2026-ம் ஆண்டு நடைபெறவுள்ள டி20 உலகக்கோப்பைக்கான இந்திய அணியில், மோசமான ஃபார்மில் இருந்த சுப்மன் கில் நீக்கப்பட்டு, அதிரடி வீரர் இஷான் கிஷன் மீண்டும் சேர்க்கப்பட்டுள்ளார்.

கடந்த 2024-ம் ஆண்டு ரஞ்சிக் கோப்பையில் விளையாடாமல் பார்ட்டியில் ஈடுபட்டதால் பிசிசிஐ-யின் மத்திய ஒப்பந்தத்திலிருந்து இஷான் நீக்கப்பட்டார். ஆனால், அதன்பிறகு புஜ்ஜி பாபு தொடர் முதல் ரஞ்சிக் கோப்பை வரை அனைத்து உள்ளூர் போட்டிகளிலும் விளையாடித் தனது அர்ப்பணிப்பை நிரூபித்தார்.

குறிப்பாக, 2025 சையது முஷ்டாக் அலி கோப்பையில் 517 ரன்கள் குவித்ததுடன், இறுதிப்போட்டியில் சதமடித்து ஜார்க்கண்ட் அணி முதல்முறையாகக் கோப்பையை வெல்லவும் முக்கியக் காரணமாக அமைந்தார்.

இஷான் கிஷனின் இந்த அபாரமான கம்பேக் குறித்துப் பேசியுள்ள இந்திய வீரர் ரவிச்சந்திரன் அஸ்வின், “வாழ்க்கை ஒரு வட்டம்; கிரிக்கெட்டுக்குத் தகுதியான மரியாதையைத் தற்போது இஷான் கொடுத்திருப்பதால்தான் அவருக்கு மீண்டும் வாய்ப்பு கிடைத்துள்ளது” என்று பாராட்டியுள்ளார்.

கில் போன்ற வீரர்களுக்குத் துணை கேப்டன் பொறுப்பு வழங்கியும் அவர்கள் ரன் குவிக்கத் தவறிய நிலையில், உள்ளூர் கிரிக்கெட்டில் கடினமாக உழைத்த இஷான் கிஷனுக்குக் கிடைத்த இந்த வெற்றி, மற்ற வீரர்களுக்கும் ஒரு பாடமாக இருக்கும் என்று அஸ்வின் குறிப்பிட்டுள்ளார். தகுதியான நேரத்தில் இஷானுக்குக் கிரிக்கெட் தகுதியான பரிசை வழங்கியுள்ளதாக அவர் தனது யூடியூப் சேனலில் தெரிவித்துள்ளார்.