मुंबईत महापालिकेसाठी काँग्रेसचे ‘एकला चालो रे’

महापालिका निवडणुकीसाठी काँग्रेसने मुंबईत स्वबळावर निवडणूक लढविण्याचा अंतिम निर्णय शनिवारी टिळक भवन येथे झालेल्या पक्षाच्या आढावा बैठकीत घेण्यात आला. मात्र, मुंबई वगळता इतर ठिकाणी समविचारी पक्षांशी, ‘इंडिया’च्या घटक पक्षांशी चर्चा सुरू असून, आवश्यकता असेल तेथे भाजप महायुती सोडून अन्य समविचारी पक्षांशी आघाडीबाबतचा निर्णय स्थानिक पातळीवर घेतला जाईल, असे अखिल भारतीय काँग्रेस कमिटीचे सरचिटणीस व महाराष्ट्र प्रभारी रमेश चेन्नीथला यांनी सांगितले.

पुण्यातील अनेक माजी नगरसेवकांचा भाजपामध्ये प्रवेश

पुणे येथील राष्ट्रवादी काँग्रेसचे (शरदचंद्र पवार गट) आमदार बापूसाहेब पठारे यांचे पुत्र सुरेंद्र पठारे, दिवंगत आमदार रमेश वांजळे यांच्या कन्या सायली वांजळे, माजी नगरसेवक सचिन दोडके, बाळासाहेब धनकवडे यांच्यासह अनेक माजी नगरसेवकांनी आज भारतीय जनता पक्षामध्ये प्रवेश केला.

Crime News: महिलेने प्रसूतीनंतर आपल्या मुलाला स्वीकारण्यास नकार दिला

एका जिल्हा रुग्णालयात पतीने केलेल्या फसवणुकीमुळे संतापलेल्या एका महिलेने आपल्या नवजात मुलाला स्वीकारण्यास नकार दिला आणि त्याला स्तनपान देण्यासही नकार दिला, त्यामुळे वैद्यकीय कर्मचारी गोंधळात पडले, असे अधिकाऱ्यांनी सांगितले.

Fire News: लाल चौकातील अली जान कॉम्प्लेक्समध्ये आग

लाल चौकातील अली जान कॉम्प्लेक्समध्ये आग लागली आहे. अग्निशमन दलाच्या गाड्या घटनास्थळी दाखल झाल्या आहेत. पुढील तपशील प्रतीक्षेत आहेत.

Nashik News: सटाणा शहरात बनावट चलनाचा प्रकार उघडकीस

सटाणा शहरात बनावट चलनाचा प्रकार उघडकीस आला असून सटाणा पोलीस स्टेशनच्या सतर्क गस्त पथकामुळे सात जणांना अटक करण्यात आली आहे. काल रात्री सुमारे आठ वाजण्याच्या सुमारास सटाणा–ताहाराबाद रोडवरील एच.पी. पेट्रोल पंप परिसरात काही युवक संशयास्पदरीत्या वावरताना दिसून आले. गस्तीवर असलेले पोलीस हवालदार विशाल जाधव यांनी त्यांना थांबवून चौकशी केली असता उडवाउडवीची उत्तरे मिळाल्याने पोलिसांचा संशय बळावला.

फुलंब्रीतील मतमोजणी तीन फेऱ्यात

फुलंब्री नगरपंचायतीची सार्वत्रिक निवडणूक शनिवारी शांततेत पार पडली असून आज रविवारी सकाळी दहा वाजेपासून मतमोजणीची प्रक्रिया पार पडणार आहे. नगराध्यक्ष पदासह नगरसेवक पदासाठी उभ्या असलेल्या उमेदवारांचे भवितव्य आज मतमोजणीत स्पष्ट होणार असून त्यामुळे फुलंब्री शहरात राजकीय वातावरण तापले आहे. नगराध्यक्ष पदासाठी तीन तर 17 नगरसेवक पदासाठी तब्बल 54 उमेदवार निवडणुकीच्या रिंगणात उभे होते.

Mumbai News: महाराष्ट्र नवनिर्माण सेना अध्यक्ष राज ठाकरे यांच्या हस्ते ताडदेव येथील मध्यवर्ती कार्यालयाचे उद्घाटन

आज शाखा उद्घाटन कार्यक्रमासाठी राज ठाकरे हे थोड्याच वेळात ताडदेव येथे पोहचणार त्यांच्या स्वागतासाठी जय्यत तयारी पारंपारिक कोळी वाद्य वाजवून राज ठाकरे यांचा होणार स्वागत

Mumbai News: मुंबई पालिकेतील मराठी अस्मितेच्या मुद्द्यावरून राजकीय वाद पुन्हा चिघळला!

