தங்கத்தின் விலை தொடர்ந்து அதிர்ச்சி கொடுத்துவரும் நிலையில், இன்று கணிசமான அளவில் குறைந்துள்ளது. அதன்படி, ஒரு சவரனுக்கு 1,520 ரூபாய் குறைந்துள்ளது. தொடர்ந்து இதே போல் விலை குறைய வேண்டும் என்பதே பொதுமக்கள் எண்ணமாக உள்ளது. தற்போது, தங்கம் மற்றும் வெள்ளியின் இன்றைய விலை நிலவரங்களை பார்க்கலாம்.
தங்கத்தின் விலை கடந்த வார இறுதியில், அதாவது 8-ம் தேதி கிராம் 14,420 ரூபாயாகவும், ஒரு சவரன் 1,15,360 ரூபாயாகவும் இருந்தது. ஆனால், 9-ம் தேதியான திங்கட் கிழமை அதிரடியாக விலை உயர்வை சந்தித்தது. அதன்படி, அன்றைய தினம் ஒரு கிராம் தங்கம் 14,650 ரூபாய்க்கும், ஒரு சவரன் 1,17,200 ரூபாய்க்கும் விற்பனை செய்யப்பட்டது.
இந்நிலையில், 10-ம் தேதி சற்று விலை குறைந்து, ஒரு கிராம் 14,580 ரூபாய்க்கும், ஒரு சவரன் 1,16,640 ரூபாய்க்கும் விற்பனையானது. பின்னர், 11-ம் தேதியான நேற்று மீண்டும் அதிரடியாக விலை உயர்ந்து, ஒரு கிராம் 14,790 ரூபாய்க்கும், ஒரு சவரன் தங்கம் 1,18,320 ரூபாய்க்கும் எகிறிது. இந்நிலையில் தான், இன்று கணிசமாக விலை குறைந்துள்ளது.
தங்கத்தின் விலை இன்று கிராமிற்கு 190 ரூபாய் விலை குறைந்து ஒரு கிராம் 14,600 ரூபாய்க்கு விற்கப்படுகிறது. அதன்படி, சவரனுக்கு 1,520 ரூபாய் குறைந்து, ஒரு சவரன் 1,16,800 ரூபாய்க்கும் விற்பனை செய்யப்படுகிறது.
தங்கத்தின் விலை இதேபோல் தொடர்ந்து குறைந்தால் நன்றாக இருக்கும் என்பதே பொதுமக்களின் விருப்பமாக இருக்கிறது.
இதனிடையே, வெள்ளி விலை இன்று மாற்றமின்றி விற்பனை செய்யப்படுகிறது. கடந்த 8-ம் தேதி வெள்ளியின் விலை 285 ரூபாயாக இருந்தது. தொடர்ந்து, 9-ம் தேதியான திங்கட் கிழமை, கிராமிற்க 15 ரூபாய் விலை உயர்ந்து, ஒரு கிராம் 300 ரூபாய்க்கு விற்கப்பட்டது.
அன்று முதல் இன்று வரை தொடர்ந்து அதே விலையில் நீடித்து வருகிறது. அதன்படி, ஒரு கிராம் 300 ரூபாய்க்கும், ஒரு கிலோ பார் வெள்ளி 3 லட்சம் ரூபாய்க்கும் விற்பனை செய்யப்படுகிறது.
வெள்ளியின் விலை இந்த மாதத்தின் தொடக்கத்தில் இருந்தே சிறிய மாற்றங்களுடன் கிட்டத்தட்ட இதே விலையில் நீடித்து வருகிறது. ஆனால், வெள்ளியின் விலை குறைந்தால் நன்றாக இருக்கும் என்பதே பொதுமக்களின் எதிர்பார்ப்பாக உள்ளது.
