Vinod Kambli’s Viral Video Breaks Hearts: मुंबई इंडियन्सने इंडियन प्रीमिअर लीग २०२६ मध्ये सहावा पराभव पत्करला.. घरच्या मैदानावर आयपीएल इतिहासात प्रथमच मुंबईचा संघ सलग चार सामने हरला आहे... मुंबईच्या या पराभवाचे दुःख घेऊन वानखेडे स्टेडियमबाहेर पडणाऱ्या चाहत्यांना एक भावनिक दृश्य पाहायला मिळालं. भारतीय क्रिकेटचा एक काळ गाजवणारा विनोद कांबळी, ही मॅच पाहण्यासाठी वानखेडे स्टेडियमवर उपस्थित होता. प्रेक्षक गॅलरीतून त्यानेही सामन्याचा आनंद लुटला, परंतु जेव्हा तो मैदानाबाहेर येत होता, तेव्हा त्याची अवस्था पाहून चाहत्यांच्या डोळ्यांत नक्की पाणी आलं असेल.

भारताचा माजी फलंदाज मागील बऱ्याच वर्षांपासून आरोग्याच्या समस्येशी झुंज देतोय... मागच्या वर्षी तर त्याला उपचारासाठी हॉस्पिटलमध्ये दाखल करावे लागले होते. दारूच्या व्यसनाने त्याची प्रकृती पूर्णपणे खालावली होती. दिवंगत रमाकांत आचरेकर सरांच्या पुतळ्याच्या अनावरण सोहळ्यात जेव्हा विनोद आला होता, तेव्हा त्याने सचिन तेंडुलकरलाही ओळखले नव्हते. त्याला हात पकडून चालावे लागले होते. काही दिवसांपूर्वी विनोदची स्मृतीभ्रंश झाल्याची बातमी समोर आली होती.