Pawanraje Nimbalkar Case: राज्याच्या राजकारणात खळबळ उडवणाऱ्या पवनराजे निंबाळकर (PavanRaje Nimbalkar News) यांच्या प्रकरणासंदर्भात एक मोठी बातमी समोर आली आहे. तब्बल 20 वर्षांनंतर आता पवनराजे निंबाळकर यांच्या हत्येसंदर्भात न्यायालय (Court) निकाल देणार आहे. मुंबईतील अतिरिक्त सत्र न्यायाधीश तथा विशेष न्यायाधीश एस आर नावंदर यांच्या कोर्टात हि सुनावणी सुरू आहे. राज्याचे माजी गृहमंत्री तथा माजी खासदार डॉ पद्मसिंह पाटील यांच्यासह नऊ जण यात आरोपी असून या निकालाकडे अवघ्या राज्याचे लक्ष लागले आहे. तब्बल दोन दशकानंतर या प्रकरणीचा निकाल लागण्याची शक्यता असून या निकालात नेमकं काय निर्णय देतं आणि कोण यात दोषी ठरवण्यात येतं याकडे राज्याचे लक्ष लागले आहे.

नेमकं काय आहे प्रकरण? (Pawanraje Nimbalkar Case)

3 जून 2006 रोजी नवी मुंबईतील कळंबोली येथे पवनराजे निंबाळकर आणि त्यांचे वाहन चालक समद काझी या दोघांची गोळ्या झाडून हत्या (Crime) करण्यात आली होती. मुंबईतून उस्मानाबादच्या दिशेने पवनराजे गाडीतून जात असताना दोन अज्ञात व्यक्तींनी त्यांचा पाठलाग करून त्यांच्यावर गोळ्या झाडल्या. या घटनेत पवनराजे आणि त्यांचे वाहन चालक या दोघांचाही मृत्यू झाला. या प्रकरणी राज्याचे माजी गृहमंत्री पद्मसिंह पाटील (Padamsinh Patil) यांच्यावर त्यांचे चुलत भाऊ पवनराजे निंबाळकर यांच्या हत्येचा आरोप आहे. या प्रकरणी सीबीआयने पद्मसिंह पाटील यांना 2009 मध्ये अटक देखील केली होती. अशातच तब्बल दोन दशकानंतर या प्रकरणीचा निकाल अखेर लागण्याची शक्यता असूनमाजी गृहमंत्री पद्मसिंह पाटील हेच या प्रकरणात आरोपी असल्याने या निकालाकडे राज्याचे लक्ष लागले आहे.

Pawanraje Nimbalkar Case: दुहेरी हत्याकांड प्रकरणाचा तब्बल दोन दशकानंतर निकाल लागण्याची शक्यता 

पवनराजे दुहेरी हत्याकांडात पद्मसिंह पाटील यांच्यासह मुंबई येथील नगरसेवक मोहन शुक्ला, उत्तर प्रदेशमधील बसपा नेता कैलास यादव, माजी उत्पादन शुल्क निरीक्षक शशीकांत कुलकर्णी, लातूर येथील सतीश मंदाडे, पारसमल जैन, शूटर दिनेश तिवारी, पिंटू सिंग आणि छोटू पांडे हे संशयित आरोपी असून डॉ. पाटील हे 25 सप्टेंबर 2009 पासून जामिनावर आहेत. पद्मसिंह पाटील आणि त्यांचे चुलतबंधू पवनराजे निंबाळकर यांच्यात कमालीचे राजकीय वैर होते. याच वैर भावनेतून त्यांचा खून झाल्याचे बोलले जाते. डॉ. पद्मसिंह पाटील यांनी 25 लाखांची सुपारी देऊन ही हत्या घडवून आणल्याचा आरोप सीबीआयचा आहे. आधी स्थानिक पोलिसांनी या हत्याकांडाचा तपास केला. मात्र नंतर पवनराजे निंबाळकर यांच्या पत्नीने आक्षेप नोंदवल्यानंतर या संपूर्ण प्रकरणाचा सीबीआयकडे सोपविण्यात आला.

कोण आहेत पद्मसिंह पाटील? (Padamsinh Patil)