Sonali Khare: मराठी अभिनेत्री सोनाली खरे हिने अनेक चित्रपट आणि मालिकांमधून प्रेक्षकांचे मनोरंजन केले आहे. ती आता स्टार प्रवाह वाहिनीवरील 'नशीबवान' या मालिकेतून प्रेक्षकांच्या भेटीला येत आहे. सोनालीच्या कामाबद्दल जशी चर्चा होते तशीच तिच्या वैयक्तिक आयुष्यामुळेही ती कायम चर्चेत असते. सोनालीचा नवरा पंजाबी आहे. अनेकदा अशी चर्चा होते की सोनाली आणि तिचा नवरा बिजय आनंद या दोघांच्या वयात तब्बल 27 वर्षांचा अंतर आहे. काही वर्षांपूर्वी अशा चुकीच्या पोस्ट सोशल मीडियावरही व्हायरल झाल्या होत्या. पण अलीकडेच दिलेल्या एका मुलाखतीत सोनाली खरेने या सगळ्या पोस्ट चुकीच्या असल्याचे सांगत तिचं आणि बिजयच्या वयातील खरंतर सांगितलं आहे. दोघांच्या लव स्टोरीबद्दलही ती बोलली आहे. (Sonali Khare Bijay Anand)
कॉकटेल स्टुडिओला दिलेल्या मुलाखतीत सोनालीने तिच्या आणि बिजयच्या वयासह त्या दोघांच्या नात्यावरही सांगितलंय. ती म्हणाली " खरंतर मी माझ्या नवऱ्याला भेटले एका शूटिंगमुळेच. त्याने एक्टिंग सोडली होती.नंतर त्याने बरेच मॉडेलिंगचे प्रोजेक्ट केले होते. काही सिरीयल केल्या होत्या. तो त्याच्या बिझनेसमध्येच अधिक रमला. अरे माझं माझं एकीकडे चाललेलेच होतं. आपण म्हणतो ना की कोणीतरी जेव्हा भेटणार हे लिहिलेलं असतं तेव्हा ते भेटतातच. तसंच आमचंही झालं. विजयच्या एका मित्राने त्याला विचारलं होतं की ,' एक शूट आहे. छोटी स्टोरी आहे. तू काम करशील का?' त्यावर बिजय 'नाही आता मी काम करत नाही. मी काम सोडलं' असं म्हणालेला. त्याच्या मित्राने टाईमपास म्हणून कर असं म्हणल्यानंतर तो तयार झाला. तेव्हा माझं एक शूट कॅन्सल झालं होतं . आणि मला रात्री फोन आला की 'आमच्या प्रोजेक्ट मधील मुख्य काम करणारी अभिनेत्री सध्या काम करू शकत नाही तर तू करशील का ?' मी हो म्हणाले आणि गेले.
"जून जुलै मधला पाऊस होता. खूप पाऊस पडत होता. माझ्या आई माझ्यासोबत होती. मी टाईप करत मढला पोहोचलो. आधी तो फार गर्व करणारा वाटला होता. पण नंतर आमच्या चांगली मैत्री झाली. नंतर मला कळालं की तो खूप फन आणि प्रेमळ आहे. पण त्याच्या एकूण पर्सनॅलिटी वरून तो खडूस वाटायचा. आम्ही भेटायला लागलो. चार दिवसाचा सूट पावसामुळे पंधरा दिवस लांबलं. आम्ही भेटत राहिलो. अडीच वर्ष मी त्याला भेटत होते. माझी आई शेवटी म्हणाली की एक तर लग्न कर किंवा ब्रेकअप कर. आम्ही एकमेकांबद्दल खूप सिरीयस होतो. त्याने मला प्रपोज केलं. आणि आम्ही लग्न केलं. " असं सोनाली म्हणाली.
" आम्ही सगळा विचार करून निर्णय घेतला होता. तो पंजाबी मी मराठी. आमच्यात आठ वर्षांचं अंतर . काही वर्षांपूर्वी सोशल मीडियावर मला अनेक लोकांनी छळलं होतं. सोनाली खरे आणि बिजय यांच्यात 27 वर्षांचा अंतर वगैरे. माझं असं झालं होतं की माझा जन्मही झाला नव्हता म्हणजे! जरा तरी विचार करा. एकाने टाकल्यानंतर सगळ्यांनीच पोस्ट केल्या. त्यामुळे मला अजून एक प्लॅटफॉर्म मिळाला आहे हे सांगायला की आमच्यात आठ वर्षांचं अंतर आहे . " असं सोनाली म्हणाली.