मुंबई महापालिकेतील मराठी अस्मितेच्या मुद्द्यावरून राजकीय वाद पुन्हा एकदा चिघळला आहे. बाळासाहेब ठाकरे यांनी स्थापन केलेल्या शिवसेनेने आजवर २३ मराठी महापौर दिले असून, मुंबई आणि मराठी प्रेम शिकवण्याची गरज नसल्याचा जोरदार दावा शिव संचार सेनेचे अध्यक्ष अखिल चित्रे यांनी केला आहे. भाजपने संधी मिळताच परप्रांतीय गैर मराठी बारोट, पटेल, शेट्टी, ठाकूर यांना उपमहापौर पदावर नेमल्याचा आरोप चित्रे यांज करत, भाजपाच्या मुंबई अध्यक्षांवर टीका केली आहे. “आधी स्वतःचा इतिहास तपासा, मग शिवसेनेला शहाणपणा शिकवा,” असा टोला शिवसेनेचे अखिल चित्रेकडून लगावण्यात आला. तसेच BMC ही कोणाची कौटुंबिक मालमत्ता नसून, ती मुंबईकरांची सार्वजनिक संस्था असल्याचे स्पष्ट करण्यात आले आहे.

Mumbai News: गाडीत मराठी अनाउन्समेंट न झाल्याने मनसे पदाधिकारी आक्रमक

मुंबई सीएसएमटीवरून अंबरनाथला जाणाऱ्या गाडीमध्ये मराठी अनाउन्समेंट न झाल्यामुळे गाडीमधील महाराष्ट्र नवनिर्माण सेनेचा पदाधिकाऱ्याने चक्क मोटरमनला मराठी बोलण्यासाठी आव्हान केले. मात्र मोटरमनला मराठी येत नसल्यामुळे महाराष्ट्र नवनिर्माण सेनेच्या पदाधिकाऱ्यानेच त्याला मराठी कसे बोलायचे ते शिकवले आणि मराठीमध्ये देखील मोटारनमनकडून अनाउन्समेंट करून घेतली .

Jalgaon Election: मतमोजणीनंतर विजयी मिरवणुकीला परवानगी नाही - डीवायएसपी ढवळे

भुसावळ तालुक्यातील वरणगाव नगर परिषदेच्या निवडणुकीची मतदान प्रक्रियेचा आजचा शेवटचा दिवस आहे व उद्या मतमोजणी होणार आहे. निकालानंतर कोणत्याही उमेदवाराला मिरवणुकीची परवानगी देता येणार नाही, अशी माहिती डीवायएसपी ढवळे यांनी दिले.

उद्या वरणगाव नगर परिषदेच्या मतमोजणी च्या ठिकाणी व वरणगाव मध्ये दहा अतिरिक्त पोलीस बंदोबस्त व 40 होमगार्डचा बंदोबस्त देण्यात आला आहे. निकालानंतर कोणत्याही विजयी उमेदवाराला मिरवणुकीची अथवा वाद्य वाजवायची परवानगी नसल्याची माहिती डीवायएसपी सुभाष ढवळे यांनी दिली.

Nashik Accident: चालकाला चक्कर आल्याने गाडीवरील नियंत्रण सुटून पायी जाणाऱ्या इसमाला उडवले

नाशिकच्या मनमाड शहरातून जाणाऱ्या इंदूर-पुणे राष्ट्रीय महामार्गावरील बसस्थानका जवळ मालवाहतुक चारचाकी गाडीवरील चालकाला अचानक चक्कर आल्याने गाडीवरील नियंत्रण सुटून पायी जाणाऱ्या इसमाला उडवत रस्त्याच्या कडेला संरक्षण भिंत नसल्याने पलटी झाल्याची घटना घडली. या घटनेमध्ये सुदैवाने कोणतीही जीवित हानी झाली नसून एक जण गंभीर आहे तर मनमाड येथील उपजिल्हा रुग्णालयात चालकासह गंभीर जखमी व्यक्तीला पुढील उपचारासाठी नेण्यात आल्याची माहिती मिळाली आहे. दरम्यान या अपघाताची माहिती मिळताच घटनास्थळी बघणाऱ्यांनी गर्दी केली होती.

