Parbhani Zilla Parishad Election Result 2026 : राज्यभरातील 12 जिल्हा परिषद (Zilla Parishad Election 2026) आणि 125 पंचायत समिती निवडणुकांचा (Panchayat Samiti Election 2026) निकालांचे कल यायला सुरुवात झाली आहे. एकीकडे राज्यातील घसरत चाललेल्या टक्केवारीबद्दल चिंता व्यक्त केली जात होती, मात्र जिल्हा परिषद निवडणुकांसाठी खेड्यापाड्यातील वयोवृद्धांपासून अगदी तरुणाईपर्यंत सर्वचजणांनी मतदानाला दिलेल्या सकारात्मक प्रतिसादामुळे आश्वासक चित्र पाहायला मिळालंय. तर दुसरीकडे राज्यात परभणी जिल्ह्यात सर्वाधिक मतदान म्हणजेच 74.89 टक्के मतदान झालं आहे. परिणामी वाढलेल्या टक्केवारीने राजकीय समीकरणे ढवळणार अशी शक्यता आहे.

दरम्यान, परभणी जिल्हा परिषदेच्या 54 गट व पंचायत समितीच्या 108 गणांसाठी शनिवारी जिल्ह्यातील 1, 278 मतदान केंद्रांवर शांततेत मतदान पार पडले. जिल्हा प्रशासनाने जाहीर केलेल्या अंतिम आकडेवारीनुसार जिल्ह्यात एकूण 74.89 टक्के मतदान झाले असून, ही टक्केवारी गत निवडणुकीपेक्षा अधिक आहे. त्यामुळे मिनी मंत्रालय म्हणून जिल्हा ओळखल्या परिषदेसाठी मतदारांनी उत्स्फूर्त प्रतिसाद दिल्याचे स्पष्ट झाले आहे. अशातच, आता सर्वांचे लक्ष आजच्या (९ फेब्रुवारी) मतमोजणी आणि अंतिम निकालाकडे लागले आहे. मिनी मंत्रालयची सूत्रे नेमकी कोणाच्या हाती जाणार, याचा फैसला आजच्या दिवशी होणार आहे. त्यामुळे या निकालाचे सर्व अपडेट्स आपण जाणून घेऊ.

Parbhani ZP Election Result 2026: राज्यात सर्वाधिक मतदान परभणी जिल्ह्यात

परभणी जिल्हा परिषद निवडणुकीसाठी मतदान प्रक्रिया पार पडली आहे. परभणी जिल्हा परिषदेच्या 54 गट व पंचायत समितीच्या 108 गणांसाठी शनिवारी जिल्ह्यातील 1,278 मतदान केंद्रांवर शांततेत मतदान पार पडले. जिल्हा प्रशासनाने जाहीर केलेल्या अंतिम आकडेवारीनुसार जिल्ह्यात एकूण 74.89 टक्के मतदान झाले असून, ही टक्केवारी गत निवडणुकीपेक्षा अधिक आहे. त्यामुळे मिनी मंत्रालय म्हणून जिल्हा ओळखल्या परिषदेसाठी मतदारांनी उत्स्फूर्त प्रतिसाद दिल्याचे स्पष्ट झाले आहे. परभणी जिल्ह्यात एकूण 74.89 % एवढे मतदान झाले आहे.आता प्रशासन मतमोजणीच्या तयारीला लागले आहे.निवडणूक निर्णय अधिकारी व पोलीस अधिकारी यांच्याकडून परभणी तील मतमोजणी केंद्रांचा आढावा घेतला जात आहे.परभणी जिल्ह्यात 9 ठिकाणी मतमोजणी प्रक्रिया पार पडणार आहे. परभणीच्या गंगाखेड उपविभागीय अधिकारी कार्यालयात इथली मतमोजणी पार पडणार आहे त्याआधी प्रशासनाकडून त्याची तयारी केली जात आहे.

Parbhani Election Result : तालुकानिहाय मतदान

परभणी तालुका ८०.२७ टक्क्यांसह अव्वल ठरला. त्याखालोखाल पाथरी ७५.५९, पूर्णा ७५.२५, पालम ७४.७४, मानवत ७४.०७, जिंतूर ७३.५३, सेलू ७३.४२ व गंगाखेड ७२.८६ अशी टक्केवारी नोंदली गेली. सोनपेठ तालुक्यात सर्वात कमी ६८.६० टक्के मतदान झाले.

परभणी:- ८०.२७ %
पूर्णा:- ७५.२५% 
पालम:-७४.७४%
गंगाखेड:-७२.८६ % 
सोनपेठ:-६८.६०%
मानवत:-७४.०७%
पाथरी:-७५.५९%
 जिंतूर:-७३.५३%
 सेलू:-७३.४२ %