इराण आणि अमेरिका युद्धात जग तणावात आहे. जागतिक बाजारपेठ अस्थिर झाली. इराण आणि अमेरिका युद्धात सोन्याचे भाव घसरताना दिसले. ज्यादिवशी इस्त्रायल आणि अमेरिकेने इराणवर हल्ला केला त्यावेळेपासून सोन्याच्या भावात सतत चढउतार दिसत आहे. सोन्याचे भाव सतत घसरत आहेत. सोन्याचे भाव कमी झाल्याने अनेकांनी सोने खरेदी करण्यावर भर दिला. भारतात सोन्याचे मोठे मार्केट आहे. मात्र, दोन दिवसांमध्ये तब्बल दोनदा भारतीय लोकांना 1 वर्षाकरिता सोने खरेदी करू नका, असे आवाहन पंतप्रधान नरेंद्र मोदी यांच्याकडून करण्यात आले. नरेंद्र मोदी यांनी सोने खरेदी न करण्याचे आवाहन लोकांना केल्यापासून सतत सोन्याच्या किमती घसरताना दिसत आहेत. सलग दुसऱ्या दिवशी आज सोन्याच्या दरात मोठी घसरण झाली. नुकताच आजचे सोन्याचे दर पुढे आली आहेत.

12 मे 2026 रोजी सोन्याच्या दरात घसरण नोंदवण्यात आली. कालपेक्षा आज सोने अधिक स्वस्त झाले आहे. मुंबईमध्ये 24 कॅरेट सोन्याचा भाव आज 1,52,129 रूपये आहे तर 22 कॅरेट सोन्याचा भाव 1,39,440 आहे. 18 कॅरेट सोन्याचा भाव 1,14,90 रूपये आहे. कालच्या तुलनेत आज सोने स्वस्त झाले. पंतप्रधान नरेंद्र मोदी यांनी सोने खरेदी न करण्याचे आवाहन केल्यानंतर सोने स्वस्त होताना दिसत आहे.

दिल्ली, कोलकता, चेन्नई, हैद्राबाद या शहरांमध्ये सोन्याच्या भावात घसरण नोंद झाली. दिल्ली येथे 24 कॅरेट सोन्याचा भाव आज 1,52,270 रूपये आहे तर 22 कॅरेट सोन्याचा भाव 1,39,590 रूपये आहे. चेन्नई येथे 24 कॅरेट सोन्याचा भाव 1,53,810 रूपये आहे तर 22 कॅरेट सोन्याचा भाव 1,40,990 आहे. दोन दिवसांमध्ये सोन्याच्या भावात घसरण झाल्याचे बघायला मिळत आहे.

परकीय चलनात तुटवडा होऊ नये, यासोबतच व्यापारात तुटवडा टाळण्याकरिता नरेंद्र मोदी यांनी हे आवाहन लोकांना केल्याचे सांगितले जात आहे. 1 वर्षाकरिता सोने खरेदी न करण्याच्या आवाहनामागे अनेक कारणे आहेत. इराण आणि अमेरिका युद्धात रूपयावर मोठा परिणाम होत आहे. फक्त सोने खरेदी न करणेच नाही तर यासोबतच विदेश यात्रा टाळण्याचेही आवाहन नरेंद्र मोदी यांनी जनतेला केले. पुढील काही दिवसात सोन्याचे भाव अधिक घसरण्याची शक्यता आहे.