Nanded Live: धर्माबादच्या गोरोबाकाका मंदिरात जवळपास शंभर महिला नजर कैदेत

धर्माबादच्या गोरोबाकाका मंदिरात जवळपास शंभर महिला नजर कैदेत. प्रसादाच्या स्वरूपात चार हजार रुपये मिळणार असल्याचा महिलांचा आरोप. कप बशीचं निवडणूक चिन्ह असलेल्या लोकांनी सकाळपासून थांबून ठेवण्याचा महिलांचा आरोप.

Nashik Live: मालेगावमध्ये भीषण अपघात, वाहनाने दिली विद्यार्थिनीला धडक

मालेगावमध्ये धक्कादायक घटना घडली आहे. येथे  भरधाव वाहनाने एका शाळकरी विद्यार्थिनीला जोरदार धडक दिली आहे. निसर्ग स्टॉप परिसरात भीषण अपघात झाला आहे. अपघातात जखमी झालेली मुलगी ही इयत्ता आठवीत शिकते. या अपघातात विद्यार्थिनी गंभीर जखमी झाली आहे.

Pune Live: आदित्य ठाकरे पुण्यातील नागरिकांच्या भेटीसाठी

आदित्य ठाकरे पुण्यातील लोकमान्य नगरमध्ये नागरिकांच्या भेटीसाठी गेले आहेत. या नागरिकांशी त्यांनी संवाद साधला. लोकमान्य नगर मधील घरांचा विषय आदित्य ठाकरे घेतला समजून. पुण्यातल्या या लोकमान्य नगरच्या रिडेव्हलपमेंटला स्थानिकांनी विरोध केला आहे.

Live: पश्चिम बंगालला दोन मोठे महामार्ग प्रकल्प; पायाभूत सुविधांवर सरकारची मोठी गुंतवणूक

आमचे सरकार येथे आधुनिक पायाभूत सुविधांमध्ये मोठी गुंतवणूक करत आहे. मी आधी सांगितल्याप्रमाणे, पश्चिम बंगालला दोन मोठे महामार्ग प्रकल्प मिळाले आहेत, ज्यामुळे कोलकाता आणि सिलिगुडीशी संपर्क अधिक सुधारेल. आज देशाला जलद विकास हवा आहे. गेल्या महिन्यात, बिहारने विकासासाठी एनडीए

Live: नादिया जिल्ह्यातील जाहीर सभेला पंतप्रधान मोदींचे दूरध्वनीद्वारे संबोधन

नादिया जिल्ह्यातील जाहीर सभेला पंतप्रधान मोदींचे दूरध्वनीद्वारे संबोधन

Live: इस्रोचे LVM3-M6 प्रक्षेपण २४ डिसेंबरला; व्ह्यू गॅलरीसाठी नोंदणी सुरू

इस्रोने LVM3-M6 चे प्रक्षेपण २४ डिसेंबर २०२५ रोजी भारतीय प्रमाणवेळेनुसार सकाळी ०८:५४ वाजता, सतीश धवन अंतराळ केंद्र (SDSC SHAR), श्रीहरिकोटा येथील दुसऱ्या प्रक्षेपण पॅडवरून करण्याचे नियोजित केले आहे. प्रक्षेपण व्ह्यू गॅलरीमधून पाहू इच्छिणाऱ्यांसाठी सार्वजनिक नोंदणी आता खुली आहे.

Pune Live : आबा बागुल यांचा एकनाथ शिंदेंच्या उपस्थितीत शिवसेनेत प्रवेश

 काँग्रेसचे माजी ज्येष्ठ नेते आबा बागुल यांनी आज मुख्यमंत्री एकनाथ शिंदे यांच्या उपस्थितीत शिवसेनेत अधिकृत प्रवेश केला. विधानसभेच्या निवडणुकीत काँग्रेसकडून तिकीट नाकारण्यात आल्यामुळे बागुल नाराज होते. अखेर त्यांनी शिंदे गटाच्या शिवसेनेत सामील होण्याचा निर्णय घेतला असून, यामुळे पुण्यातील राजकीय हालचालींना वेग आला आहे.

