत जाऊन बसले आहेत.”
“त्यांचे वय लक्षात घेता त्यांच्या विधानांना आम्ही फारसे महत्त्व देत नाही, पण त्यांनी वाचाळगिरी टाळावी.”
यामुळे राजकीय वातावरण पुन्हा एकदा तापले आहे.
Umbergaon Live : वलसाडच्या उंबरगाव तालुक्यातील गावात प्लास्टिक कारखान्याला भीषण आगमहाराष्ट्र सीमेपासून जवळ असलेल्या वलसाड जिल्ह्यातील उंबरगाव तालुक्यातील तुम-वंकास परिसरातील लुक्रो प्लास्टिक या प्लास्टिक दाणे तयार करणाऱ्या कारखान्यात मोठी आग लागली.
आग विझवण्यासाठी आजूबाजूच्या भागातून अग्निशमन दलाच्या सहा गाड्या तात्काळ घटनास्थळी दाखल झाल्या. आगीचा दाट धूर सुमारे दहा किलोमीटर दूरपर्यंत दिसत असल्याची माहिती मिळते.
उंबरगाव पोलिस आणि अग्निशमन दल घटनास्थळी उपस्थित असून आग नियंत्रणात आणण्यासाठी प्रयत्न सुरू आहेत. परिसरात इतर कारखाने असल्यामुळे स्थानिकांमध्ये भीतीचे वातावरण निर्माण झाले आहे.
Goa Live : भुवनेश्वरमध्ये नाइट क्लबला लागली आग; शॉर्ट सर्किट कारण असल्याचा प्राथमिक अंदाजगोव्यातील नाइट क्लबला लागलेल्या भीषण आगीत 25 जणांचा मृत्यू झाल्याची घटना ताजी असतानाच, भुवनेश्वरमध्येही एका नाइट क्लबमध्ये आग लागल्याची घटना घडली. आग लागल्याची माहिती मिळताच अग्निशमन दलाने तात्काळ घटनास्थळी धाव घेऊन आग नियंत्रणात आणली. प्राथमिक तपासात शॉर्ट सर्किटमुळे आग लागल्याचे समोर आले असून, सुदैवाने या घटनेत कोणतीही जीवितहानी झाली नाही.
Live: तुटपुंजी नुकसान भरपाईवरून निलेश राणे विधानसभेत आक्रमकअवकाळी पावसामुळे सिंधुदुर्ग जिल्ह्यात भात शेतीचे मोठे नुकसान झाले. जिल्ह्यातील १८३७१ शेतकऱ्यांना नुकसान भरपाई पोटी केवळ ४ कोटी ८ लाख रुपयाची तुटपुंजी मदत सरकारने जाहीर केली आहे. यावरूनच कुडाळ मालवणचे आमदार निलेश राणे हे विधानसभेत आक्रमक झालेले पाहायला मिळाले. विदर्भात जो एनडीआरएफचा निकष लावला त्याच धर्तीवर कोकणात देखील निकष लावून जास्तीतजास्त नुकसान भरपाई कोकणातील शेतकऱ्यांना देण्याची मागणी आमदार निलेश राणे यांनी केली. सरकार जर न्याय देणार नसेल तर आम्ही दात कोणाकडे मागायची असा उद्विग्न सवाल देखील त्यांनी शेतकऱ्यांच्या मुद्द्यावरून विधानसभेत उपस्थित केला.
Live: मूकबधिर विद्यालयातील विद्यार्थ्यांनी साजरी केली गोपीनाथ मुंडेंची जयंतीमहाराष्ट्राचे उपमुख्यमंत्री तथा केंद्रीय ग्रामविकास मंत्री दिवंगत गोपीनाथ मुंडे यांची जयंती हिंगोली मध्ये मूकबधिर निवासी विद्यालयात साजरी करण्यात आली आहे, राष्ट्रसंत भगवान बाबा प्रतिष्ठानच्या वतीने आयोजित करण्यात आलेल्या या कार्यक्रमात चिमुकल्यांनी गोपीनाथ मुंडेंना आदरांजली अर्पण केली होती.
Live: शरद पवारांच्या ८६व्या वाढदिवसानिमित्त पुण्यातील एका पंपावर ८६ रुपये प्रति लिटर पेट्रोलआपल्या नेत्याचा वाढदिवस प्रत्येक कार्यकर्ता त्याच्या परीने साजरा करत असतो. असं असतानाच राष्ट्रवादी काँग्रेस पक्षाचे अध्यक्ष शरद पवार यांच्या ८६ व्या वाढदिवसानिमित्त पुण्यात एका कार्यकर्त्यांने अनोख्या पद्धतीने शरद पवारांचा वाढदिवस साजरा केला आहे.
