चेन्नई सुपर किंग्स आयपीएलच्या 19 व्या मोसमातील आपल्या पहिल्याच आणि स्पर्धेतील एकूण तिसऱ्या सामन्यात ढेर झाली आहे. सीएसकेला राजस्थान विरुद्ध पूर्ण 20 ओव्हरही खेळता आलं नाही. राजस्थानच्या गोलंदाजांसमोर सीएसकेच्या फक्त तिघांनाचा दुहेरी आकडा गाठता आला. त्यातही जेमी ओव्हरटन या एकट्या फलंदाजाने 20 पार मजल मारली. त्यामुळे सीएसकेला राजस्थानसमोर सन्मानजनक आव्हान ठेवता आलं. राजस्थानने सीएसकेला 2 बॉलआधी ऑलआऊट केलं. जेमी ओव्हरटन याच्या खेळीच्या जोरावर सीएसकेला 19.4 ओव्हरमध्ये 127 धावांपर्यंत मजल मारता आली. त्यामुळे आता राजस्थानचे फलंदाज घरच्या मैदानात 128 धावांचं आव्हान किती षटकांत पूर्ण करण्यात यशस्वी ठरतात हे पाहणं महत्त्वाचं ठरणार आहे.