Ambernath Live : अंबरनाथ स्थानिक स्वराज्य निवडणुकीत तणाव; शिंदे गट व काँग्रेस कार्यकर्ते आमनेसामने, राडा

अंबरनाथ स्थानिक स्वराज्य संस्थेच्या निवडणुकीदरम्यान तणावपूर्ण वातावरण निर्माण झाले. कोहचगाव परिसरात शिवसेना शिंदे गट आणि काँग्रेसच्या कार्यकर्त्यांमध्ये जोरदार वाद झाला. मतदारांना मतदान करू दिले जात नसल्याचा आरोप करत दोन्ही बाजूंनी आरोप-प्रत्यारोप झाले. यामुळे शिवसेना शिंदे गट आणि काँग्रेसचे कार्यकर्ते आमनेसामने आले असून परिसरात गोंधळाची स्थिती निर्माण झाली.

Pune Live : आदित्य ठाकरे यांच्यासमोर वसंत मोरे करणार पुणे महापालिकेची पोलखोल; प्रेझेंटेशननंतर पत्रकार परिषद

आदित्य ठाकरे यांच्यासमोर वसंत मोरे पुणे महापालिकेची पोलखोल करणार आहेत. यासाठी ते सविस्तर प्रेझेंटेशन सादर करून पुणे महानगरपालिकेतील कथित अनियमितता आणि समस्या मांडणार आहेत.

Live Update: राष्ट्रीय तपास संस्थेने महाराष्ट्रातील दिनेश पुसू गावडे हत्या प्रकरणात आणखी दोन फरार आरोपींना अटक केली

राष्ट्रीय तपास संस्थेने (एनआयए) महाराष्ट्रातील दिनेश पुसू गावडे हत्या प्रकरणात आणखी दोन फरार आरोपींना अटक केली आहे. हे दोन्ही फरारी आरोपी प्रतिबंधित सीपीआय (माओवादी) या दहशतवादी संघटनेचे सदस्य असून, त्यांची ओळख तेलंगणातील निजामाबाद जिल्ह्याचा रहिवासी असलेला रघु उर्फ प्रताप उर्फ इरपा उर्फ मुडेल्ला उर्फ सैलू आणि महाराष्ट्रातील गडचिरोली जिल्ह्याचा रहिवासी असलेला शंकर महाका अशी पटली आहे.

Kolhapur Liveupdate: अखिल भारतीय विद्यार्थी परिषदेच्या विद्यार्थी कार्यकर्त्यांना शिवाजी विद्यापीठ कोल्हापूरली विविध मागण्यांना घेऊन आंदोलन करताना पोलिस प्रशासनाकडून मारहाण

अखिल भारतीय विद्यार्थी परिषदेच्या विद्यार्थी कार्यकर्त्यांना शिवाजी विद्यापीठ कोल्हापूर येथे विविध मागण्यांना घेऊन आंदोलन करताना पोलिस प्रशासनाकडून व विद्यापीठ गार्ड कडून मारहाण करण्यात आली आहे.

Puneliveupdate : पुण्यात शिंदे गटाचा काँग्रेसला दे धक्का, बड्या नेत्यांचा शिवसेनेत प्रवेश

पुण्यातील स्थानिक स्वराज्य निवडणुकीच्या पार्श्वभूमीवर शिंदे यांच्या शिवसेनेने काँग्रेसला धक्का दिला आहे. काँग्रेसचे प्रदेश उपाध्यक्ष आणि पुणे महापालिकेचे माजी उपमहापौर आबा ऊर्फ उल्हास बागुल यांनी उपमुख्यमंत्री एकनाथ शिंदे यांच्या उपस्थितीत शिवसेनेत प्रवेश केला. उल्हास बागुल यांच्यासह बागुल कुटुंबीय आणि पुणे महापालिकेतील माजी लोकप्रतिनिधी यांनी शिवसेनेत प्रवेश केला आहे. पुणे महापालिकेवर भगवा फडकवण्यासाठी शिंदे यांची रणनीती आहे. उपमुख्यमंत्री एकनाथ शिंदे यांच्या ठाण्यातील शुभ - दिप निवासस्थानी हा प्रवेश सोहळा पार पडला.

Puneliveupdate : उपमुख्यमंत्री एकनाथ शिंदे यांच्या शिवसेनेतील नाराज पदाधिकाऱ्यांची बैठक सुरू

-एकनाथ शिंदे यांच्या शिवसेनेतील असंतुष्ट पदाधिकाऱ्यांची बैठक सुरूरविंद्र धंगेकर यांच्या उपस्थितीत सुरू झाली आहे. पदाधिकारी पक्षाचा राजीनामा देण्याच्या तयारीत आहेत आणि पुणे महापालिका निवडणुकीत भाजपसोबत युती नको अशी मागणी केली आहे.

