पुणे: राज्याचे उपमुख्यमंत्री आणि पुणे जिल्ह्याचे पालकमंत्री अजित पवार (Ajit Pawar Plane Crash) यांचं विमान अपघातामध्ये निधन झालं. 28 जानेवारीला अजित पवार खाजगी विमानाने सकाळी मुंबईहून बारामतीकडे रवाना झाले होते. यावेळी बारामती विमानतळावर विमान लँडिंग दरम्यान सकाळी 8.46 वाजता विमानाचा अपघात होऊन मोठा स्फोट झाला होता. यामध्ये अजित पवारांसह 5 जणांचा मृत्यू झाला. अजित पवारांच्या अकाली मृत्यूमुळे राज्याच्या सर्वच स्तरात दुःखाची लाट उसळली. (Ajit Pawar Death) अजितदादांचे चाहते, समर्थक, सर्वपक्षीय नेते यांच्या उपस्थितीत 29 जानेवारीला अजित पवारांवर बारामतीच्या विद्या प्रतिष्ठानच्या मैदानात अंत्यसंस्कार करण्यात आले. मात्र अजित पवार यांच्या निधनाला अद्याप दहा दिवसही पूर्ण झाले नसताना पुणे महानगरपालिकेने (Pune Municipal Corporation) एक अजब निर्णय घेतल्याचं समोर आलं होतं. (Pune Municipal Corporation) पुणे महापालिकेचा वर्धापन दिनानिमित्त आयोजित कार्यक्रम रद्द करण्यात आला होता. आता सर्व स्तारातून झालेल्या टीकेनंतर हा कार्यक्रम रद्द झाल्याची माहिती समोर आली आहे.
दिवंगत उपमुख्यमंत्री अजित पवार यांच्या निधनानंतर वर्धापन दिनाच्या निमित्ताने आयोजित करण्यात आलेल्या कार्यक्रमामुळे महापालिका प्रशासनावर टीका होत होती. केंद्रीय मंत्री मुरलीधर मोहोळ यांनी वर्धापन दिनाचे कार्यक्रम रद्द करण्याची सूचना केली होती. त्यानंतर वर्धापन दिनाचा कार्यक्रम रद्द करण्यात आला असल्याची माहिती समोर आली होती.
पुणे महानगरपालिकेच्या अधिकाऱ्यांकडून नाच-गाण्याच्या कार्यक्रमांचे आयोजन करण्यात आले होते. 15 तारखेला महापालिकेच्या वर्धापन दिनानिमित्त विविध सांस्कृतिक कार्यक्रम आयोजित करण्याचा निर्णय घेण्यात आला होता. शोककाळ सुरू असताना अशा स्वरूपाच्या कार्यक्रमांचे आयोजन करणं कितपत योग्य आहे, असा सवाल आता उपस्थित केला जात होता. त्यामुळे पुणे महानगरपालिकेच्या निर्णयाची सध्या चांगलीच चर्चा रंगली होती. हा कार्यक्रम केंद्रीय मंत्री मुरलीधर मोहोळ यांनी रद्द करण्याची सूचना केली होती. त्यानंतर हा कार्यक्रम रद्द करण्यात आल्याची माहिती आहे.
कामगार कल्याण विभाग,
पुणे महानगरपालिका.
जावक क्र. एलओ / 8006 दिनांक : 03/02) 202E
विषय - दिनांक 15 फेब्रुवारी, 2026 पुणे महानगरपालिका वर्धापन दिन पुणे महानगरपालिका सांस्कृतिक कलामंचातर्फे आयोजित कार्यक्रम
पुणे महानगरपालिका सांस्कृतिक कलामंचातर्फे दि.15 फेब्रुवारी, 2026 पुणे महानगरपालिका वर्धापन दिनानिमित्त अधिकारी/सेवकांच्या कलागुणांना वाव मिळावा म्हणून विविध सांस्कृतिक कार्यक्रमांचे आयोजन करण्यात येत आहे. यामध्ये नृत्य (वैयक्तिक व समुहनृत्य), नाटक, ऑर्केस्ट्रा (हिंदी व मराठी गितांचा कार्यक्रम), वादन, वैयक्तिक कलागुण व छायाचित्र / हस्तचित्र/ कलाकृती प्रदर्शन इत्यादी कार्यक्रम आयोजित करण्यात आले आहेत. तरी, ज्या अधिकारी/सेवकांना वर नमूद केलेल्या सांस्कृतिक कार्यक्रमांमध्ये सहभाग घ्यावयाचा असेल त्यांनी दिनांक 10/02/2026, सायंकाळी 5 वाजेपर्यंत आपली नावे कामगार कल्याण विभागाकडे खालील तक्त्यामध्ये पाठवावित. मुदतीनंतर प्राप्त झालेल्या अर्जाचा विचार केला जाणार नाही.
