ड्रोन कंपनीच्या शेअर्सवर दिग्गज गुंतवणुकदारांच्या उड्या; खरेदीच्या लाटेमुळे १० टक्क्यांची दणदणीत तेजी
ET Marathi May 06, 2026 09:45 AM
ideaForge stock surges 10 percent after BNP Paribas bulk deal : शेअर बाजारात नवीन दमाच्या कंपन्यांची नेहमीच चर्चा असते. ड्रोन तंत्रज्ञानही तसेच आहे. या क्षेत्रात घडणाऱ्या घडामोडींवर गुंतवणुकदार लक्ष ठेवून असतात. ड्रोन तंत्रज्ञान क्षेत्रातील आघाडीची कंपनी आयडियाफोर्ज टेक्नॉलॉजी लिमिटेडच्या शेअर्समध्ये मंगळवारी मोठ्या प्रमाणात संस्थागत खरेदीचा ओघ आला. याचं कारण म्हणजे, जगप्रसिद्ध फ्रेंच बँक बीएनपी परिबाने आपली उपकंपनी बीएनपी परिबा फायनान्शियल मार्केट्सच्या माध्यमातून ७८३.२९ रुपये प्रति शेअर या दराने ५ लाखांहून अधिक शेअर खरेदी केले. या एकट्या व्यवहाराचे मूल्य सुमारे ३९ कोटी इतके आहे.
इतर गुंतवणुकदारांनी किती शेअर्सची खरेदी केली?इतर गुंतवणूकदारांनीही या संधीचा क्षण साधला. ७७९.२३ रुपये प्रति शेअर दराने ३.४ लाख शेअर्स, तर एनके सिक्युरिटीज रिसर्च प्रायव्हेट लिमिटेडने ७७७.९४ रुपये दराने तितकेच शेअर खरेदी केले. प्रत्येकी सुमारे २६ कोटींचे हे व्यवहार होते. एचआरटीआय प्रायव्हेट लिमिटेडने ७७६.९८ रुपये दराने ४.५५ लाख, तर जुनोमोनेटा फिनसोल प्रायव्हेट लिमिटेडने ७८०.२ रुपये दराने ३.४९ लाख शेअर्स खरेदी केले.
विशेष म्हणजे, हे सर्व व्यवहार ७७६ रुपये ते ७८३ रुपये या अत्यंत संकुचित मूल्यपट्ट्यात घडून आले. हे दर्शवते की मोठ्या गुंतवणूकदारांनी सध्याच्या किमतीवर विश्वास ठेवत शेअर खरेदीसाठी आक्रमक पाऊल उचलले.
गुंतवणुकदारांच्या उत्साहामुळे शेअर्समध्ये तेजीसंरक्षण व ड्रोन क्षेत्राबद्दलच्या वाढत्या व्यवसायामुळे आयडियाफोर्जमध्ये गुंतवणूकदारांचा ओढा वाढत आहे. या बल्क डील्सनंतर दिसून आले आणि शेअर मंगळवारी ८०४.१० रुपयांवर बंद झाला. सोमवारच्या तुलनेत ७३.१० रुपये म्हणजेच तब्बल १०% ची उसळी नोंदवत.
गेल्या एका वर्षाच्या काळात आयडियाफोर्जच्या शेअरने १११% परतावा दिला आहे, तर याच कालावधीत निफ्टी -१% आणि सेन्सेक्स -४% घसरला. सध्या शेअर ५०-दिवसीय (४५७ रुपये) आणि २००-दिवसीय (४६८ रुपये) साध्या चलत सरासरीपेक्षा (SMA) वर घट्टपणे स्थिरावला आहे.
कंपनीचे कामकाजआयडियाफोर्ज टेक्नॉलॉजी लिमिटेड ही भारतातील अग्रगण्य ड्रोन (UAV) उत्पादक कंपनी आहे. मुंबई येथे मुख्यालय असलेली ही कंपनी मुख्यतः संरक्षण, सुरक्षा, सर्वेक्षण आणि आपत्ती व्यवस्थापन या क्षेत्रांसाठी स्वदेशी ड्रोन बनवते. भारतीय लष्कर, निमलष्करी दल आणि विविध सरकारी संस्था हे कंपनीचे प्रमुख ग्राहक आहेत.
आयडियाफोर्ज टेक्नॉलॉजी लिमिटेड ही भारतातील अग्रगण्य ड्रोन (UAV) उत्पादक कंपनी आहे. मुंबई येथे मुख्यालय असलेली ही कंपनी मुख्यतः संरक्षण, सुरक्षा, सर्वेक्षण आणि आपत्ती व्यवस्थापन या क्षेत्रांसाठी स्वदेशी ड्रोन बनवते. भारतीय लष्कर, निमलष्करी दल आणि विविध सरकारी संस्था हे कंपनीचे प्रमुख ग्राहक आहेत.
