भाजपच्या रविंद्र चव्हाण यांच्याकडून नवी मुंबईत मोठी खेळी

कर्मचारी संघटनेच्या नवी मुंबई विमानतळाच्या व्यवस्थापन समितीच्या कार्यकारिणीची घोषणा

अखिल भारतीय माथाडी संघटनेची कार्यकारिणीचीही घोषणा

अखिल भारतीय कामगार कर्मचारी संघाच्या नवी मुंबई आंतरराष्ट्रीय विमानतळ व्यवस्थापन समितीच्या कार्यकारिणीची भाजप प्रदेशाध्यक्ष रविंद्र चव्हाण यांच्याकडून घोषणा करण्यात आलीये. भाजपने कार्यकारिणीच्या नवनियुक्त पदाधिकाऱ्यांना नियुक्ती पत्र दिले. तसेच नवनियुक्त पदाधिकार्याऱ्यांचे अभिनंदन करत त्यांना शुभेच्छा देण्यात आल्या.

कार्यकारिणीची घोषणा करताना भाजप प्रदेश अतुल काळसेकर, अखिल भारतीय कामगार कर्मचारी संघाचे सुहास माटे , संयुक्त सरचिटणीस रुपेश धुमाळे आदी पदाधिकारी उपस्थित होते. यावेळी अखिल भारतीय माथाडी संघटनेची कार्यकारिणी करण्यात आल्याची माहिती त्यांनी दिली.

रविंद्र चव्हाण काय म्हणाले?

भाजप प्रदेशाध्य रविंद्र चव्हाण म्हणाले की , पंतप्रधान मोदींच्या नेतृत्वामध्ये तळागाळातील प्रत्येक घटकाला न्याय देणे, त्यांच्या समस्या सोडवण्यासाठी मिळून काम करायचं आहे. कोणावरही अन्याय होणार नाही आणि करणार देखील नाही, या भूमिकेतून काम करण्याचा प्रयत्न करण्यात येत आहे'.