राजस्थान रॉयल्सने आयपीएल स्पर्धेच्या 19 व्या मोसामातील (IPL 2026) 32 व्या सामन्यात लखनौ सुपर जायंट्सवर एकतर्फी विजय मिळवला आहे. राजस्थानने यासह 2024 पासूनच्या दुसऱ्या सर्वात निच्चांकी धावसंख्येचा यशस्वी बचाव करत सामना जिंकला आहे. राजस्थानने लखनौसमोर 160 धावांचं माफक आव्हान ठेवलं होतं. लखनौला विजयासाठी प्रत्येक ओव्हरमध्ये 8 च्या रनरेटने धावा करायच्या होत्या. मात्र लखनौला संपूर्ण 20 ओव्हरही खेळता आलं नाही. राजस्थानने लखनौला 12 बॉलआधी ऑलआऊट केलं. लखनौचा डाव हा 18 ओव्हरमध्ये 119 रन्सवर आटोपला. राजस्थानने अशाप्रकारे 40 धावांनी हा सामना जिंकला. तर लखनौचा हा घरच्या मैदानातील तिसरा, सलग चौथा तर एकूण पाचवा पराभव ठरला आहे.

लखनौने टॉस जिंकून राजस्थानला बॅटिंगसाठी भाग पाडलं. राजस्थानने 20 ओव्हरमध्ये 6 विकेट्स गमावून 159 रन्स केल्या. लखनौच्या टॉप आणि मिडल ऑर्डरमधील एकालाही 22 धावांपुढे झेप घेता आला नाही. वैभव सूर्यवंशी याने 8 धावा केल्या. तर ध्रुव जुरेल याला भोपळा फोडता आला नाही. कॅप्टन रियान पराग याने 20 धावांचं योगदान दिलं. यशस्वी जैस्वाल आणि शिमरॉन हेटमायर या दोघांनी प्रत्येकी 22-22 धावा जोडल्या.डोनोवेन फरेरा याने 20 धावा जोडल्या. तर रवींद्र जडेजा आणि शुबम दुबे ही जोडी नाबाद परतली.

रवींद्र जडेजा याने राजस्थानसाठी सर्वाधिक धावांचं योगदान दिलं. जडेजाने 29 बॉलमध्ये 1 सिक्स आणि 2 फोरसह 43 रन्स केल्या. तर शुबम दुबे याने निर्णायक 19 धावा जोडल्या. लखनौसाठी मोहम्मद शमी, प्रिन्स यादव आणि मोहसिन खान या तिघांनी प्रत्येकी 2-2 विकेट्स मिळवल्या.

लखनौला 160 धावांचं आव्हान मिळाल्याने ते सहज पूर्ण करतील, असं वाटत होतं. मात्र लखनौला 6 च्या रनरेटने धावा करता आल्या नाहीत. टॉप ऑर्डरमधील मिचेल मार्श याचा अपवाद वगळता इतर तिघांनी निराशी केली. आयुष बडोनी, कॅप्टन ऋषभ पंत आणि एडन मार्करम या तिघांना भोपळाही फोडता आला नाही. निकोलस पूरन याने 22 धावा केल्या. तर हिंमत सिंह याने 15 धावांचं योगदान दिलं.

लाईव्ह स्कोअर

मिचेल मार्श याने सर्वाधिक धावा केल्या. मार्शने 41 चेंडूत 55 धावांची खेळी केली. मार्श मैदानात असल्याने लखनौच्या विजयाचा विश्वास होता. मात्र मार्श आऊट झाल्यानंतर राजस्थानच्या गोलंदाजांनी लखनौच्या उर्वरित फलंदाजांना झटपट आऊट केलं. राजस्थानसाठी जोफ्रा आर्चर याने सर्वाधिक 3 विकेट्स मिळवल्या. तर नांद्रे बर्गर आणि ब्रिजेश शर्मा या दोघांनी प्रत्येकी 2-2 विकेट्स मिळवल्या. तर रवींद्र जडेजा आणि रवी बिश्नोई या फिरकी जोडीने प्रत्येकी 1-1 विकेट मिळवली.