भारतातील नोकरदार वर्गासाठी अत्यंत महत्त्वाची बातमी आहे. महिनाभर काम केल्यानंतर नोकरदारांनी दर महिन्याच्या 1 तारखेला पगार मिळतो. मात्र आता या एप्रिल महिन्याच्या पगारासाठी तुम्हाला थोडी प्रतिक्षा करावी लागू शकते. कारण अनेक कर्मचाऱ्यांना 1 मे रोजी पगार मिळण्याची शक्यता कमी आहे. याचे कारण म्हणजे या दिवशी आंतरराष्ट्रीय कामगार दिन आणि बुद्ध पौर्णिमेमुळे अनेक बँकांना सुट्टी असण्याची शक्यता आहे, त्यामुळे व्यवहार बंद राहण्याची शक्यता आहे. त्यामुळे त्या दिवशी पगार जमा होण्यास विलंब होऊ शकतो.

1 मे रोजी सरकारी आणि खासगी बँका बंद असल्यास सॅलरी प्रोसेसिंग तसेच NEFT/RTGS सारख्या बँकिंग सेवांमध्ये उशीर होऊ शकतो. काही डिजिटल सेवा सुरू असल्या तरी पगार जमा करण्याची प्रक्रिया अनेकदा बँकांच्या कामकाजाच्या दिवशीच पूर्ण होते. त्यामुळे 1 तारखेला पगार मिळण्याची शक्यता कमी आहे.

ज्या कामगारांचा पगार 1 मे रोजी जमा होणार होता, त्यांच्या खात्यात पैसे पुढील कामकाजाच्या दिवशी म्हणजे 2 मे किंवा त्यानंतर जमा होऊ शकतात. ही प्रक्रिया कंपनीने पगार कधी प्रोसेस केला आहे आणि संबंधित बँकेच्या क्लिअरिंग वेळेवर अवलंबून असेल.

काही खासगी कंपन्या सुट्टीपूर्वीच पगार जमा करतात, जेणेकरून कर्मचाऱ्यांना अडचण येऊ नये. तर काही कंपन्या नियमित वेळापत्रकानुसारच प्रक्रिया करतात, त्यामुळे 1-2 दिवस उशीर होऊ शकतो.

UPI आणि मोबाईल बँकिंग सेवा 24×7 सुरू असल्या तरी पगार जमा होण्याची प्रणाली अनेकदा बॅच प्रोसेसिंगवर आधारित असते. त्यामुळे सुट्टीच्या दिवशी त्याचा परिणाम दिसू शकतो.

जर 1 मे रोजी पगार जमा झाला नाही, तर घाबरण्याची गरज नाही. हा उशीर तात्पुरता असतो आणि पुढील कामकाजाच्या दिवशी पैसे खात्यात जमा होऊ शकतो.

मे महिन्यात विविध सुट्ट्यांमुळे बँका एकूण 13 दिवस बंद राहू शकतात. यात रविवार, दुसरा-चौथा शनिवार तसेच ईद यासारख्या सणांच्या सुट्ट्यांचाही समावेश आहे. मात्र या सुट्ट्या प्रत्येक राज्यात वेगवेगळ्या असू शकतात.