राष्ट्रवादी युवक काँग्रेसकडून गिरीश गुरनानी या कार्यकर्त्याने आज शरद पवारांच्या ८६ व्या वाढदिवसानिमित्त नागरिकांना ८६ रुपये प्रति लिटर पेट्रोल उपलब्ध करून दिलं आहे.
पेट्रोल चे दर सामान्यांना परवडणारे नाहीत आणि पेट्रोल ही दररोज लागणारी मूलभूत गरज झाली असल्याचं म्हणत त्याने आज सकाळपासून पुण्यातील कोथरूड भागातील एका पेट्रोल पंपावर १०५ रुपये प्रति लिटर असणारे पेट्रोल नागरिकांना ८६ रुपये प्रति लिटर दरात उपलब्ध करून दिलं आहे.
Mumbai Live: विक्रोळी पूर्व द्रुतगती मार्गावर भीषण धडक, तिघे गंभीर जखमीविक्रोळी पूर्व द्रुतगती मार्गावरील प्रवीण हॉटेल पादचारी पुलाखाली दोन मोटरसायकलींमध्ये झालेल्या जोरदार धडकेत तिघेजण गंभीर जखमी झाले. अपघाताची माहिती मिळताच विक्रोळी पोलिसांनी तातडीने घटनास्थळी धाव घेत परिस्थिती नियंत्रणात आणली. जखमींना तातडीच्या उपचारासाठी डॉक्टर बाबासाहेब आंबेडकर रुग्णालयात हलवण्यात आले आहे. या अपघातामुळे विक्रोळी ते घाटकोपर दरम्यानच्या पूर्व द्रुतगती मार्गावर मोठी वाहतूक कोंडी निर्माण झाली असून वाहनचालकांना मोठा त्रास सहन करावा लागला.
Solapur Live : स्वाभिमानी शेतकऱ्यांचा पुणे–सोलापूर महामार्गावर रास्ता रोको, सोलापूरमध्ये आंदोलन पेटलंसोलापूर जिल्ह्यात उसदर वाढीच्या मागणीचं आंदोलन पुन्हा पेटलं आहे. उसाला प्रति टन 3500 रुपये भाव मिळावा, या मुख्य मागणीसाठी शेतकरी आक्रमक झाले असून स्वाभिमानी शेतकरी संघटनेच्या नेतृत्वात आंदोलनाला गती मिळाली आहे.
Kalyan Live : कल्याण डोंबिवलीत थंडीचा जोर वाढला, पारा १२ अंशावर कल्याण डोंबिवलीत थंडीचा जोर,वाढला ,कल्याणात 12.8, डोंबिवलीत पारा 13.4 अंशांवर विधानभवन राडा प्रकरणी हिवाळी अधिवेशनात गदारोळविधानभवन राडा प्रकरणी हिवाळी अधिवेशनात गदारोळ
सर्जेराव टकलेंना विधानभवनात बंधी घालावी
टकलेंना २०२९ पर्यंत विधानभवनात बंदी घालण्याची मागणी करण्यात
या प्रकरणावरून सुधीर मनगुंटीवर आक्रमक झाले.
सोयाबीन खरेदीचे केंद्र सुरू करण्यासाठी मंत्र्यांचे ओएसडी लाच घेतल्याचा आरोपराज्यात सोयाबीन खरेदीचे केंद्र सुरू करण्यासाठी मंत्र्यांचे ओएसडी अभिजित पाटील आणि गर्जे तीन लाख घेत आहे.
बीड येथील अखिल नावाची व्यक्ती यासाठी वसुली करत आहे
काँग्रेस विधिमंडळ नेते विजय वडेट्टीवार यांचा विधानसभेत खळबळजनक आरोप
शेतकऱ्यांचा सोयाबीन खरेदी केला जात नसल्याने शेतकऱ्यांनी जगावे की मरावे? वडेट्टीवारांची सरकारवर टीका
राज्यात शिक्षक भरतीबाबत नवीन पद्धत आणण्याची गरज : मंत्री जयकुमार गोरेमंत्री जयकुमार गोरे यांनी राज्यात १५ हजार शिक्षकांची पद रिक्त असल्याची माहिती सभागृहात दिली यावर वडेट्टीवर यांनी आक्षेप घेतला.
राज्यात ३७ हजार शिक्षकांची पद रिक्त आहेत,अधिकारी सरकारची दिशाभूल करत आहे.
सरकारच्या पोर्टलचे नाव पवित्र असले तरी अपवित्र काम सुरू आहे अशी टीका वडेट्टीवार यांनी सभागृहात केली.
