पैसे कमवणे तसेच निवृत्तीनंतरचे आयुष्य याबाबतचा विचार मनात येतो, तेव्हा सर्वांनाच पब्लिक प्रोव्हिडेंट फंड म्हणजेच पीपीएफची आठवण होते. ही एक शासकीय योजना आहे. त्यामुळे या योजनेत तुम्ही गुंतवणूक केली तर तुमचे पैसे बुडण्याची भीती नसते.
दरम्यान याच योजनेच्या मदतीने तुमच्या खात्यात कायमस्वरुपी एक कोटी पडून कसे राहू शकतील, हे जाणून घेऊ या. तुमच्या खात्यात तुम्हाला एक कोटी हवे असतील तर 15 + 5 + 5 हा फॉर्म्यूला तुम्हाला पाळावा लागेल. विशेष म्हणजे या सूत्राच्या मदतीने तुम्ही बचत केली तर तुमच्या एकूण फंडावर तुम्हाला व्याजही द्यावे लागणार नाही.
15 + 5 + 5 या फॉर्म्युल्याचा अर्थ आहे पीपीएफमध्ये एकूण 25 वर्षांसाठी गुंतवणूक करायची. तुम्ही प्रत्येक पाच वर्षांनी या योजनेचा गुंतवणूक कालावधी वाढवू शकता. प्रत्येक वर्षाला तुम्ही या योजनेत दीड लाख रुपये गुंतवले तर तुमचा एक कोटी रुपयांचा फंड तयार होऊ शकतो.

(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)