RBI e-mandate Rules Auto Debit नवी दिल्ली: तुमच्या खात्यातून तुम्हाला जर कोणतीही माहिती न देता पैसे वजा करण्यात येत असतील तर त्या गोष्टी आता बंद होऊ शकतात. बँक खात्यातून कोणत्याही माहितीशिवाय पैसे वजा होत असल्यासंदर्भात ग्राहक चिंतेत असतात. या गोष्टी रोखण्यासाठी आरबीआयनं नव्यानं ई मँडेट संदर्भातील नियम लागू केले आहेत.
या बदलांमुळं ऑटो डेबिट सिस्टीम पहिल्या पेक्षा अधिक सुरक्षित होईल. या नव्या बदलांचा फायदा ज्यांना होणार आहे ज्यांच्या खात्यातून दरमहा ईएमआय आणि सबस्क्रिप्शन किंवा बिलाचे पैसे ऑटोमेटिक वजा होतात.
1.नव्या नियमांमध्ये सर्वात महत्त्वाचा बदल हा करण्यात आला आहे की ऑटो पेमेंटपूर्वी ग्राहकांना याची माहिती दिली जाईल.
2. बँक किंवा संबंधित कंपनीचं काम 24 तास अगोदर खातेदारांना अलर्ट पाठवणं आवश्यक आहे.
3. अलर्ट मध्ये कंपनीचं नाव, कपात केली जाणारी रक्कम, तारिख आणि इतर आवश्यक माहिती द्यावी लागेल. यामुळं ग्राहकाला अगोदर माहिती होईल की त्याच्या खात्यातून केव्हा आणि किती पैसे वजा होणार आहेत. काही चुकीचं आढळून आल्यास ग्राहक वेळीच ते थांबवू शकतो.
नव्या नियमांनुसार आता कोणतंही ऑटो पेमेंट सुरु करम्यापूर्वी ग्राहकाला नोंदणी करावी लागेल.
ग्राहकांना अतिरिक्त पडताळणी देखील आवश्यक करण्यात आली आहे. म्हणजेच ग्राहकाच्या परवानगीशिवाय कोणतंही ऑटोडेबिट सक्रिय केलं जाणार नाही, ज्यामुळं खात्याची सुरक्षा वाढेल.
ऑटो पेमेंटचे नवे नियम OTT सब्सक्रिप्शन, विमा प्रीमियम, वीज-पाणी बिल आणि ईएमआय सारख्या सेवांवर लागू अतील. याशिवाय कार्ड, यूपीआय किंवा प्रीपेड माध्यमातून होणारे ऑटो डेबिट व्यवहार देखील यात येतील.
आरबीआयचा ऑटो डेबिट संदर्भातील नियम काही सेवांवर लागू होणार नाही. ज्यात फास्टटॅग आणि नॅशनल कॉमन मोबिलिटी कार्ड याच्या ऑटो रिचार्चचा समावेश असेल. म्हणजेच यासाठी जुनीच व्यवस्था लागू असेल.
