Badshah Wedding: प्रसिद्ध रॅपर आणि गायक बादशाह त्याच्या गाण्यामुळे नेहमी चर्चेत असतो पण आता बादशाह आपल्या वैयक्तिक आयुष्यामुळे चर्चेत आला आहे. सोशल मीडियावर सध्या त्याचे आणि अभिनेत्री ईशा रिखीचे काही फोटो आणि व्हिडिओ वेगाने व्हायरल होत असून, या दोघांनी गुपचूप लग्न केल्याची चर्चा रंगली आहे. या फोटोंमुळे चाहत्यांमध्ये मोठी उत्सुकता निर्माण झाली आहे.

व्हायरल आलेल्या फोटोंमध्ये बादशाह आणि ईशा पारंपरिक विवाहच्य पोशाखात दिसत आहेत. ईशाने लाल रंगाच्या सलवार सूट परिधान केला आहे. या लूकमध्ये ती अतिशय सुंदर दिसत असून, बादशाहने हिरव्या रंगाचा कुर्ता परिधान केला आहे. दोघांनी गळ्यात वरमाला घातलेली असून दोघेही लग्न विधी करताना दिसत आहेत.

विशेष म्हणजे, हे फोटो बादशाह किंवा ईशा यांच्या सोशल मीडिया अकाउंटवरून शेअर केले नाहीत. तर, ईशाची आई आणि बादशाहची सासू पूनम रिखी यांनी आपल्या इन्स्टाग्रामवर हे फोटो शेअर केल्याचे समोर आले आहे. त्यांनी या जोडप्याला आशीर्वाद देत “देव तुम्हाला सुखी ठेवो” असे कॅप्शनमध्ये लिहिले आहे.