या प्रश्नावर उत्तर देताना मंत्री गोरे यांनी मान्य केले चंद्रपूर जिल्ह्यात शिक्षकांची ४७२ जागा रिक्त आहेत.
राज्यात शिक्षक भरतीबाबत नवीन पद्धत आणण्याची गरज असल्याचे मंत्री जयकुमार गोरे म्हणाले.
राज्यातील शिक्षणाचा झाला खेळखंडोबा, जिल्हा परिषद शिक्षकांची पदे रिक्तचराज्यातील शिक्षकांच्या रिक्त पद लवकरात लवकर भराव्या, काँग्रेस विधिमंडळ नेते विजय वडेट्टीवर यांची विधानसभेत मागणी
राज्यातील जिल्हा परिषद शाळांमध्ये तब्बल ३७ हजार शिक्षकांची पद रिक्त आहेत.
जिल्हा परिषद शाळांमध्ये शिक्षणाचा खेळखंडोबा झाला आहे, त्यामुळे सरकारने या रिक्त जागा लवकरात लवकर भराव्यात काँग्रेस विधिमंडळ नेते विजय वडेट्टीवार यांनी विधानसभेत आज मागणी केली.
विधानसभेत प्रश्नोत्तराच्या काळात राज्यातील जिल्हा परिषदेतील प्राथमिक शिक्षकांच्या बदलीबाबत प्रश्न उपस्थित करण्यात आला होता.
२० लाख स्क्वेअर फुटांची जीसीसी महाराष्ट्रात२० लाख स्क्वेअर फुटांची जीसीसी महाराष्ट्रात असणार आहे आणि १५ हजार लोकांना जीसीसीद्वारे थेट रोजगार मिळणार आहे. अशी माहिती मुख्यमंत्री देवेंद्र फडणवीस यांनी दिली आहे. याशिवाय मायक्रोसॉफ्ट मोठ्याप्रमाणात महाराष्ट्रात गुंतवणूक करणार असल्याचही त्यांनी सांगितलं.
सीबीएसई अभ्यासक्रमातील शिवरायांच्या उल्लेखावरून वादसीबीएसईच्या इयत्ता आठवीच्या पाठ्यपुस्तकात शिवरायांचा उल्लेख केवळ ६८ शब्दांत करण्यात आल्याने यावर आमदार सत्यजित तांबे यांनी विधिमंडळात आवाज उठवला.
उद्धव ठाकरे मविआ आमदार नार्वेकरांची भेट घेणारउद्धव ठाकरे आणि मविआ आमदार आज विधानसभा अध्यक्ष राहुल नार्वेकर यांची भेट घेणार आहेत आणि चर्चा करणार आहेत.
Pune Liveupdate : थार, फॉर्चूनर सारख्या महागडा स्पोर्ट कारवर वाहतूक पोलिसांची कारवाईपिंपरी चिंचवड शहरात थार आणि फॉर्च्यूनर सारख्या महागड्या स्पोर्ट कारला पूर्णपणे काळ्या फिल्मसह रस्त्यावर चालवणाऱ्या वाहनचालकांवर वाहतूक पोलिसांनी कारवाई करून दंड आकारला आहे. तसेच पोलिसांनी स्वतःच्या हाताने एक थार कार आणि एक फॉर्च्यूनर कारची काळी फिल्म काढली आहे.
RatnagiriLiveupdate : कोकणातील कात उद्योजक ईडीच्या रडारवर, रत्नागिरी आणि सिंधुदुर्गमध्ये ईडीची धाडकोकणातील कात उद्योजक ईडीच्या लक्षातरत्नागिरी आणि सिंधुदूर्गातील कात उद्योजकांवर ईडीची कारवाईसावर्डे आणि खेड येथील कात उद्योजक सचिन पाकळे यांच्यावर ईडीची छापेमारी२४ तास उलटूनही अद्याप ईडीची चौकशी सुरुचसकाळी ६ वाजल्यापासून ईडीच्या दोन टीम उद्योजक पाकळे यांच्या कार्यालयातचौकशीत कोणती कागदपत्रे आणि मालमत्तेची चौकशी झाल्याची सुत्रांची माहिती
Kolhapur live update: गुंतवणूकदारांनी गुंतवणूक केलेली बिशी वेळेत न देता आल्याने भाजपच्या जिल्हा सरचिटणीस पदावरील व्यक्तीचा आत्महत्याचा प्रयत्नगुंतवणूकदारांनी गुंतवणूक केलेली भिशी वेळेत न देता आल्याने भाजपच्या जिल्हा सरचिटणीस पदावरील व्यक्तीने आत्महत्याचा प्रयत्न केला आहे. कोल्हापूर शहरातील फुलेवाडी परिसरातील भाजप जिल्हा सरचिटणीस राजू मोरे यांनी विष घेऊन जीवन संपवण्याचा प्रयत्न केला. गेल्या अनेक दिवसांपासून गुंतवणूकदाराने गुंतवणूक केलेले पैसे परत मिळावे यासाठी तगादा लावला होता. मात्र वेळेत पैसे देऊ न शकल्याने विष घेतल्याची प्राथमिक माहिती आहे. त्यामुळे गुंतवणूकदारांचे धाबे दणाणले आहेत.
