Ali Khamenei Death: इराणचे सर्वोच्च नेते अयातुल्ला अली खामेनी (Ali Khamenei Death) यांच्या मृत्यूची आता अधिकृत पुष्टी झाल्याचे वृत्त आहे. सरकारी ‘प्रेस टीव्ही’ आणि इतर माध्यमांच्या अहवालांनुसार, अमेरिका आणि इस्त्रायलच्या संयुक्त हवाई हल्ल्यात खामेनी ठार झाल्याचे सांगितले जात आहे. ही बातमी समोर येताच इराणसह जगभरात खळबळ उडाली आहे. रिपोर्टनुसार, हा हल्ला त्या वेळी झाला जेव्हा 86 वर्षीय खामेनी एका गुप्त आणि सुरक्षित ठिकाणी बैठक घेत होते. ते त्यांच्या दोन अत्यंत विश्वासू सहकाऱ्यांसोबत महत्त्वाच्या चर्चेत सहभागी झाले होते, अशी माहिती समोर येत आहे.
सूत्रांच्या माहितीनुसार, खामेनी हे सुरक्षा परिषदेचे सल्लागार अली शमखानी आणि इस्लामिक रिव्होल्यूशनरी गार्ड कॉर्प्स (IRGC) प्रमुख मोहम्मद पाकपूर यांच्यासोबत बैठक घेत होते. ‘खलीज टाइम्स’च्या अहवालानुसार, गुप्तचर यंत्रणा बराच काळ अली शमखानी यांच्यावर नजर ठेवून होत्या.अली शमखानी हे खामेंनींना भेटण्यासाठी त्या सुरक्षित ठिकाणी पोहोचले, त्याच वेळी संयुक्त हवाई हल्ला करण्यात आला. हा हल्ला अत्यंत अचूक आणि वेगवान होता, तसेच ज्या ठिकाणी बैठक सुरू होती, नेमके त्याच ठिकाणाला लक्ष्य करण्यात आल्याचे सांगितले जात आहे.
सरकारी माध्यमांच्या अहवालांनुसार, ही एक संयुक्त लष्करी कारवाई होती, ज्यामध्ये अमेरिका आणि इस्रायल दोन्ही सहभागी होते. या ऑपरेशनचे धक्कादायक फोटो देखील आता समोर आले आहेत. हल्ल्यानंतर त्या ठिकाणाला पूर्णपणे सील करण्यात आले. बचाव आणि तपास पथके त्वरित घटनास्थळी पोहोचली. यानंतर अयातुल्ला अली खामेनी यांचा मृत्यू झाल्याचे असे स्पष्ट करण्यात आले.
खामेनी यांच्या मृत्यूची पुष्टी झाल्यानंतर इराणमध्ये सुरक्षा कडक करण्यात आली आहे. अनेक सरकारी इमारती आणि लष्करी ठिकाणी अलर्ट जारी केला गेला आहे. संपूर्ण देशभर शोकाची लाट पसरली आहे. उच्चस्तरीय बैठका सुरू असून, पुढील राजकीय प्रक्रियेबाबत चर्चा सुरू आहे.
अयातुल्ला अली खामेनेई 1989 पासून इराणचे सर्वोच्च नेते होते. त्यांच्या हाती सैन्याची कमान, उच्चस्तरीय अधिकाऱ्यांची नेमणूक आणि महत्त्वाच्या निर्णयांचा अंतिम अधिकार होता. त्यांच्या मृत्यूमुळे इराणच्या राजकारणावर आणि प्रादेशिक परिस्थितीवर मोठा परिणाम होण्याची शक्यता आहे. येत्या काळात देशातील सत्ता आणि नेतृत्वाशी संबंधित महत्त्वाचे निर्णय घेण्यात येऊ शकतात.
आणखी वाचा