Mumbai liveupdate: मुंबई पुणे द्रुतगती महामार्गावर वाहनांच्या रांगा

यशवंतराव चव्हाण तृतीय महामार्गावर वाहतुकीचा वेग कमी झाला आहे. आज शनिवार असल्यामुळे मुंबईतील पर्यटक मोठ्या संख्येने त्यांच्या खासगी वाहनांनी रस्त्यावर आले आहेत. त्यामुळे वाहतूक कोंडी झालेली दिसते.

Pune Live : पुण्यात 'ऑपरेशन लोटस' ,२२ दिग्गजांचा भाजपात प्रवेश

भाजपने दिग्गजांना आपल्या पक्षात घेत ऑपरेशन लोटस यशस्वी केलं आहे. एक-दोन नव्हे तर तब्बल २२ जणांनी आज भाजपमध्ये प्रवेश केला. माजी नगरसेवक राहुल कलाटे, वडगाव शेरीचे आमदार बापूर पठारे यांचे पुत्र सुरेंद्र पठारे, माजी नगरसेविका रोहिणी चिमटे, अजित पवारांच्या राष्ट्रवादी काँग्रेसच्या नेत्या सायली वांजळे, शरद पवारांच्या राष्ट्रवादी काँग्रेसचे बाळा धनकवडे, अजित पवारांच्या राष्ट्रवादी काँग्रेसचे नारायण गलांडे, सतिश लोंढे, खंडू लोंढे, प्रतिभा चोरगे आणि पायल तुपे या सर्वांनी भाजपमध्ये जाहीर पक्ष प्रवेश केला. या सर्वांच्या पक्ष प्रवेशामुळे पुण्यात भाजपची ताकद चांगलीच वाढली.

maharashtra live : अंबरनाथमध्ये पोलिसांकडून लाठीचार्ज

अंबरनाथच्या मातोश्री नगर परिसरात पोलिसांकडून सौम्य लाठीचार्ज

भाजपकडून पैसे वाटण्यात आल्याचा शिंदेसेनेचा आरोप

परिसरात तणाव, कार्यकर्त्यांना पांगवण्यासाठी केला सौम्य लाठीचार्ज

घटनास्थळी पोलिसांचा कडक बंदोबस्त

Washim Live : वाशिम नगर परिषदेच्या निवडणुकीसाठी आज मतदान

वाशिम नगर परिषदेच्या निवडणुकीसाठी आज मतदान सुरू आहे, वाशिमच्या लाखाळा भागातील प्रभाग क्रमांक 7 मधील खोली क्रमांक 2 मधील ईव्हीएम मशीन साधारणतः 45 मिनिटांपेक्षा अधिक वेळापासून ईव्हीएम बंद

Kopargaon : मतदान केंद्रावर गोंधळ, भाजप-राष्ट्रवादीच्या उमेदवारांमध्ये बाचाबाची

कोपरगावमध्ये मतदान केंद्रावर गोंधळ...

भाजप आणि राष्ट्रवादी अजित पवार गटाच्या उमेदवारांमध्ये बाचाबाची...

मतदारांवर उमेदवार प्रतिनिधी प्रभाव टाकत असल्याचा दोन्ही गटाकडून आरोप...

पोलिसांसमोरच दोन गटांमध्ये बाचाबाची...

पोलिसांनी हस्तक्षेप करत दोन्ही गटांना नेले मतदान केंद्रापासून दूर...

मतदार प्रतिनिधी आणि पोलिसांध्येही शाब्दिक चकमक...

कोपरगावमधील एस. जी. महाविद्यालयातील मतदान केंद्रावर काहीकाळ तणावाचे वातावरण...

मतदान केंद्राच्या परिसरात दोन्ही गटाच्या समर्थकांची गर्दी..

Akola News Live : अकोला महापालिकेत महायुती होणार?

अकोला महापालिकेत महायुती होण्याची शक्यता आहेय. यासंदर्भात महायुतीतील भाजपसह शिंदेंची शिवसेना आणि अजित पवारांची राष्ट्रवादी एकत्र लढणार असल्याचं बोलतायेत. मात्र, निवडणुक जाहीर झाल्यानंतरही तिन्ही पक्षांच्या स्तरावर कोणतीही प्राथमिक चर्चा, बोलणी आणि निमंत्रण एकमेकांना देण्यात आलेलं नाहीय.

