आजकाल स्किन केअर करताना अनेकजण घरगुती उपाय करण्याला प्राधान्य देत आहेत. यापैकी एक म्हणजे चेहऱ्यावर बटाट्याचा रस लावणे. बटाट्याच्या रसाने त्वचेचा काळपटपणा दूर होण्यास मदत होते. तज्ञांच्या मते, एकदा का त्वचेचा टॅनिंग आले की, ते वेळेवर कमी न केल्यास त्वचा अजून टॅन झालेली दिसते. कारण उन्हाळ्यात तीव्र सूर्यप्रकाश, उष्णता आणि गरम तापमानाच्या लाटांमुळे त्वचेवर धूळ आणि घाण जमा होते. यामुळे काळपटपणाव्यतिरिक्त, त्वचेवर डाग पडण्याचा धोकाही वाढतो. ही घाण त्वचेच्या छिद्रांमध्ये जमा होते, ज्यामुळे मुरुमे किंवा पुरळ येऊ शकतात. या नंतर या पुरळ आणि मुरुमांचे हळूहळू डागांमध्ये रूपांतर होते.

बाजारात स्किन केअर प्रोडक्ट उपलब्ध असली तरी, आजकाल लोकं घरगुती उपायांकडेही वळत आहेत. या घरगुती उपायांपैकी एक म्हणजे चेहऱ्यावर बटाट्याचा रस लावणे. तर आजच्या लेखात आपण चेहऱ्यावर बटाट्याच्या रसाचा वापर करण्याचे फायदे त्यासोबतच कोणी याचा वापर टाळावा हे देखील जाणून घ्या.

त्वचेचा रंग सुधारते – सुमारे 100 ग्रॅम बटाट्यामध्ये 13 मिग्रॅ व्हिटॅमिन सी असते. त्यामुळे हा रस त्वचेवर लावल्याने त्वचेचा रंग सुधारू शकतो. शिवाय त्वचेवरील काळे डाग देखील कमी करते. बटाट्यामध्ये असे एन्झाइम्स देखील असतात जे त्वचेचा रंग उजळण्यास मदत करतात.

तेल नियंत्रण – बटाट्याच्या रसामध्ये स्टार्च असतो, जो त्वचेवरील अतिरिक्त तेल नियंत्रित करतो असे मानले जाते. तज्ञांच्या सल्ल्यानुसार तेलकट त्वचा असलेल्यांनी त्यांच्या स्किन केअरच्या रूटिंनमध्ये बटाट्याच्या रसाचा वापर करण्याचा विचार करावा.

वृद्धत्वविरोधी परिणाम – बटाट्याच्या रसामध्ये अनेक अँटीऑक्सिडंट्स असतात जे त्वचेला फ्री रॅडिकल्सपासून वाचवतात. असेही म्हटले जाते की यामुळे अकाली वृद्धत्व कमी होते. बटाट्याचा रस अकाली सुरकुत्या कमी करण्यास देखील मदत करू शकतो.

त्वचेला आर्द्रता देण्यास मदत करते – तज्ञांच्या मते, यामुळे त्वचेला नैसर्गिकरित्या ओलावा मिळण्यास मदत होते. उन्हाळ्यात त्वचेला आर्द्रता देण्यासाठी आठवड्यातून दोन ते तीन वेळा त्वचेला बटाट्याचा रस लावणे उत्तम ठरते.

संवेदनशील त्वचा असलेल्यांनी – ज्यांची त्वचा आधीपासूनच संवेदनशील आहे, त्यांनी बटाट्याचा रस लावणे टाळावे. असे मानले जाते की त्यातील स्टार्चमुळे या प्रकारच्या त्वचेवर खाज किंवा जळजळ होऊ शकते.

खाज किंवा जळजळ: जर एखाद्या व्यक्तीच्या त्वचेला आधीच खाज येत असेल किंवा जळजळ होत असेल, तर बटाट्याचा रस लावू नये. यामुळे त्रास वाढू शकतो.

हिरवे बटाटे – जर बटाटा हिरवा दिसत असेल, तर त्याचा रस चेहऱ्यावर लावणे टाळा. अशा बटाट्यांमध्ये सोलानिन नावाचे एक विषारी संयुग असते.

(डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)