Nashik Live : राजमुन्द्रीवरून 15 हजार झाडे नाशकात येणारराजमुन्द्रीवरून निघालेले 15 हजार झाडे नाशकात दाखल व्हायला सुरुवात
- पहिल्या टप्प्यातील 1 मोठे कंटेनर नाशिक शहराच्या सीमेवर दाखल
- गिरीश महाजन यांनी राजमुन्द्री येथे जाऊन स्वतः निवडले 15 हजार देशी झाडे
- उद्यापासून होणार वृक्षलागवडीला होणार सुरुवात
Nagpur live : महायुती म्हणून लढण्याचा निर्णय, चर्चा सुरु- एकनाथ शिंदेआम्ही महायुती म्हणून लढण्याचा निर्णय घेतला आहे. याबाबत चर्चा सुरु आहे, अशी माहिती उपमुख्यमंत्री एकनाथ शिंदे यांनी दिली आहे.
Nagpur Live : नागपुरात तापमान 10 अंशावर, ठिकठिकाणी शेकोट्या पेटल्यानागपुरात आजच तापमान 10 अंशाची नोंद
कालच्या 8.1 अंश तापमान नोंदवल्या गेले असतांना आज 1.9 अंशांनी घट झाली आहे
मागील तीन ते चार दिवसांपासून सातत्याने पारा 10 अशाच खाली नोंदवत होता,
Buldhana Live : नगराध्यक्षपदासाठी 5- 7 कोटी खर्च होत असल्याचा उम्मेदवाराचा दावानगराध्यक्षपदासाठी पाच- सात कोटी खर्च होत असल्याचा उम्मेदवाराचा दावा
समाज माध्यमांवर व्हिडीओ व्हायरल
बुलढाणा जिल्ह्यातील मलकापुरातील प्रकार
New Delhi News : ‘एसआयआर’ची मुदत सहा राज्यांत वाढलीनवी दिल्ली : मतदारयाद्यांच्या व्यापक पडताळणीसाठी सुरू असलेल्या मोहिमेची उत्तर प्रदेशसह सहा राज्यांतील मुदत निवडणूक आयोगाने वाढविली आहे. या निर्णयामुळे उत्तरप्रदेशसह तमिळनाडू, गुजरात, मध्य प्रदेश, छत्तीसगड, अंदमान-निकोबारमधील मतदारांना अर्ज जमा करण्यासाठी वाढीव कालावधी मिळेल. निवडणूक आयोगाने आज ही घोषणा करताना स्पष्ट केले, की या राज्यांमध्ये आलेल्या अर्जांची संख्या आणि प्रशासकीय कारणे लक्षात घेऊन हा निर्णय घेण्यात आला आहे. तमिळनाडू आणि गुजरातमध्ये एसआयआर अर्ज जमा करण्याची अंतिम मुदत रविवारपर्यंत (ता. १४ डिसेंबर) होती.
P. G. Medhe Passes Away : राजारामसह कुंभी भोगवती कारखान्याचे कार्यकारी संचालक पी. जी. मेढे यांचे निधनकोल्हापूर : येथील साखर उद्योगाचे अभ्यासक राजारामसह कुंभी भोगवती कारखान्याचे कार्यकारी संचालक पी. जी. मेढे यांचे आज निधन झाले आहे.
Kolhapur Crime : दारूसाठी पैसे न दिल्याने कोते येथे आई-वडिलांना मारहाणधामोड : कोते (ता. राधानगरी) येथील तरुणाने दारू पिण्यासाठी पैसे देत नसल्याने आईला शिवीगाळ केली. तसेच वडील सुनील भिकाजी पाटील (वय ५७) यांच्या डोक्यात लोखंडी बार घालून जखमी केले. याबाबत मुलगा अक्षय सुनील पाटील (वय २७) याच्याविरोधात राधानगरी पोलिस ठाण्यात गुन्हा नोंद झाला आहे.