Pune news : पुण्यात ऑपरेशन लोटस, दिग्गजांचा भाजप प्रवेश

महानगरपालिकांच्या निवडणुकीच्या पार्श्वभूमीवर पुण्यात भाजपमध्ये मोठ्या प्रमाणावर पक्ष प्रवेश सुरू आहेत. राष्ट्रवादी काँग्रेसच्या सायला वांजळे यांनी भाजपमध्ये प्रवेश केला. यावेळी केंद्रीय मंत्री मुरलीधर मोहोळ, मंत्री चंद्रकांत पाटील आणि भाजपचे प्रदेशाध्यक्ष रविंद्र चव्हाण हे उपस्थित होते.

Nagpur Live: नागपूर जिल्ह्यात 9 जागांसाठी आज मतदान

नागपूर जिल्ह्यातील नगरपरिषद आणि नगरपंचायतींच्या स्थगित झालेल्या निवडणुकांसाठी आज पुन्हा मतदान प्रक्रिया पार पडत आहे. कामठी, नरखेड़, रामटेक आणि कोंढाली या भागांमध्ये एकूण ९ जागांसाठी मतदार आपला मतदानाचा हक्क बजावत आहेत, तर प्रशासनाकडून शांततेत आणि सुरळीत मतदान होण्यासाठी आवश्यक ती तयारी करण्यात आली आहे.

Nagpur Live: नागपूर महापालिका निवडणुकीसाठी आम आदमी पार्टीची दहा उमेदवारांची पहिली यादी जाहीर

नागपूर महापालिका निवडणुकीसाठी आम आदमी पार्टीने दहा उमेदवारांची पहिली यादी जाहीर केली आहे. महापालिका निवडणूक जाहीर होताच विविध राजकीय पक्षांकडून उमेदवारांच्या मुलाखती सुरू झाल्या आहेत, तसेच आम आदमी पार्टीने देखील आपले उमेदवार स्पष्ट केले आहेत. महाराष्ट्र प्रदेश संघटन मंत्री भूषण ठाकूरकर आणि नागपूर शहराध्यक्ष अजिंक्य कळंबे यांनी पार्टीच्या या दहा उमेदवारांची यादी सादर केली. आम आदमी पार्टीच्या मतानुसार, या निवडणुकीत लोकांचे मूलभूत मुद्दे आणि शहराच्या विकासासाठीचे प्रश्न महत्त्वाचे ठरतील.

मोहोळ नगर परिषदेच्या दोन प्रभागासाठी आज मतदानाची प्रक्रिया सुरू

थंडी मुळे सकाळच्या टप्यात मतदारांचा ओघ कमी,सोलापूर शहर आणि जिल्ह्यात थंडीचा पारा घसरला

मोहोळमध्ये 11 ते 12 अंश तापमान असल्याने प्रचंड थंडी जाणवत आहे.

मतदान केंद्रांवर मतदार राजा संख्येने कमी,सकाळच्या सत्रात मतदानाला कमी प्रतिसाद

दुपारून मतदारांची गर्दी वाढण्याची शक्यता,सोलापूर जिल्ह्यात मंगळवेढाच्या नगरध्यक्षसह 31 जागा,मोहोळ नगरपरिषदच्या दोन प्रभाग,मैंदर्गी आणि पंढरपूर नगरपरिषदेच्या एक प्रभागच्या जागेसाठी मतदानाची प्रक्रिया पार पडत आहे.

चंद्रपुरात आणखी तिघांची किडनी काढली

सावकाराचे कर्ज फेडण्यासाठी कंबोडियात जाऊन किडनी विकणाऱ्या रोशन कुडे प्रकरणात आता धक्कादायक माहिती समोर आली आहे.

कुडे यांच्यासोबत उत्तरप्रदेशसह इतर दोन राज्यांतील आणखी पाच युवक कंबोडियात जाण्यासाठी निघाले होते.

मात्र, महाराष्ट्रातील नाशिक येथील एक युवक कोलकता विमानतळावरून पळून आला.

