Dhurandhar 2 vs Tumbbad 2: सध्या बॉक्स ऑफिसवर (Dhurandhar 2 Box Office Collection) 'धुरंधर : द रिवेंज' धुमाकूळ घालतोय. आदित्य धर (Aditya Dhar) दिग्दर्शित आणि रणवीर सिंह (Ranveer Singh) स्टारर असलेला हा सिनेमा 'धुरंधर 2' (Dhurandhar 2) धुवांधार कमाई करतोय. आता सध्या तरी 'धुरंधर'नं बॉक्स ऑफिसवर आपला चांगलाच जम बवसला आहे. बॉक्स ऑफिसवरची 'धुरंधर'ची घौडदौड पाहून भल्याभल्या दिग्गजांची झोप उडाली आहे. पण, एक सिनेमात 'धुरंधर 2'चं वादळ क्षमवण्याची ताकद आहे, अशी चर्चा सध्या सुरू आहे. खरं तर हा सिनेमा 2018 मध्ये आलेल्या एका सिनेमाच सीक्वेल आहे. ज्याची सारेच आतुरतेनं वाट पाहत आहेत. याच्या पहिल्या पार्टनं बॉक्स ऑफिसवर चांगलाच जम बसवलेला आणि जोरदार कमाईही केली होती. आजही या सिनेमाचं अनेकजण कौतुक करतात.
2018 मध्ये रिलीज झालेल्या 'तुंबाड' (Tumbbad) सिनेमानं हॉरर सिनेमा वर्ल्डमध्ये स्वतःचं एक अद्वितीय स्थान निर्माण केलं आहे. या सिनेमाची प्रेरणा एका मराठी लोककथेतून घेण्यात आली होती. त्याची वैशिष्ट्यपूर्ण कथा आणि सिनेमा पाहण्याचा अनुभव यामुळे हा सिनेमा प्रेक्षकांसाठी अविस्मरणीय ठरला. आता, सिनेमाचा निर्माता सोहम शाहनं या सिनेमाच्या सीक्वेलची म्हणजेच, 'तुंबाड 2' (Tumbbad 2) ची घोषणा केल्यापासून, या प्रकल्पाविषयी प्रेक्षकांमध्ये असलेली उत्सुकता आणखीच वाढली आहे.
'तुंबाड 2'च्या अधिकृत घोषणेनंतर, आता सिनेमाच्या निर्मितीचं काम सुरू होण्याच्या मार्गावर आहे. या प्रकल्पाशी संबंधित एका सूत्रांनी दिलेल्या माहितीनुसार, या सीक्वेलचं शुटिंग अत्यंत भव्य प्रमाणावर केलं जातंय. या सिनेमाचं शुटिंग 200 हून अधिक दिवस चालण्याची अपेक्षा आहे. केवळ ही एकच बाब या निर्मितीच्या प्रचंड व्याप्तीवर प्रकाश टाकते. सिनेमाच्या भव्यतेचा विचार करता, प्रेक्षकांमध्ये प्रचंड उत्साह असणं अगदी स्वाभाविक आहे.
View this post on Instagram
सूत्रांकडून मिळालेल्या माहितीनुसार, या सिनेमासाठी सध्या मुंबईमध्ये 7 ते 8 एकर जागेवर पसरलेला एक प्रचंड मोठा सेट उभारला जात आहे. एखाद्या संपूर्ण शहरासारखा दिसेल, अशा प्रकारे रचलेला हा सेट, शुटिंगच्या सुरुवातीच्या टप्प्यासाठी मुख्य पार्श्वभूमी म्हणून काम करेल आणि प्रेक्षकांना एक खरोखरंच भव्य असा सिनेमॅटिक अनुभव देण्याचं वचन देतो. या सिनेमात सोहम शाह पुन्हा एकदा मुख्य भूमिका साकारताना दिसणार आहे, तर त्याच्या सोबतीनं नवाजुद्दीन सिद्दीकी देखील पडद्यावर झळकणार आहे.
'सोहम शाह फिल्म्स' आणि 'पेन स्टुडिओज' यांच्या बॅनरखाली निर्मिती होणारा हा सिनेमा, या वर्षाच्या उत्तरार्धात शुटिंगसाठी फ्लोरवर जाणार आहे. 'पेन स्टुडिओज' हे 'आरआरआर' (RRR) आणि 'गंगूबाई काठियावाडी' यांसारख्या ब्लॉकबस्टर सिनेमांसाठी विशेष ओळखलं जातात. या निर्मितीसंस्थांच्या सिनेमांचा दर्जा पाहता, आता 'तुंबाड 2' (Tumbbad 2) बद्दलही मोठी चर्चा सुरू झाली आहे. हा सिनेमा प्रेक्षकांसाठी खरोखरंच अद्वितीय असा सिनेमॅटिक अनुभव देईल, अशा चर्चा रंगल्या आहेत. त्यामुळे रिलीजच्या काहीच दिवसांत एक हजार कोटींच्या पार कमाई केलेल्या 'धुरंधर 2'चं वादळ क्षमवण्याची क्षमता याच सिनेमात आहे, असं बोललं जातंय.
