Casting Couch In Industry : इंडस्ट्रीचे अनेक काळे सत्य आतापर्यंत समोर आले आहे. कधी एखाद्या अभिनेत्रीवर बलात्कार, तरी कधी ड्रग्स.. अशा अनेक गोष्टी सर्वत्र चर्चेत असतात… कास्टिंग काऊचबद्दल तर अनेक अभिनेत्रींनी निर्माते आणि दिग्दर्शकांवर गंभीर आरोप केले आहेत. अशात नुकताच झालेल्या एका मुलाखतीत बिग बॉस स्पर्धकाना इंडस्ट्रीची पोलखोल केली आहे. ‘बिग बॉस’ स्पर्धक आणि फॅशन डिझायनर रोहित वर्मा कायम त्याच्या स्पष्ट वक्तव्यामुळे चर्चेत असते. आता देखील त्याने मोठं वक्तव्य केलं आहे. इंडस्ट्री फक्त नावाने बदनाम आहे, येथे कोणी कोणाचा बलात्कार करत नाही… सर्वकाही सहमतीने होतं… एवढंच नाही तर, ज्याच्याकडे कौशल्य आहे, ती व्यक्ती पुढे जातेच… तिला कोणीच आडवू शकत नाही… असं देखील रोहित वर्मा म्हणाला.

सांगायचं झालं तर, झगमगत्या विश्वात कायम दिग्दर्शक आणि निर्मात्यांवर गंभीर आरोप लावले जातात. अनेक अभिनेत्री अशा आहेत की, ज्यांनी कास्टिंग काऊचचा शिकार झाल्याचं सांगितलं आहे. यावर रोहित म्हणाला, ‘या सर्व फक्त पूर्व कल्पीत कथा आहेत… ज्याप्रमाणे कॉपोरेटमध्ये काम होतं, त्याच प्रमाणे फॅशन इंडस्ट्रीमध्ये देखील काम होते. इंडस्ट्रीमध्ये ग्लॅमर अधिक असल्याने, तिच्यावर कायम निशाणा साधण्यात येतो. कॅमरा आमच्यावर कायम असतो. नाहीतर, कास्टिंग काऊट कर कॉपोरेटमध्ये देखील होतं. सर्वच इंडस्ट्रीमध्ये होत असतं.’

रोहित एवढ्यावरच थांबला नाही, तो पुढे म्हणाला, ‘जर तुमच्यामध्ये कौशल्य आहे तर, तुम्हाला कोणीच थांबवू शकत नाही… तुमच्याकडे कौशल्य आणि तुमच्या आईचे आशीर्वाद आहेत, कोणीच तुमचं काहीच वाईट करु शकत नाही. जर तुमचे हेतू स्पष्ट असतील तर, तुमच्या मार्गात कोणीच येऊ शकत नाही.’

‘इंडस्ट्रीमध्ये कोणीत कोणावर दबाव टाकत नाही. माझ्या एका मित्राने देखील माझ्यावर #MeToo चे आरोप केले. कारण बिग बॉसमध्ये जायचं होतं… अशात मी आमचे सर्व चॅट सोशल मीडियावर पोस्ट केले…’ असं देखील रोहित म्हणाला.

इंडस्ट्रीमध्येच ड्रग्सचा वापर अधिक होतो असं सांगितलं जातं. यावर रोहित म्हणाला, ‘या फक्त अफवा आहे… लोक म्हणतात फॅशन इंडस्ट्री ड्रग्सना दुजोरा देत आहे… पण अन्य इंडस्ट्रीमध्ये अशा गोष्टी होत असतात.’ असं देखील रोहित वर्मा म्हणाला.