कुडे व अन्य तिघे कंबोडियात गेले आणि त्या चौघांची किडनी तिथे काढण्यात आली

रत्नागिरी नगर परिषदेच्या प्रभाग 10 मध्ये आज मातदान

सकाळपासून मतदारांची मतदान केंद्रावर गर्दी

न्यायालयीन प्रक्रियेमुळे लांबली होती प्रभाग 10 ची निवडणूक

दोन नगरसेवकपदांसाठी आज होतंय मतदान

प्रभागात सुमारे 4 हजार 200 मतदार

प्रभागात महायुती विरुद्ध उबाठा अशी थेट

महायुतीतील भाजपचे उमेदवार राजू तोडणकर आणि मानसी करमरकर हे दोन उमेदवार निवडणूक रिंगणात

तर 'उबाठा" कडून राजाराम रहाटे आणि श्वेता कोरगावकर निवडणूक आखाड्यात

प्रभाग क्र. १० मधील अपक्ष उमेदवार सचिन शिंदे आणि संपदा रसाळ-राणा या दोघांचे अर्ज निवडणूक निर्णय अधिकारी तसेच जिल्हा न्यायालयाकडूनही अवैध ठरवण्यात आले होते

Kolhapur Crime : हुपरी हादरली! मालमत्तेच्या कारणावरून वृद्ध आई-वडिलांचा खून

हुपरी : येथे पोटच्या मुलाने जन्मदात्या वृद्ध आई-वडिलांचा विळतीच्या धारधार पात्याने हाताच्या नसा कापून, तसेच त्यांच्या डोक्यात व तोंडावर काठीने जोरदार प्रहार करून निर्घृण खून केल्याची धक्कादायक घटना आज पहाटे सव्वापाचच्या सुमारास घडली. विजयमाला नारायण भोसले (वय ७०) व नारायण गणपतराव भोसले (वय ८२) असे आई-वडिलांचे, तर सुनील नारायण भोसले (वय ४८) असे खून करणाऱ्या नराधमाचे नाव आहे.

Phaltan-Mahabaleshwar Municipality : फलटण-महाबळेश्वर नगरपालिकांसाठी आज मतदान

सातारा जिल्ह्यातील फलटण आणि महाबळेश्वर नगरपालिकांसाठी आज मतदान प्रक्रिया पार पडत आहे. फलटण नगरपालिका निवडणुकीच्या नगराध्यक्षपदासाठी भाजप आणि शिवसेनेमध्ये थेट लढत असल्याचे पाहायला मिळत आहे. फलटणमध्ये नगराध्यक्ष पदासाठी रामराजे गटाकडून शिवसेनेच्या चिन्हावर अनिकेतराजे नाईक-निंबाळकर तर, माजी खा. रणजीत नाईक निंबाळकर यांचे बंधू भाजपच्या चिन्हावर समशेर सिंह नाईक निंबाळकर या दोघांमध्ये थेट लढत होत असून आज या लढतीची मतदानाची प्रक्रिया पार पडत आहे.

Jalgaon Election : जळगाव जिल्ह्यात पालिकेच्या १२ जागांसाठी मतदानाला सुरुवात

गेल्या २ डिसेंबरला ७७ लोकनियुक्त नगराध्यक्षपदासह अन्य अपील नसलेल्या ठिकाणी ४५२ नगरसेवकांसाठी एक हजार ४८८, असे एक हजार ५६४ उमेदवारांसाठी निवडणूक झाली. मात्र, १२ प्रभागांतील काही उमेदवारांनी हरकती घेतल्याने उच्च न्यायालयाने त्या ठिकाणी २० डिसेंबरला मतदान घेण्यास व २१ डिसेंबरला एकत्रित मतमोजणी करण्याचे आदेश दिले होते. आज अमळनेर १ 'अ', सावदा २ 'ब', ४ 'ब' आणि १० 'ब', यावल ८ 'ब', वरणगाव १० 'अ', १० 'क', पाचोरा ११ 'अ', १२ 'ब' आणि भुसावळ ४ 'ब', ५ 'ब', तसेच ११ 'ब', अशा सहा पालिकांतील १२ प्रभागांत मतदानाला सुरुवात झाली आहे. मतमोजणी रविवारी होणार आहे.

Mahua Moitra : तृणमूल काँग्रेसच्या खासदार महुआ मोईत्रा यांना न्यायालयाचा दिलासा

नवी दिल्ली : पैशांच्या बदल्यात संसदेत प्रश्न विचारल्याचा आरोप असलेल्या तृणमूल काँग्रेसच्या खासदार महुआ मोईत्रा यांच्याविरोधात दोषारोपपत्र दाखल करण्याची परवानगी लोकपालांनी केंद्रीय अन्वेषण विभागाला (सीबीआय) दिली होती. याविरोधात केलेल्या अपिलाची दखल घेत दिल्ली उच्च न्यायालयाने लोकपालांचा आदेश रद्द केला आहे. ‘‘लोकपालांनी माझे लेखी म्हणणे न ऐकताच कारवाई करण्यास मंजुरी दिली,’’ असा दावा मोईत्रा यांनी केला होता.

