जागतिक स्तरावर प्रसिद्ध असलेल्या शिर्डीच्या श्री साईबाबांच्या दरबारात दररोज हजारो भक्त नतमस्तक होतात. सामान्यांपासून ते बड्या उद्योजकांपर्यंत सर्वांचीच साईचरणी अढळ श्रद्धा आहे. याच श्रद्धेतून टाटा मोटर्सच्या पुणे रिजनमधील अधिकृत डिलर्सनी एक कौतुकास्पद पाऊल उचलले आहे.
टाटा मोटर्सची बहुप्रतिक्षित टाटा सिएरा ही कार बाजारपेठेत विक्रीसाठी उपलब्ध होण्यापूर्वीच तिचे पहिले युनिट साईबाबा संस्थानला देणगी स्वरूपात अर्पण करण्यात आले आहे.



यावेळी बोलताना गाडीलकर म्हणाले की, टाटा मोटर्सने नेहमीच सामाजिक बांधिलकी जपली आहे. ही नवीन कार संस्थानच्या दैनंदिन प्रशासकीय कामकाजासाठी, पाहुण्यांच्या सुविधेसाठी आणि सेवाभावी प्रकल्पांच्या अंमलबजावणीसाठी अत्यंत उपयुक्त ठरेल. तर टाटा मोटर्सच्या प्रतिनिधींनी साईबाबांच्या आशीर्वादाने आमच्या नवीन प्रवासाची सुरुवात व्हावी, या हेतूने आम्ही हे वाहन अर्पण केले आहे, अशा भावना व्यक्त केल्या.