நம் உடல் சீராக இயங்குவதற்கான அடித்தள சக்திகளில் ஒன்று நார்ச்சத்து. தினசரி உணவில் நார் போதுமான அளவில் இருந்தாலே செரிமானம் முதல் இதய நலம் வரை பல அமைப்புகள் புத்துணர்ச்சியுடன் செயல்படும். இயற்கை உணவுகளில் கிடைக்கும் பல்வேறு நார்ச்சத்து வகைகள், உடலை உள்ளிருந்து சுத்தப்படுத்தி ஆரோக்கியத்தை பாதுகாக்கும் காவலராக திகழ்கின்றன.
பொதுவாக நார் இரண்டு வகைகள் கொண்டது, கரையக்கூடிய நார் மற்றும் கரையாத நார். இந்த இரண்டிலும் பல முக்கிய ஊட்டச்சத்துகள் அடங்கியுள்ளன. அவை வயிற்றில் செரியாமல் நேரடியாக பெருங்குடலுக்குச் சென்று, குடலை சுத்தமாகவும் செயல்பாடுடன் இருக்கவும் உதவுகின்றன.
இதன் மூலம் பக்கவாதம், நீரிழிவு, இதய நோய் போன்ற ஆபத்தான நோய்களின் அபாயம் குறைகிறது. கூடுதலாக, தோல் நலம் மேம்படவும் உடல் எடை கட்டுப்பாட்டில் இருக்கவும் உதவுகின்றன.
கரையக்கூடிய நார்ச்சத்து நீரில் கரைந்து ஜெல் போன்ற அமைப்பாக மாறி, உடலில் இருக்கும் தீய கொழுப்பை குறைக்க உதவுகிறது. மறுபுறம், கரையாத நார்ச்சத்து குடலின் இயக்கத்தை வேகப்படுத்தி மலச்சிக்கலைத் தடுக்கிறது.
குடலில் நீரை இழுத்து செரிமானத்தை எளிதாக்குவதால், கழிவுகள் சுலபமாக வெளியேறி குடல் சுத்தமாக இருக்கும்.மேலும், நார்ச்சத்து நிறைந்த உணவுகள் ரத்தத்தில் சர்க்கரை அளவை மெதுவாக உயரச் செய்கின்றன. இது நீரிழிவு நோயாளிகளுக்கு மிகவும் பயனுள்ளதாக அமைகிறது.
கொழுப்புச் சத்தை குறைப்பதன் மூலம் இதய நோய் அபாயத்தையும் தடுக்கிறது. சில மருத்துவ ஆய்வுகளின்படி, நார்ச்சத்து அதிகம் உள்ள உணவுகள் குடல் புற்றுநோயைத் தடுப்பதிலும் முக்கிய பங்கு வகிக்கின்றன என்று நிபுணர்கள் வலியுறுத்துகின்றனர்.
எளிய வார்த்தையில் சொன்னால், தினமும் நார்ச்சத்து நிறைந்த உணவுகளை சேர்த்துக் கொண்டால், உடல் உள்ளிருந்து சுத்தமாகி ஆரோக்கியம் தானாகவே மலரும்.