Kannada Partner Ranya Rao : सोन्याच्या तस्करी प्रकरणात कन्नड अभिनेत्री रन्या रावची याचिका फेटाळली

बंगळूर : सुमारे १५ कोटींच्या सोन्याच्या तस्करी प्रकरणात अटक करण्यात आलेल्या कन्नड अभिनेत्री रन्या राव, तसेच सहआरोपी तरुण राज आणि साहिल जैन यांनी बेकायदेशीर अटक केल्याबद्दल (हॅबियस कॉर्पस्) दाखल केलेली याचिका कर्नाटक उच्च न्यायालयाने शुक्रवारी (ता. १९) फेटाळून लावली. परकीय चलन नियंत्रण व तस्करी प्रतिबंधक कायदा-१९७४ (कॉफेपोसा) अंतर्गत झालेली अटक बेकायदेशीर असल्याचे घोषित करावे, अशी मागणी करत अभिनेत्री रन्याची आई हर्षवर्धिनी राव आणि इतर आरोपींच्या वतीने याचिका दाखल केली होती.

Municipal Council Voting : राज्यातील २४ नगरपरिषदांसाठी आज मतदान; कर्मचारी पोहोचले मतदान केंद्रांवर..

मुंबई : राज्यातील २४ नगरपरिषदा आणि नगरपंचायती तसेच १५४ सदस्यपदांसाठी उद्या (ता.२०) मतदान होणार आहे. त्यासाठी निवडणूक यंत्रणा सज्ज झाली असून, कर्मचारी मतदान केंद्रांवर पोहोचले आहेत. निवडणूक निर्णय अधिकाऱ्यांच्या निर्णयाविरुद्ध जिल्हा न्यायालयात अपील करण्यात आल्यामुळे २ डिसेंबरला होणारे मतदान राज्य निवडणूक आयोगाने उद्यापर्यंत (ता. २०) पुढे ढकलले होते. अनगर, जामनेर, आणि दोंडाईचा या नगर पंचायतींच्या अध्यक्ष आणि नगरसेवकांची बिनविरोध निवड झालेली आहे. त्याचप्रमाणे जामनेर नगर परिषदेमध्ये अध्यक्षपदाची निवडणूक बिनविरोध झाली असून, काही सदस्यपदांसाठी उद्या (ता. २०) निवडणूक होणार आहे.

Ichalkaranji Municipal Corporation Elections : इचलकरंजीत भाजप आणखी धक्का देण्याच्या तयारीत, घडामोडींना आला वेग

इचलकरंजी : महापालिका निवडणुकीच्या पार्श्वभूमीवर विरोधी आघाडीला आणखी एक धक्का देण्याच्या तयारीत भाजप आहे. पुढील दोन दिवसांत आणखी एका मोठ्या घडामोडीचे संकेत मिळत आहेत. त्यामुळे विरोधी आघाडीत अस्वस्थता निर्माण झाली आहे. पुढील काळात त्यांच्यासमोर आघाडी भक्कम ठेवण्याचे आव्हान असणार आहे.

Adv. Manikrao Kokate : माजी मंत्री अॅड. माणिकराव कोकाटे यांना उच्च न्यायालयाकडून मोठा दिलासा

Latest Marathi Live Updates 20 December 2025 : राज्यातील २४ नगरपरिषदा आणि नगरपंचायती तसेच १५४ सदस्यपदांसाठी आज (ता.२०) मतदान होणार आहे. त्यासाठी निवडणूक यंत्रणा सज्ज झाली असून, कर्मचारी मतदान केंद्रांवर पोहोचले आहेत. तसेच बनावट दस्तऐवज आणि फसवणूकप्रकरणी राष्ट्रवादी काँग्रेसचे (अजित पवार) नेते आणि माजी मंत्री अॅड. माणिकराव कोकाटे यांना शुक्रवारी उच्च न्यायालयाने दिलासा दिला. नाशिक सत्र न्यायालयाच्या दोन वर्षांची शिक्षा कायम ठेवण्याच्या निर्णयाला न्यायालयाने स्थगिती दिली; मात्र त्यांच्या वरील दोष मात्र कायम ठेवण्यात आला आहे. मुली व महिलांच्या लैंगिक शोषण प्रकरणातील आरोपी जेफ्री एप्सस्टीन याच्याकडील ६८ नवीन फोटो समोर आले आहेत. यामुळे जभरात खळबळ माजली आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..