Lionel Messi : फुटबॉल चाहत्यांसाठी पर्वणी! लिओनाल मेस्सी उद्यापासून ३ दिवस भारत दौऱ्यावरलिओनाल मेस्सी उद्यापासून ३ दिवस भारत दौऱ्यावर येत आहे. मेस्सी भारतात येत असल्याने फुटबॉल चाहत्यांमध्ये आनंद आणि उत्साह दिसत आहे. कोलकाता, हैदराबाद, मुंबई आणि दिल्लीत मेस्सीचे कार्यक्रम आयोजित केले आहेत. मेस्सी त्याच्या टूरच्या शेवटच्या दिवशी पंतप्रधान नरेंद्र मोदी यांची भेट घेणार आहे.
Belgaum Weather : हुक्केरीवासीयांना हुडहुडी, बेळगावकरही गारठले; तापमान ७.२ अंश सेल्सिअसपर्यंत; बेळगाव @१२ अंशबेळगाव : शहर आणि परिसरात थंडीचा कडाका वाढला असून गत दोन दिवसांच्या तुलनेत गुरुवारी (ता. ११) शहर आणि परिसरातील सर्वच भागांत तापमानात घट झाल्याचे पहावयास मिळाले. त्यामुळे पहाटे व रात्री कडाक्याची थंडी पडत आहे. शहराच्या तुलनेत हुक्केरीत सर्वांत कमी तापमानाची नोंद झाली असून ७.२ अंश सेल्सिअस इतके तापमान नोंदविले गेले. त्यामुळे हुक्केरीवासीयांना हुडहुडी भरली आहे. बेळगाव शहराचे तापमान १२.४ अंश सेल्सिअस इतके होते.
Shivraj Patil Chakurkar Passes Away : काँग्रेसचे ज्येष्ठ नेते शिवराज पाटील चाकूरकर यांचं निधन, ९० व्या वर्षी घेतला अखेरचा श्वासकाँग्रेसचे ज्येष्ठ नेते आणि देशाचे माजी केंद्रीय गृहमंत्री शिवराज पाटील चाकूरकर यांचे निधन झाले. ते ९० वर्षांचे होते. लातूर येथील देवघर या निवासस्थानी त्यांनी आज सकाळी साडेसहा वाजताच्या सुमारास अखेरचा श्वास घेतला. ते दीर्घ आजाराने त्रस्त होते. गेल्या अनेक वर्षांपासून त्यांच्यावर घरीच उपचार सुरू होते. आज सकाळी त्यांची प्राणज्योत मावळली.
Anna Hazare : ३० जानेवारीपासून अण्णा हजारे पुन्हा उपोषणाला; राळेगणसिद्धीत संत यादवबाबा मंदिरात सुरू होणार आंदोलनLatest Marathi Live Updates 12 December 2025 : महाराष्ट्रात सशक्त लोकायुक्त विधेयकाची अंमलबजावणी करावी, अन्यथा ३० जानेवारीपासून पुन्हा राळेगणसिद्धी (ता. पारनेर) येथील संत यादवबाबा मंदिरात उपोषण सुरू करणार असल्याचा इशारा ज्येष्ठ समाजसेवक अण्णा हजारे यांनी दिला आहे. तसेच भारतीय पारंपरिक चर्मकला कोल्हापुरी चपलांचा वारसा जगभर पोहोचवण्यासाठी जागतिक ब्रॅन्ड प्राडा, लिडकॉम (संत रोहिदास चर्मउद्योग आणि चर्मकार विकास महामंडळ) आणि लिडकार (डॉ. बाबू जगजीवनराम चर्मउद्योग विकास महामंडळ) यांच्यात सामंजस्य करार झाला आहे. मतदारयाद्यांच्या व्यापक पडताळणीसाठी सुरू असलेल्या मोहिमेची उत्तर प्रदेशसह सहा राज्यांतील मुदत निवडणूक आयोगाने वाढविली आहे. या निर्णयामुळे उत्तरप्रदेशसह तमिळनाडू, गुजरात, मध्य प्रदेश, छत्तीसगड, अंदमान-निकोबारमधील मतदारांना अर्ज जमा करण्यासाठी वाढीव कालावधी मिळेल. अमेरिकेचे अध्यक्ष डोनाल्ड ट्रम्प यांनी बहुचर्चित ‘गोल्ड कार्ड’च्या विक्रीची अधिकृत घोषणा केली. या कार्डधारकांना कायदेशीर दर्जा मिळून त्यांना अमेरिकेचे नागरिक होता येईल पण हे कार्ड खरेदी करण्यासाठी व्यक्ती अथवा कंपनीला भरभक्कम रक्कम मोजावी लागेल. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..
